~~送客~~

睇完same day edit，我同主人即刻入新娘房，換最後一套衫。


正當我換好衫(老公已經出咗去喇)，坐底轉妝轉頭之際，細妹好慌張咁入咗新娘房。
of cos有大鑊野發生啦。
舅父黑晒面咁質問細妹，我敬酒o個時一埋去就轉身走咗，問我咁做即係算點!?
言下之意，即係覺得我唔尊重佢囉。
然後仲要攞彩，要我換完衫出去即刻同舅父補影相，仲想我補斟茶俾佢，要我俾番d face佢。

我聽完之後，真係噴火咁興呀

過大禮和派帖時已經玩咗我鑊金，又要我媽咪同佢道歉+派帖，又威脅我成家都唔到。
好喇，卒之收咗張帖，但又話唔同呢個o個個坐，又話唔知嚟唔嚟到，跳晒草裙舞咁。
唉，我都算，真係唔想嚟，我唔勉強。o個一圍，我當蝕俾你。
到咗晚宴，舅父一家拖到8:30pm先出現，但又黑晒面口，媽咪同佢打招呼，佢都唔睬人。
真係咁唔想嚟，咪唔好嚟囉。
又唔係真心祝福我，依家仲想攞彩，算點呀!?
呢d就係你俾我的「尊重」嗎?
如果舅父你真係需要影相、斟茶，需要尊重，唔該你都尊重番我，早少少到，唔係咁樣你要乜我就要俾乜你。

我係新娘房，真係嬲到係咁爆粗!!! #$&^$**$*%*#&!

攪到我成日的開心，都係呢一下用晒!!!! >^< (仲攪到我破戒，氣!!)


冷靜之後，我只答應影相，斟茶，佢真係唔洗諗!!!
 (叫細妹同佢講，男家無補斟，所以女家都唔斟茶喇)

出到去，我就上台stand by，點知條友真係玩得太過癮>.<
係台下扭扭擰擰，又唔肯上台。頂!!!!
要我親自落台「請」你影相， 要攞威嘛~~~
得!! 我塊面石屎咁厚，呢d門面野，你要我咪做俾你囉。明眼人都知係佢低能啦。

影完呢張相，我真係連望佢都慳番。


好彩有一大班朋友，接二連三同我影吓相，心情又回復happy happy^^

影呀影呀影呀影呀~~~雖然好唔捨得，但終究要送客喇。

好多謝各界好友俾面出席!!!


兄弟姊妹都好落力歡送來賓。
今日辛苦晒你o地喇~~~

bye bye~~~~~~~
(真係講bye bye講到口水乾)


d friend可能知我口乾，送客都要灌一灌我同主人飲酒

一路飲真係好驚d紅酒會滴落條裙度>ww<

主人仲搶埋我杯酒，打孖上，一飲而盡!!!
(似乎任務完成，主人都唔怕俾人隊冧)



客又送埋，大日子正式完成!!!!
GOOD SHOW!!!

 

videoman問我o地有咩感想。我只識不停係度「YEAH~~」^^v
心情興奮，又好感恩!! (打勝仗乎!?)
最要多謝係主人呀~~~~錫啖你啦^3^

終於成功完成咗呢個大project，真係好興奮呀~~
雖然今日由朝踩到晚，理應超級疲倦，但個人仲好high，根本唔識累。


班損友驚我o地唔死，臨走時係門口整定紅酒陣等我同主人=.="

飲完呢幾杯酒之後，我o地就由天堂直墜地獄T^T


by笨豬小慧simple


相關閱讀：
出嫁的早上 - 女子組
出嫁的早上 - 男子組
玩新郎!!! (定玩兄弟呢??)
抱得美人歸
飲過女婿茶，靚過周秀娜
出門‧入門
飲過新抱茶，好快做嫲嫲
before the signature
感動的註冊
席前迎賓
爆笑進場，晚宴正式開始!!
敬酒‧亂作一團

