4月21日，TIA的last day。剛剛跟兩位designer同事有計傾，我就話走，大家都唔捨得，不過公司無空間俾我發展，又呃假期，無理由為人而留底。
4月22日，開始糧地官的生活。日日訓到11點先起身，無野做都好眼訓，真係唔知點解。上網搵工、打email、等電話、返part time，呆等的生活正式開始。係呢個咁頹的時候，婆婆竟然肺炎入咗ICU，差不多每天去探病，不安的心情更沉重。
4月28日，send咗十幾封求職信終於有回音啦，仲要係大公司，既興奮又緊張。戰戰兢兢地依時赴會，一到就見個大粒佬，唔知講乜，唯有hard sell下自己的profolio，佢睇咗兩眼就算了，又問咗我一大堆問題，腦子一片空白，答咗堆廢話，諗番都覺得自己吹得太空範。俾佢問一問，我突然覺我自己的將來好空虛，心情由天堂墜進地獄。
整個5月都循環著一個見工過程：上網搵工>>send email>>等回音>>見工>>等2nd in>>無聲氣，重覆了8次的同一句對白，自己都講到厭。有幾次的期待，可惜均是失望而回。不禁懷疑自己的能力，信心一次又一次的崩潰。
5月27日，第8次見工，因為之前的多次失望，今次亦抱著姑且一見的輕鬆心情---無期望，無失望嘛。可能因為無壓力，反而對答如流。總之不知道什麼原因，同一天見完HR再2nd in埋department head，經過3小時的會面，我的新工作就落實了。沒有驚喜，但有些意外。可能命運如此，「有心栽花花不開，無心插柳柳成蔭」，辛苦又忙到死的工作沒我份，暇hea工就請我。唔通好似蘇文峰個句：行懶運？
不過點都好，生日前搵到份新工，真係好開心，安樂晒~
6月2日，歷時41天的糧地官生活正式畫上句號。可惜我成個月都無車過件公仔衫... ...又晒咗D青春。
