2011年10月29日 星期六

大日子禮服final confirm

 

完成女士們的final trial後,大日子的所有禮服已經confirm晒喇!


我的婚紗、全部晚裝、褂、媽媽和奶奶的晚裝,都o係Beauty Hera希臘女神度租,可以一間攪掂晒,真係very good!!! (雖然中段因為媽咪的評語,曾經擔心過,租唔夠數就慘了....)


婚紗 - for註冊和進場


藍色晚裝 - for席前迎賓


棗紅色晚裝 - for敬酒


淡粉紅色晚裝 - for送客


斜襟潮褂 - for早上出門





奶奶迎賓晚裝


奶奶敬酒+送客晚裝


媽咪迎賓晚裝



媽咪的敬酒+送客晚裝是私伙的紅色旗袍

大埔買,勁抵!!!



男禮就去了DECISION租。


早上接新娘+註冊

 


晚上進場+敬酒




老爺係祥興造的西裝一早ready
老爺的西裝
(呔、袋巾from淘寶)



連埋之前揀好的首飾,配對好晒,一衫一首飾咁print出嚟,到時係新娘房貼晒出嚟,就唔怕有人著錯衫戴錯首飾^^ (向fashion show借橋)


by笨豬小慧simple

2011年10月28日 星期五

婚照分享 - 品果麗江pre-wedding之12吋相簿、油畫、簽名布

再嚟  12吋相簿、油畫、簽名布

相關閱讀:婚照分享 - 品果麗江pre-wedding之18吋相簿(private)




封面
一樣加咗我地的英文名和結婚日期



油菜花田
同18吋相簿的差唔多,真係只是動作唔一樣咋



有諗過用右手面的相做油畫,但怕打直的相,30"咁高的油畫,屋企無幅牆有咁多位呢........







拉市海
全部相 repeat18吋相簿的,只是改一吓排版



repeat 18吋相簿的相,但改咗排版
個雪山遠景真係好細,仲側埋一邊 >^<





玉柱撆天
右下個張影到個湖面真係碧綠色ga~~~真景唔係photoshop效果!!! 仲有主人難得的單人照 =p



麗江古城
我勁鐘意自己張單人照呀~~~~wakakaka



麗江古城 - 夜景
呢part選片時真係唔多喜歡,所以求其揀咗3張,幸好tune過d色同光暗對比後,效果都唔算太差,見得人咁啦。

真心提醒,有意影夜景的sis,要記得提攝影師影河邊景,或者四方街的萬古樓遠景,雖然遊人多d,但景色真係靚好多,我有d後悔當時無出聲,任得李剛帶我去影就算了。





油畫
因為想要打橫的相做,24"高,屋企d牆都放得落,點知出到嚟我地個頭好細,wakakaka,早知叫佢cut做半身算了=p




簽名布
用咗油菜花田的相,再PS加長花海,YEAH~~(不過成品太短唔知幾時用好=.=")






今次的麗江婚照之旅,真係一個開心又甜蜜的經歷,成為我們婚禮籌備路上一個美好回憶,我地都慶幸揀咗麗江做pre-wedding地點,雖然有少少out-budget,但換嚟的共同回憶,已經唔可以用金錢衡量了。

每次睇番d相,我都仲好開心呀~~~~

希望將來結婚X週年時,我地再去麗江回味一下^^





by笨豬小慧simple

婚照分享 - 品果麗江pre-wedding之18吋相(private)


距離大日子只剩3個星期,都唔洗收收埋埋啦,係時候share吓我地的麗江婚照!!!


先嚟  18吋相簿


封面
要求加了我地的英文名和結婚日期





自備的唐裝衫,真係同麗江古城景色好夾呀~~~~仲有化妝師嬌嬌幫我set的九姑娘頭,襯到絕!!





玉柱撆天 - 一個好似九寨溝的湖景花園,好靚ga~~多謝攝影師李剛提意我地嚟呢度拍照



油菜花田
如果可以拍到藍天就更加好了(好幾張都是差唔多角度和背景,只是我地表情動作唔同咗)





拉市海
我最鐘意的騎馬照




呢頁的排版係我的idea,出嚟效果好好,d相加埋好開心咁嘅feel

 


 


型人黑白照,李剛的idea,very good!