[食譜] 豆豉蒸倉魚

老公鐘意食倉魚，唔想清蒸，可以試吓用豆豉蒸。
其實倉魚同豆豉好夾ga~~~~

豆豉蒸倉魚
材料：(2人份)倉魚 -- 1條 (比手掌略大的size)
薑片 -- 3~4片
豆豉 -- 1茶匙
豉油 -- 1湯匙
油 -- 1湯匙

做法：1. 魚洗淨，去走剩餘的鰓、腸和肚內血塊，瀝乾水，放在一個窩形的瓦碟上。
2. 薑片放一片入魚肚，其他鋪在魚身上面。
3. 豆豉洗淨，稍稍用菜刀拍扁，均勻鋪在魚身上。
4. 待電飯煲水滾(噴出蒸氣)，放進魚，隔水蒸；飯熟時魚也熟了，取出魚。
5. 小心倒去魚汁，取走肚內的薑片，淋上豉油。
6. 燒滾油(要出煙)，淋到魚上。

貼士：1. 怕魚唔熟，可在魚下面墊一隻小匙羹，晾起魚身會更易熟透。
2. 如果不用電飯煲蒸魚，可改用鑊蒸，用鑊加水到差不多蒸架的高度，水滾後放入魚隔水蒸3~5min


by笨豬小慧simple

[食譜] 梅菜蒸肉餅

(3個月前) 終於有電飯煲喇~~~可以煲到飯，有d正正常常的家常菜吃了。
職業靚太一定要學識蒸餸!! 用電飯煲同時蒸餸+煲飯，簡單、快捷、美味^^
半個鐘頭就有得食喇~~~

梅菜蒸肉餅
材料：(2人份)免治豬肉(半肥瘦) -- 300g
甜梅菜 -- 半棵
生粉 -- 1茶匙
鹽 -- 半茶匙
生抽 -- 1茶匙
油 -- 少許

做法：1. 梅菜先用水浸5~10分鐘。
2. 梅菜洗淨，揸乾水份，切碎成小粒，備用。
3. 豬肉依次與生粉、鹽、生抽、油、梅菜碎拌勻，醃5分鐘。
4. (3)平鋪在瓦碟上，造成肉餅樣。
5. 凍水放(4)進電飯煲，隔水蒸，飯熟時肉餅也一起熟了。

貼士：1. 未下豉油前，用力撻一撻整舊豬肉，蒸出來的肉餅的口感會實d，似d剁的肉餅。
2. 洗梅菜時要逐塊葉擘開洗，因為梅菜隨街生曬，有很多沙。
3. 可按個人喜好改用咸梅菜，做法效果其實一樣的，只是我比較喜歡甜梅菜^v^


by笨豬小慧simple

敬酒‧亂作一團

食咗件乳豬，我就要仆入新娘房，換敬酒的紅色晚裝。(你話做新娘enjoy!? 其實好慘ga，俾咗錢又無份食，仲要餓住個肚)

媽媽s都陸續入房換第2件晚裝。


我換完衫出到嚟，已經食到翅了，餓到饑腸滾滾的我，唔理個咀會花，快快手扒咗2碗翅，正=q
(達成我的目標之一，換衫轉妝要快，我要食到個翅!!!)

翅食完，開始敬酒喇喂!!

我o地都準備好俾人灌酒咖喇!! 放馬過嚟啦!!!
(話個唔算秘密的秘密俾大家知，我o地手上呢杯係"假"的VSOP，可樂溝雪碧嚟咋，d色溝得幾似ga)

飲杯~~~~

飲杯~~~飲杯~~~飲杯~~~飲杯~~~

當時真係high爆，都唔記得咩係儀態喇，起勢咁大叫大嚷，所以大部分相我都係擘大晒個口，hahaha


睇番d相，敬酒時真係好混亂。
大家都好熱情(有個唔識的阿婆仲無啦啦攬實我)，圍圍的賓客都起晒身同我o地碰杯，有時埋到枱，要搵位zip埋枱邊，都有d困難。
譽宴的waitress姊姊又好心急，敬完一圍就拉住我行開，試過幾次我到另一圍，主人仲敬緊之前o個圍。
長輩s更加唔洗講，愈行愈後，敬敬吓酒，已經由前面退咗去後面=.="

幸好，我條人龍夠晒長，先無行到斷晒jar~~
(老爺做咩敬酒敬到伸晒脷呢!??)

