掃走黑頭‧秘技大公開!!

我清粉刺黑頭好鍾意用黑頭鼻貼，因為

1. 方便易清洗
2. 容易買到
3. 平
4. 容易見到成效

初初淨係識齋用，發覺黐出0黎的效果麻麻，而且黐完之後個鼻又紅又痛，於是諗咗好多方便改良黑頭鼻貼。



方法一：先蒸面

利用「冷縮熱脹」的原理，用水蒸氣令毛孔擴張，等d黑頭粉刺容易走出來。我呢d慳皮人緊係唔會買部蒸面機，沖個熱水涼咪攪掂囉，right?



方法二：先做磨沙

我唔用得磨沙洗面膏，連bodyshop的去死皮個d磨沙gel都唔用得，次次用都覺得好拮面，仲試過用完敏感tim。最後好彩俾我遇到佢

SKINFOOD黑糖面膜 100g

係粗糖來的，搽上面慢慢打圈會愈來愈幼，摸到無晒D一粒粒野就可以沖咗佢。黑糖又可以滋潤皮膚，所以用完唔會刺激到皮膚，0岩我呢d皮簿的人用。

記住唔好係香港的SKINFOOD專門店買，$170，貴得離譜!!!有朋友去開韓國託佢幫你入貨，計番只係$60左右，再唔係去龍城買，$70。



方法三：用Handybio離子美容器先做深層清潔

呢個方法係無意中發現，詳細請看我的舊文 - 我的Handybio試用日記 - 第2週 (清走千年粉刺!!)。我會係想黐黑頭之前一日做Handybio，或者係做磨沙之前做(我試過調轉先做磨沙再做機，點知俾部機d靜電拮到痛痛)。做完機之後d毛孔內的粉刺黑頭都冒出來了，再黐黑頭鼻貼就攪掂



方法四：先敷角栓熱膜

有好多牌子揀，我用緊呢隻(孖寶1號)

PORETOL角栓clear gel  $59

透明色的啫喱，打圈搽上鼻同下爬，一搽已經feel到熱熱地，敷3分鐘就可以洗乾淨。為咗保持「毛孔擴張」狀態，我會用溫水洗走佢。





用咗以上的方法，清黑頭粉刺的效果顯著咗，但緊係唔會一次過用4個方法啦，我通常會用1+2+4 或 1+3。





用黑頭鼻貼KO下爬粉刺大法!!!

我諗好多sis同我一樣有呢個問題，黐得個鼻又想黐埋下爬，不過鼻貼得一個size(又無出下巴貼)，咁點攪好呢？不如試下我呢個方法：

1. 拎多一塊鼻貼出來，連膠片係中間cut開一半(另一半袋番好留番下次用)

2. 彎個邊好0岩「咀形」，1/2的鼻貼剛剛好fit到下巴個位





打完BLOG都夠晒鐘撕出來啦~~~唔怕噁心可以拉落去睇吓我的成果：

‧

‧

‧

‧

‧

下爬(有ga~~~可能白色紙睇唔清楚)

鼻鼻





溫馨提示：黐完要記得做收毛孔呀~~~

黐之前先放孖寶二號(PORETOL Astringent Liquid $59)入雪櫃，第一次大約雪1小時啦，黐完洗乾淨面就打圈搽係鼻、鼻周圍、下爬，吸收咗再搽skincare。

嫌未夠收毛孔，就敷雪凍的乾毛巾啦~~~準備一條乾淨的毛巾仔，放入保鮮密實袋，雪係冰箱約30min~1hr，睇《女人我最大》小凱老師教路的。敷完再搽野。





大家都俾心機幫鼻鼻下爬大掃除。多謝收看，唔嫌核突就推一下啦。

ettusias X jelly belly X beautylife美甲party+DIY花甲分享

好開心可以參加ettusais X jelly belly X beautylife的Vancance Nail夏日party，係我第一次參加美甲聚會jar~~~好開心好興奮，多謝BL抽中我參加。

因為遲咗收工，所以我係最後一個入場，大家已經開始玩甲了。

今日要學4款基本花甲：法式、漸變、波點、豹紋。首先可以睇吓demo。

畫得好靚呀~~~唔知我做唔做到呢？

今日要用的工具：ettusais X jelly belly的夏日限定新色甲油，仲有gel top coat



唔介意我手殘，大家就"欣賞"一下我的傑作：

畫得唔多好，獻醜了

最鐘意呢2支閃粉甲油，好閃好閃呀~~~


ettusais X jelly belly的限定甲油，最特別係加了糖果的香味，聞落真係好香好有糖果的feel。

手多多咁油埋自己對玉手，哈哈，仲油埋新出的gel top coat，快乾，油完甲面滑一滑，而且有做完gel甲的效果，very good!!!