拉市海的黃昏,真係好靚呀~~~~






走型feel,所以colour都tune得灰灰地,cool d





睇完更加回味麗江之旅呀~~~~~~


唔知點解upload咗上y blog,d相好細張tim.......



by笨豬小慧simple

裝燈

2011年9月28日(三)

呢日主人放假,未來老爺又放假,佢地夾手夾腳裝好晒早前大陸買嘅燈了。



房燈,個款同IKEA個d一樣,開著燈睇,好似舊雲,而且白色同間房的傢俬好襯。




梳化位的燈

原本諗住呢戔燈放係書枱位,但諗諗吓,書枱位戔燈成日要用,反而梳化位比較少著燈,呢戔得一個燈頭,都改吊係梳化位算了。



書枱位的燈

同梳化位的燈襯成一組,雖然唔同花紋又唔同舖頭買,但出奇地夾,哈哈!!! 不得不讚自己眼光好呀~~~~




飯廳燈

黑色同張餐枱&鞋櫃好match呀~~~~成個飯廳grand咗。


買番嚟時,d水晶係散開晒的,要自己逐粒穿



主人好用心穿呀~~~(我都有幫手ga),佢穿到發晒忟憎,佢話自己d粗手指做唔到呢d細微野。

等隻豬出馬啦!!!  主人裝晒d燈,已經好叻叻好乖了。



換晒d燈後,間屋即時靚晒!!!

我地無錢錢大裝修,好多野都用番上手業主的setting,所以好多野都未必合晒自己心意,上手造落的櫃又薯嘜,個廳又無依家流行的假天花和feature wall,但我都要係有限的資源中幫間屋扮靚靚,務求有一個5星級的家!!!!

首先換晒d燈先啦~~~~

下一步就造層板和買牆貼,不過仲未有時間攪,不過唔急嘅,可以邊住邊慢慢整。



d燈真係好靚呀~~~~~(忍唔住再講)
多謝主人俾隻豬任性一下,辛苦你陪我去買,仲要攪埋安裝。


by笨豬小慧simple



 

 

 

2011年10月26日 星期三

行禮Rehersal

2011年10月20日(四)

倒數一個月,今日有大任務 - 行禮rehersal



好成功呀~~~~



其實個rehersal好簡單,但真係好有用。

拉斐特的職員首先簡介成個證婚流程,detail到咩音樂做咩都有晒,基本上當日你唔係聾嘅都會知自己要做d乜。

除呢d基本野之外,拉斐特的職員仲教咗好多行禮時要注意的小技巧,好值得各界B2B參考呀~~
- 新娘進場時為免踩到婚紗後pk,要一邊踢婚紗一邊行,踢的方法就係整隻腳向前伸直45度角,用腳尖踢件婚紗。
- 身旁的男士就要碎步行,左腳起步,右腳唔可以提起行,要痴住地下拖行,否則又好易踩到婚紗咖。
- 新娘左手撟住男士,and then揸花球, 放係近胃的位置, 舉得太高會遮咗自己個靚樣囉。右手則執住件婚紗行。
- 頭紗前面要到腰,花球先可以放係入面,頂住個頭紗唔好整花個妝, 黐咗假睫毛會kick住頭紗ga。
- 新郎接過新娘後,應該新郎先上台,然後到新娘,避免踩到婚紗的拖尾。
- 讀誓詞時,要同新郎/新娘有eye contact,又要不時望吓d賓客,唔好淨望住張紙係度讀,影起d相都靚d。
- 戴介指時,被戴時手45度角向前伸出,戴介指的人姆指食指揸住介指的底部,由下向上戴, 就唔怕隻手遮晒呢個重要時刻!!
- 揭頭紗,腸粉式捲,但要快手同大卷d

真係好似雞精班呀~~~~

主人,到時你要醒d,我靠晒你帶住我ga la,wakakaka


聽完talk之後,我地就帶花仔花女行一次,match in條路雖然好短,但都一步一驚心!!!


兩個加埋唔夠5歲的小朋友行得好好呀,佢地真係好叻叻

初時都擔心佢地咁細個,去到陌生環境會驚會喊,點知無發生,佢地仲合作得好好,花仔好主動拖住花女行,好似哥哥照顧妹妹咁。


阿妹仲幫我拍咗段片,睇番都好開心呀~~~因為大家係笑晒咁行!!!

希望BD當日都可以咁開心咁順利啦~~~



我們的花仔花女,真係可愛到不得了!!!

亦好多謝佢地的父母配合我地的Rehersal,轉程帶佢地去拉斐特,辛苦晒了。




拉斐特有晒佈置、音樂、介指枕、羽毛筆


慳番好多野都唔洗帶,yeah~~~

lace介指枕好靚呀~~~~




我地揀咗長d的誓詞B,其實大部份對白都係律師讀,我地只係加多咗句「我願意」,但我覺得呢三個字真係好重要好touching!! 咁先似行禮嘛。

 

 

突然好期待BD快d到,好想快d enjoy行禮呢一刻的幸福。



by笨豬小慧simple