敬咗一半，都無人灌過我o地飲酒，仲諗住大家咁留手!??唔通因為星期日，第二日要番工，唔想飲咁多!?

但敬到呢圍損友，我o地就知我o地開心得太早。

未埋到枱，已經係遠處見到呢個「紅酒陣」
班死野已經斟定幾杯"孝敬"我o地。

我o地一埋到枱，班損友即刻搶走主人手上杯假VSOP
我見勢色唔對，已經向後縮(無食野，我怕真係一杯瓜掉)
兄弟團都好識做，即刻衝上嚟，接晒d酒!!!

全靠班兄弟團攔途截酒，我和主人先可全身而退 =p
(睇吓主人甩難後，o個樣笑得幾得戚XD)


之後都平平安安，熱熱鬧鬧咁敬埋餘吓圍數的敬酒，直到..................

尾三呢圍，就係反咗面的舅父一家大小坐的一圍。
見到佢o地黑晒口面的樣，真係好唔開胃。(咁唔想咪唔好嚟囉>^<)
而且，我唔想佢見到媽咪，或者媽咪見到佢o地，有咩激烈反應(例如即時係度大吵一鑊啦.....我覺得佢o地做得出咖)就唔好啦=.="
於是，我埋到枱邊，叫咗聲「飲杯」，就轉身走!!!
無眼睇佢o地。
人龍的其他人都好醒，見我走，佢o地連「飲杯」都唔講，跟埋我走(大家又會知我諗乜嘅!?)

敬埋兩圍紅枱，快快手就攪掂敬酒喇~~~


正當我心裡數算，快d換衫，快d出嚟補影相。
photop力勸我同主人留步，睇埋same day edit先。

真係好開心，有聽photop講，坐陣睇埋same day edit，

因為videoman真係做得好出色!!! 條片好正呀~~~~


by笨豬小慧simple


相關閱讀：
出嫁的早上 - 女子組
出嫁的早上 - 男子組
玩新郎!!! (定玩兄弟呢??)
抱得美人歸
飲過女婿茶，靚過周秀娜
出門‧入門
飲過新抱茶，好快做嫲嫲
before the signature
感動的註冊
席前迎賓
爆笑進場，晚宴正式開始!!

[食譜] 豉椒炒蜆

大排檔名菜，最近街市新鮮蜆又靚又平，一於試吓自己炒番碟!!!

豉椒炒蜆
材料：(2~3人份量)蜆 -- 1斤
蒜 -- 半個
豆豉 -- 1茶匙
辣椒 -- 半隻
油 -- 1湯匙
米酒 -- 1茶匙

做法：1. 蜆放入大盆，注水至蓋過蜆，放置最少1小時，待蜆吐沙。
2. 蜆用牙刷/百潔布輕刷外殼，洗淨，瀝乾水備用。
3. 蒜剁成蓉。豆豉洗淨，用刀拍打以便出味。辣椒洗淨去籽，切成小粒。
4. 大火燒鑊，下油，油熱後下蒜蓉、豆豉、辣椒碎，一同爆香。
5. 然後下蜆，快手兜勻(4)的材料，轉中火翻炒，至全部蜆開口熟透。
6. 轉大火，鑊邊贊酒，兜勻，熄火，上碟。

貼士：1. 蜆浸水時可加1茶匙鹽，幫助蜆吐沙。不過今次d蜆好新鮮，我無落鹽助吐沙，蜆又無咩沙。
2. 去到步驟(5)，我怕蜆乾炒難熟，加了1湯匙溫水，令蜆快d熟。
3. 海蜆已夠咸味，所以我無加鹽。喜歡濃味的可以熄火前試一試味，再按喜好加鹽調味。
4. 鐘意食辣的，可以按喜好增加辣椒的用量。我怕辣，只用半隻辣椒，有少少辣味提升味道而已。
5. 煮完開唔到口的蜆即是死了，不能吃唷!!


