Vendor Review婚後商戶評分 - (證婚) 拉斐特Lafayette Wedding

攪結婚時睇埋睇埋咁多blog，依家到自己blog底番vendor用後感，回饙下一代B2B了。
(以下純粹個人感想和經歷，未必中肯，亦唔係賣廣告，只想分享一下^^)


原本book咗係酒樓樓上的奇妙姻典證婚，點知好黑，奇妙姻典突然執笠!! 好彩，拉斐特肯無條件接收我o地班苦主，真係好多謝佢地ga~

4月知道奇妙姻典執咗，真係好徬徨，清盤記者會當日我o地仲要唔係香港(去咗麗江影pre-wedding)，d手尾點點點真係唔sure。錢就當然拎唔番，我o地當丟咗落喊水海囉，但結婚一定要簽紙，而且BD係大旺日，深知呢個時候先搵律師都唔易，所以都唔得閒傷心，只想快快脆搵到律師，嗱嗱聲攪掂證婚呢part。

4月尾時，峰迴路轉，新開張的拉斐特，宣佈無條件接收奇妙姻典的苦主，當時真係覺得佢o地似天使下凡，救咗我o地呢班迷途小羔羊。

有朋友問我，新開無人用過喎，怕唔怕呀?
但我o地都唔理得咁多，有番個證婚場地，又唔洗再俾一舊錢，夫復可求!?

最後，事實證明我o地的選擇係無錯!!


首先，拉斐特的環境幾靚先啦~~

大堂lobby夠晒大，裝修又夠grand。

BD當日呢度企咗50幾人，都未算大迫jar~，仲有位影吓相tim。



拉斐特安排咗Hall 1作為我o地的證婚禮堂。

裝修好靚，亦係我o地想要的"假教堂"設計

呢度有晒佈置，我o地真係咩都唔洗攪，又慳番筆。(最鐘意張lace枱，好靚呀~~)
又提供晒羽毛筆、介指枕、MC、典禮歌曲、誓詞貓紙，我真係帶個人去就行得禮，呢點非常good!

只係場地唔算大，只能夠容納50人(座位)，最後來賓超出我o地的預算，有d賓客要企tim(仲要差d連企位都唔夠)，真係唔好意思。
亦因為場地唔大，match-in條路好短 (有好有唔好啦，唔怕花仔花女行到中途扭計喊，只係美好時刻快d完je)

另一個場地優點係，3個hall就有3個新娘房。
BD當日拉斐特好爆，同一時段有2個Hall都有證婚，但我唔洗同另一位新娘share lobby和新娘房，呢方面其他證婚公司都做唔到。



其次，服務真係超級好!!
即使我o地無俾錢，拉斐特都follow得好好。
會定時contact你，主動約我o地攪擬結婚通知書、rehersal等，完全唔洗我地操心。
我有咩問題，打俾佢o地，職員都好有耐性解答。
rehersal的時候，仲教咗好多行禮知識，每一個step都有講，唔係hea做ga。

BD當日，佢o地要證婚的新人係一pair一pair接住落(我見到門口的time table排到密晒)
所以佢地都預先準備咗職員係樓下做分流，又用walky-talky做即時溝通，所以無人流大塞車，A新人同B新人的賓客爭位企的問題。

證婚的時候，又有MC和王律師guide住成個流程，典禮真係超順利完成!!! 仲有大把時間影相，加上MC會call人上台影相，唔浪費一分一秒，最後所有來賓都能夠影到合照。



選擇係呢度證婚，真係明智的決定!!

只欠lobby無得擺reception和專用停車場，有埋就perfect 喇~~~(所以環境評分扣咗半分)



(5為滿分)
環境：半
服務：
價錢：

總分：



by笨豬小慧simple


相關閱讀：
拉斐特接收奇妙姻典苦主
證婚 - confirm轉場拉斐特Lafayette Wedding
證婚 - 拉斐特Hall 1實景
擬結婚通知書
行禮Rehersal