最後點少得同jelly belly扭蛋機合照呢小時候已經好喜歡吃jelly belly的糖，仲傻到隻隻色咁試味，最鐘意食西瓜味，大家知唔知係咩色呢??咁多年無再食，我一見到就認得了，haha~~

收到一大袋禮物，有今次限定的化妝袋，平時要買滿$390才有啊~~~仲有3包jelly belly的糖，yummy~



　閃粉甲油易洗度測試　

大約抹2次就可以完全洗淨閃粉甲油，都算易洗喎。





順手分享一下最近自己畫的花甲，不過唔關上面的甲油事

去飲個日的甲look，唔見咗包閃石，唯有用閃粉甲油頂上

呢對手係媽咪的，佢要去飲打牌show quali喎

某天的花甲，第一次整漸變jar~~唔係好成功tim



打完收工，多謝收看。

擺脫濃妝, 做個自然感美女

今年春夏勁興「似有還無」的nude妝

用米色眼影+光澤感胭脂+自然粗眉+nude咀，最重要個底妝要做得完美，唔要厚粉又要遮到瑕疵，搽起又要夠滑，咁先帶出健康的美肌感。





最近回顧一下之前的照片，發覺自己愈化愈濃妝。

因為自己喜歡型的打扮，所以化妝就用黑色來襯番，黑眼影+黑眼線，依家睇番真係好濃妝ga，日頭出街都咪話唔嚇人





所以最近轉用咗佢：

MaxFactor Second Skin Foundation水嫩凝肌粉底液  $148



產品簡介含近 60%水份，加上屬於 oil-in-water水包油乳液狀，所以粉底質地跟肌膚更貼合，塗後比一般粉底更貼近肌膚，如第二層肌膚的質感。

BA幫我選了最淺色號的040 creamy ivory，在樽內看以為白了一點(但深一號色偏粉紅，唔0岩我)，不過搽上面又無泛白，很自然的膚色。如圖的份量(唧一下)就夠搽半塊面。



上粉底前當然要先搽base，一來保護皮膚免被粉底阻塞毛孔，又可加強防晒/保濕/控油等功效，令妝容更持久。

shu uemura新出的泡沫base係最近買ga，真係好好用，清爽貼面，遲d出文介紹一下。



上完base之後就上粉底液，我習慣用海棉上，有少部分粉底液被海棉吸走了，幸好未算嚴重。(其實我知用海棉上粉係無咁好，因為真係好晒粉底液ga，各位sis唔好學我呀，我因為唔鐘意D粉卡係手紋上先會用海棉)

鼻頭毛孔無晒，黑眼圈遮到5成。(當然要再上遮瑕膏啦)

眉上面的豆豆印都遮晒，coverage唔錯ga

未上碎粉前(但搽埋遮瑕膏遮黑眼圈)已經睇得出膚色均勻咗，皮膚的缺點遮晒，皮膚係咪靚晒呢

最後定妝我會用clinque的powder，新買ga~~~因為有blogger介紹話好用就買來試，真係唔錯，好幼滑又唔會攪到我乾紋現形，遲d又出文share吓。



打好底之後，個樣都精神咗10倍!!! 為咗keep住「自然」，清清地畫吓眉、掃mascara同胭脂就可以出門口返工。自然感的妝真係快靚正ga!!!包你5min出到門。

<<<<嘩，塊面好死大



今次有得變番個自然美女要多謝BL俾我的試用，好耐無試過咁清淡去見人。

我去返工啦~~~多謝收看，喜歡的就推一下啦，些些