by笨豬小慧simple

[食譜] 香草蜜糖焗雞翼

半年前的入伙party，我整的私房小吃^^ (亦為新的焗爐開光，多謝兄弟A的入伙禮物啊)

香草蜜糖焗雞翼
材料：雞中翼 -- 1磅
鹽 -- 1茶匙
生抽 -- 2茶匙
老抽 -- 1茶匙
黑椒碎 -- 少許
什錦香草乾 -- 2茶匙
蜜糖 -- 1湯匙
油 -- 少許

做法：1. 雞中翼解凍後洗淨，瀝乾水份，加入鹽、生抽、老抽、黑椒、香草，醃最少2小時。
2. 焗盤鋪上兩層錫紙，焗爐190˚C預熱5~10分鐘。
3. 焗盤塗少許油，平鋪雞翼(皮向上)，放入焗爐焗15分鐘，之後反轉再焗15分鐘。
4. 將焗爐加熱至220˚C。
5. 雞翼兩面掃上蜜糖，焗5分鐘。
6. 再兩面掃蜜糖，反轉再焗5分鐘，轉金黃色即可。

貼士：1. 掃蜜糖前，先用牙籤篤一下雞翼，看看熟未(無血水為之熟)，未熟可加焗5分鐘。
2. 我在雞翼入焗爐前再灑上香草碎和黑椒碎，製成品更香口啊~
3. 雞翼醃過夜當然更入味啦~~


by笨豬小慧simple

爆笑進場，晚宴正式開始!!

換好衫後，譽宴的職員就帶我摸黑行去酒樓門口，準備match-in喇~~(感覺好似遲咗入戲院，有人帶位咁XD)
主人亦係門口stand by。

依家出面成300人係度，都咪話唔緊張呀~~~


音樂響起，MC上台

MC呢個重任，我無請出面的職業婚宴MC，而係搵咗呢位識咗十幾年的朋友擔當。
好多謝佢，一知我o地結婚，佢即刻舉手做MC，感動啊~~要知呢d三剎位，真係唔係人人肯做ga。


首先播放我們的成長片段。


呢段片，婚前一星期才拜託Videoman Tart幫手造的，真係臨急抱佛腳，sorry>.<
婚前3日完成，主人就即時拎咗去酒樓試碟，所以我係完全無睇過ga~~

可惜酒樓門口睇唔到電視，段片咩樣，我到播完都係唔知道呢v_v


播完片，就到我o地出場喇~~~

MC大叫：「有請孫XX和孫.................簡XX進場。」
呢吓蝦碌引起全場大笑。
其實都啱啦~~~wakakaka

酒樓仲準備咗吹泡泡機係後面助慶，攪到好dramatic咁，hahaha (呢個effect我事前唔知有ga~)

因為花球已經謝謝地，我又懶唔想拎住，將佢丟咗係reception張枱度=p

所以我好輕鬆呀，可以好似港姐咁揮住手進場 (咁啱音樂都係《香港小姐主題曲》)

仲擘大晒個口，大叫大笑，無晒儀態囉=.="


其實............我睇唔到d賓客ga

迎面戔spotlight，真係好"橙"眼=o=

因為見唔到人，心情變得好輕鬆，YOYOYOYO咁high住match-in

上到台，唔少得切假蛋糕


仲有世紀之吻

好彩大家無叫encore，多謝大家下手留情!!!!


