2010年1月25日 星期一

安睡護膚品 - Clains多元活膚系列

都市人生活緊張,工作繁忙,壓力大,現代女性仲要兼顧事業、家庭、愛情、朋友等等,咁多野煩,有冇試過訓唔著,什至晚晚失眠呢?

我就未有失眠問題,但晚晚唔夠訓,或者訓唔冧就時常有。訓得唔好,皮膚都差晒,乾紋暗啞都出晒0黎。

Clarins新出了一套專門對付都市壓力而形成的早期細紋的護膚品 - Multi Active多元活膚系列,0岩晒我呢D八十後的女性。





我仲參加埋Clarins的產品工作坊,詳細了解產品的原理、功效、使用方法等。



當日仲有Clarins的高層為我地作細心的講解



產品的最特別的地方係可以去角質又同時促進細胞再生,呢樣野暫時未有其他護膚品可以做到,Clarins仲拎埋專利!!



當然唔少得賣點:減少幼紋啦。





聽完講座後我就拎了多元活膚系列的3件主打產品回家試用。







多元活膚精華
- 內含胭脂仙人掌,高效促進細胞更新,改善暗啞,預防壓力造成的早期幼紋。




有淡淡的花香味,只要一粒黃豆的大小就可塗勻全臉,很快就吸收晒,一D都唔笠,無阻日/晚霜的吸收。





多元活膚日霜
- 內含活性Ambiaty柑橘類黃酮卡塔夫樹藜麥,有效鞏固皮膚結構,減淡幼紋,又有抗氧化效能,滋潤皮膚,持久保濕。




花香味很濃郁,2粒黃豆的大小就可以塗勻全臉(但塗多了會有些笠),塗後不會完全吸收,有層薄膜留係面,北風吹幾吹,塊面都未乾晒。只嫌無防曬度數,要再塗防曬乳。





多元活膚晚霜
- 內含奇異果萃取Imudilin縮胺基酸角豆,加速新陳代謝,提升細胞自我修復能力,促進纖維母細胞的活動,促進骨膠原形成,令肌膚回復彈性。(BA強調配方令人客易入睡)




中度的花香味,不過味道同上面2個唔似,係好清淡個仲(有D似茉莉花,上面的比較似火百合),我很喜歡呢個清新的香味
(我對香薰有鼻敏感,只會用無香料的護膚品)。也是2粒黃豆的大小就可塗勻全面。很快就吸收了,很滋潤卻清爽。茉莉的花香味真係令人好想快D去訓ZZZZ




試用效果:

早:潔膚>>肌研極潤化妝水>>多元活膚精華>>多元活膚日霜>>Borghese美白防曬乳

晚:卸妝>>潔膚>>肌研極潤化妝水>>多元活膚精華>>多元活膚晚霜



使用前:北風起,皮膚爆乾




使用一星期後:乾紋有改善,皮膚回復光澤。




綜合評分(5為滿分)


多元活膚精華


多元活膚日霜


多元活膚晚霜


回購率
(老實說,Clarins的東東不便宜)



打完收工,多謝收看。也多謝BE和Clarins給我今次試用的機會。

2010年1月21日 星期四

噬走水筒腰!!!24吋返0黎啦(內有肉照, 慎入)


因為我的身形瘦瘦長長,可以呃到人以為我好slim,但近來天氣凍,食多咗野(係咁打邊爐啦、buffet、韓燒.....),就咁多咗個水桶腰 Orz。本身已經係"A"級身材的我,有個腩真係好閉,上又無下又凸出,真係要攪攪佢。


唔知聖誕老人係唔係聽到我的呼喚,俾我抽中了Diligent Fungus勤力噬脂菌的試食,多謝Ztyle呀~~(仲有聖誕老人)





食1個月可以減20磅!!!你睇珍妹(姨?)幾fit,好勁!!!



究竟D噬脂菌有幾勤力呢?





話晒都係擺入口的野,食之前要睇清楚成份


仲有營養表

1包得10kcal,仲少過你食塊薯片。





一盒有30包,夠食2星期。分開上下兩層擺(仲要擺得好整齊)



細細包,帶出街都好方便。每日食2~3包,餐前半小時食,可以直接食或者加落D飲品or食物度。



倒出來係D綠色的粉,有好香的山楂味



因為我唔鐘意食粉(感覺好似食藥
),我會用半杯溫水開0黎飲,飯前一杯好方便

沖起好似杯綠茶,不過就好多沉澱物。要攪攪攪完先飲得。飲落一D茶味都無,反而有山楂的酸酸甜甜的味,幾好飲ga。(起碼唔似代餐個D奶咁難入口)



拎咗盒噬脂菌後就腸胃炎(又0黎
),好番之後先開始食,現在大約食了一星期。食咗個胃無唔舒服,又無作肚痾(我超易痾,食錯少少野就0黎料)。唔知係唔係佢酸酸甜甜咁,我食完佢胃口超好,仲大食咗
真係有D驚減唔到仲肥多幾磅。



先睇睇我食了一星期的效果:



BEFORE:無咩腰形
  
AFTER:旁邊係凹0既,條腰出番0黎啦






BEFORE:胃腩凸凸,啤梨身材
     
AFTER:平番D咁啦





其實我磅數無咩減到,脂肪比率又係無咩減到(我淨食佢,無做運動又無節食),但個腩就好明顯細咗。因為隻噬脂菌幫到我去便便,以前2~3日一次,食咗佢就日日都會去,無野積係身體入面,個肚仔都細D啦~~~而且食多多都唔會肚脹脹咁,所以雖然佢整到我大食咗,但我都無肥到



衰在佢價錢都唔平,HK$420/盒,只食到2星期,仲要配合運動同飲食先可以完全減到。唔喜歡做運勳同為食的sis,可以用佢幫下排毒(不過減磅就忟D),唔洗肚仔大過心口





打完收工,多謝收看。喜歡的話幫忙"引用"一下,錫晒你地  (連我張肚腩"肉"照都夠膽睇)