跟住，無獎問答時間

估唔到MC問番我第一次見到主人，我同佢之間講咗d乜野=.="
haha，好彩我仲記得jar~~~~(不過唔係d咩sweet的對白，因為主人實在太口賤，令呢件事太刻骨銘心)

第一次見主人，係中一新生迎新日。
我去完toilet，行番座位時，遇到一位認識的朋友，原來咁啱大家編埋同一班。
又咁啱，呢位朋友的小學同學，就係主人。
第一次見，名都未記得，條友已經咀賤賤：「乜你原來去女廁ga!?」
(講番d background先，當時的我係男仔頭短髮的，加上瘦削的身材，真係無乜女人味ga~)
當時堅覺得呢條黑麻麻的肥仔好無禮貌!!!!
從此，我o地就做咗3年互串互窒的歡喜冤家。

我o地的愛情故事，MC當然有問啦，呢d場合，又點能夠唔坦白。
主人表白的一幕，我都仲記得，因為仍然貫徹佢咀賤的style。

有一晚大家傾電話，主人突然用好認真的語氣叫我個名。
當吓都feel到佢有d野想同我講，不過我真係骨都痺埋>~~<
我就叫主人，你都係平時咁叫番我啦~~~心諗，想嚇死我咩
主人再好認真咁同我講：「可唔可以做我女朋友?」
事出突然，我需要好好考慮一下，我就答：「明天覆你啦。」
於是明天小息時，我鼓起勇氣，走埋主人度，講咗句：「得喇。」
點知條友仔的回應係：「得咩呀!?」(手上仲拎住d小食)
o個吓真係有d嬲，乜原來你尋晚的認真係玩我ga!??
我怒睥咗主人一野，拋底句：「你自己諗吓啦!!」，轉身走>^<


台下的親朋戚友，聽我o地的愛情故事，聽到笑聲四起!!!
(我諗呢個就係大家所講的棟篤笑位)


問完我，就梗係要問番主人先fair啦~~~
MC問主人，佢之前講過，世界末日佢最想做咩??

哈哈，呢件事我都唔知呢~~~係其中一位姊妹報的料，好多好多年前佢地傾計時講的。

主人咁樣被人考一考，當堂打咗個突@0@
好彩佢都仲記得自己講過d乜野：「同Simple結婚」

今日你夢想成真啦~~~wakakaka


之後，就係一大段答謝的說話

多謝自己和對方的父母、屋企人、當日幫手的兄弟姊妹團、俾面出席的各方人仕。

講講吓，我同主人都忍唔住，眼紅紅T^T
主人仲成功攪喊咗我媽咪，但媽咪好眼利，昅到有人影佢，即刻避鏡頭>.<

當然唔少得多謝身邊呢個伴，今日無你我，邊成事^v^ (我仲唔小心爆料，講咗奶奶的壞話XD)




廢話講完，飲杯~~~~



起菜喇喂!!!




by笨豬小慧simple


相關閱讀：
出嫁的早上 - 女子組
出嫁的早上 - 男子組
玩新郎!!! (定玩兄弟呢??)
抱得美人歸
飲過女婿茶，靚過周秀娜
出門‧入門
飲過新抱茶，好快做嫲嫲
before the signature
感動的註冊
席前迎賓

 

[食譜] 大蔥爆炒肥牛

咁啱雪櫃有食剩的打邊爐肥牛，唔好浪費食物，炒香佢做餸，又一餐喇。

烹煮連準備的時間只需15分鐘，堪稱快靚正家常菜!!!

大蔥爆炒肥牛
材料：(2人份)肥牛片 -- 150g
大蔥 -- 1條
薑 -- 2片
鹽 -- 1/2 茶匙
糖 -- 1/2 茶匙
油 -- 適量
豆板醬 -- 1茶匙

做法：1. 肥牛事先溶雪解凍。大蔥切去根、頂部較老的部份，洗淨，斜切成1.5cm闊的圈圈。
2. 大火燒熱鑊，下油，油熱後下薑，爆香。
3. 下大蔥快炒至軟身，落鹽、糖調味。
4. 將大蔥堆到鑊邊，留空間下肥牛，快手揚開，翻炒至八成熟，再與大蔥兜勻，中火煮2分鐘左右至肥牛全熟。
5. 落豆板醬，兜勻，熄火。

貼士：1. 我用的是日本大蔥，用中國京蔥都可以啊~
2. 老公食過番尋味，之後變化食譜，用半棵西芹代替大蔥，一樣美味。
3. 肥牛來不及溶雪，可用微波爐的解凍功能幫助一下^^


by笨豬小慧simple

::拍拖14週年::

2011年3月23日(五)
今日係我同主人拍拖14週年紀念日。

原本諗住今日下午拎假，但月頭發生咗d事(詳細按此)，所以個假期無咗lu v_v


呢個月我好忙，公事私事都忙，都無咩心情預備，禮物又無買......主人，sorry>_<
反而主人一反常態，好好預備，所以今年都有好好慶祝^^


主人唔單止自動波拎定假，仲團購定今日的dinner。

去咗灣仔的Double Tree食

set dinner就無乜特別，都係湯+前菜+主菜，比較可以講係前菜，松茸炒蛋和碎茄多士，味道好fresh。

呢個set的精髓，其實係 任 食 甜 品!!!

招牌的朱古力心太軟和火焰雪山，不負眾望，非常好食=q
綠茶mousse、咖啡mousse都好好味，
最驚喜係法式焦糖布甸，飽都飛起的我o地，都忍唔住encore再encore!!


多謝主人安排呢個簡單而好味的dinner，小豬慧食得好開心啊~~~~
為咗答謝你，就係Forever 21，買你恨咗好耐的boot，做慶祝禮物啦~~~


by笨豬小慧simple

靚太，就係要短髮

2012年2月尾
過埋年尾的hair cut busy peroid，我終於可以剪 頭 髮!!

為咗wedding，留咗一把長到及腰的長長長髮，真係好耐無試過把頭髮咁長了。
但經過無數次漂染燙捲之後，秀髮受損嚴重，髮尾開叉，d髮質霉到似炸菜，呢排仲起勢咁甩頭髮，真係好怕變禿頭呀>.<

終於可以同長髮say bye bye

髮型師綁好馬尾，就一下cut走佢!!! 爽~~~~^0^
(cut之前佢猛問我留到咁長，捨得ga la!? 我仲安慰佢大膽d放心cut短，hahaha)

清新短髮look!!! 又型又爽!!!

染咗深色，咁遲d生番的新頭髮都唔洗補染。之前染得太多，d頭髮真係好傷，我想要d時間俾d頭髮休息一下。



婚前已經好想好想剪頭髮，忍咗好耐喇，依家真係一剪解千愁~~(－3－)

我自己好鐘意呢個新髮型(有好多靚太支持咖)，
但主人的feedback係..........似石內卜=.="""" (打得少呀!!!=^=+)
(明顯主人係長髮控)


身邊好多新任靚太都陸續加入短髮行列，難度「短髮」就係人妻的標誌!?
我o地可以攪個「短髮靚太聯盟」喎，勢抗長髮控老公，軟硬兼施，令佢地愛上短髮，wakakaka


by笨豬小慧simple

[食譜] 朱古力慕士蛋糕 chocolate mousse cake

聖誕節home party一人一味大食會，我揀咗整蛋糕^^

整的過程有少少蝦碌，好彩味道都唔錯，hehe。




朱古力慕士蛋糕 chocolate mousse cake

材料：(8吋/20cm圓模)

朱古力海棉蛋糕Duncan Hines Devil's Food Cake Mix -- 1盒
蛋 -- 3隻
水 -- 1 1/3 cup (約340ml)
橄欖油 -- 1/2 cup (約125ml)

朱古力慕士黑朱古力磚 -- 100g
淡忌廉 -- 200g
魚膠片 -- 1片
糖 -- 20g

裝飾無糖朱古力粉 -- 3~4湯匙
顏色糖漿 -- 1小支
士多啤梨 -- 1盒
糖 -- 1茶匙
魚膠片 -- 半片
熱水 -- 1~2湯匙


工具：

8吋圓模 -- 1個
大size不鏽鋼碗 -- 2個
湯碗 -- 1個
煲(size要放得落一隻湯碗) -- 1個
電動打蛋器
麵粉篩
量杯
磅
膠刮刀
麵包刀
忌廉塗抹刀
蛋糕紙


做法：
(蛋糕)1. 焗爐180˚C預熱。
2. cake mix倒入大碗中，加水、油，用電動打蛋器(用麵粉攪拌棒)以慢速打勻。
3. 加蛋，用電動打蛋器(用麵粉攪拌棒)以慢速打勻。
4. 中速打麵糊2分鐘。
5. 圓模鋪好蛋糕紙，倒入一半麵糊，凳平。
6. 放入焗爐焗30~35分鐘，焗好後脫模，用架晾起放涼。另一半麵糊重覆步驟(5)~(6)去焗。
(慕士)7. 魚膠片用半碗水浸軟。
8. 黑朱古力磚搣碎，放入湯碗中。
9. 湯碗放入煲中，加入熱水(水位不可以高過湯碗)，以小火隔水煮溶朱古力，其間要不斷攪拌，溶晒熄火。
10. 加入一半淡忌廉(50g)和魚膠片，隔水煮溶。
11. 另一半淡忌廉加糖，放入大碗，用電動打蛋器(用打蛋棒)打至企身。
12. (10)加入(11)，打至企身。
(組合)13. 蛋糕切走拱起的部份(用以整平個蛋糕)，其中一個的頂塗0.5cm厚的慕士，蓋上另一個蛋糕。
14. 餘下的慕士塗勻整個蛋糕，放入雪櫃冷藏最少1小時。
(裝飾)13. 蛋糕面篩上朱古力粉。
14. 顏色糖漿寫字。
15. 士多啤梨洗淨，去葉，切半，鋪滿蛋糕。
16. 魚膠片浸軟，1湯匙熱水整溶，加糖，淋在生果面，用來定型。
17. 放入雪櫃再雪1小時，就可食用。


貼士：1. 1盒cake mix可以整2個8吋大的蛋糕，但我只得一個蛋糕模，所以分開咗2次焗，再切去頂，組合埋一個。
2. 如果怕蛋糕唔熟，可先用牙籤篤入中間位，抽出後如果沒有濕的粉黏住牙籤，即係蛋糕熟透了。
3. 我第一次焗有少少唔熟，就逐次加焗1分鐘，補焗2次就攪掂了，一次補焗太耐，驚會燶啊。
4. 食譜的慕士唔太夠，唔夠我塗晒成個蛋糕，下次再整分量要加倍。


by笨豬小慧simple

席前迎賓

(終於寫到晚宴了...........)


行完禮即撇，無驚無險，5pm前就到酒樓喇~~~~~~~~~~

譽宴幫我準備的welcome board (多謝好友們幫我拍底留念啊)

拍拖嘅時候，都無諗過姓氏的問題，啱啱拍o個時大家仲係學生，邊諗到咁長遠喎，而且一直都係叫對方的英文名，又點會諗起個姓係點....
到印帖時先知，我同主人的姓夾埋係 咁 好 笑..........XD

所以，我地會係一個中和的婚禮!!! XXDD


去到酒樓，我就被MUA KaKa拉咗入新娘房換衫 (仲諗住著住件THE ONE，係酒樓影幾張相tim>.<)
主人、媽咪、奶奶、細妹、姑仔 都入晒新娘房換衫換妝。
原本準備咗另一間細房俾佢地用，但佢地唔想兩邊走(d衫放唔到係o個邊)，大家都就地攪掂自己個樣。
唔好睇好似人多多，間房又唔算大，但又唔迫喎，奇^^


我換好衫前，兄弟姊妹已經幫我set好佈置了。

reception區
譽宴有晒基本佈置(枱布、裙腳等)，兄弟姊姊只要拎簽名布、簽名筆出嚟，已經可以開壇。
我的DIY花花簽名筆真係正，裝飾和實用兼備(仲有mc win的筆筒啊~~~)

相簿油畫區
兄弟姊妹擺得d相簿好靚呀，仲自動波拎埋d花瓣嚟用，醒!!!

電梯大堂
放置咗我o地的Q版公仔foam board，怕大家影唔切合照，都有呢個foam board做spare。
隻公仔係我畫ga~~~~ (多謝姊妹G的幫忙啊~~~)

仲有台上的banner、門口的seating plan、每張枱的table no. card，都係姊妹G的出品，好好好靚呀~~~much much thx!
 

加埋譽宴原有的佈置，真係好好好match!!!

仲有每人1包的琼姐手造鳥結糖，100000 x like!



MUA KaKa好快手，我好快就換好晚裝+換埋妝頭，出來切蛋糕喇。

美心的蛋糕，好睇但唔太好食，士多啤梨好酸=3=

切蛋糕時，我禁不住大叫「終於可以切到落底喇~~~~」wakakaka
點知photop仲玩野，叫我同主人互餵食士多啤梨XD，酸到呢..............
幸好有杯甜過糖水的香檳balance番(我極之懷疑杯香檳係汽水溝出嚟，甜到唔似香檳)



切完蛋糕，我就要準備補斟茶。

因為男家親戚朝早無入大埔斟茶，所以plan咗席前補斟，亦一早提晒大家早少少到，有10pair人要斟，真係唔想拖慢晒，到時又影唔切相。
唉，最後，都有意外發生。
明明已經編好晒位，男家最大粒的嫲嫲亦都confirm呢個排位，點知開席前，就有d唔生性的親戚多多意見，要求重新排過晒d位!!!

於是，老爺就成日唔知去咗邊，唔係去咗reception改坐位，就係同d親戚密密傾。
我同主人企咗係台，想問吓老爺斟茶點做，都問唔到...............
奶奶亦忙住滿場飛，周圍影相，佢d親戚又係唔知斟唔斟好..........

結果，我同主人就係台上齋企，台下的親戚就你眼望我眼，要斟茶但又無人肯上嚟...............

企企吓都唔對路，waitress叫我地坐吓，我真係企到腳仔軟呀~~~~
無野做，唯有食吓野啦，譽宴d席前小食好好食，又多款，呢樣食d o個樣又食d，
朋友話我係為食新娘，連MUA KaKa都笑我，攪到佢要係咁幫我補唇膏=p

其實我係"本peer"，斟茶d野，留番主人同老爺兩父子傾掂算了，我真係好唔想理。(亦唔到我理啦)

finally，都有d男家親戚斟到茶。

最重要，就係斟到茶俾嫲嫲!!
睇番d相，嫲嫲笑得好開心呀~~~我諗呢杯孫新抱茶應該好甜好甜=)
(多謝Derek影到呢個sweet moment)



7pm起，賓客開始多，我同主人都要做佈景板，密密係台上同人影合照，都無咩時間再care斟茶的問題。
而且見到好多朋友嚟咗，真係令人又開心又感恩。(大家都好聽話，早d到同我o地影相)

反而係d親戚唔生性!!
男家遲遲都未齊人，拖到8pm先影到家族大合照!! (所以無時間再影每個family的合照了)
女家都唔見得好，反咗面的舅父，等到8:15pm，我要入去換衫都未蒲頭，真係想收鬼咗佢張枱，留番自己食!! (最後佢8:30pm到咗....唉)

好彩多得MC廸幫手，見時間唔剩多少，提我地有d咩人要影大合照。
當時的我同主人已經頭暈腦脤，真係好需要人幫我地organize一下。
我o地見台下有咩friend齊人，就叫MC call咪，快快手影得幾多得幾多。


影影影影影到8:15pm，影唔晒都算，因為我要入新娘房換婚紗，準備開席match-in。



by笨豬小慧simple


相關閱讀：
出嫁的早上 - 女子組
出嫁的早上 - 男子組
玩新郎!!! (定玩兄弟呢??)
抱得美人歸
飲過女婿茶，靚過周秀娜
出門‧入門
飲過新抱茶，好快做嫲嫲
before the signature
感動的註冊