糧尾都要敗!!我的8月敗家記錄

今個8月發生咗好多開心的事，又去function，又去生日飯局，又中試用，爽呀~~~最最開心，緊係敗家啦。

戰利品....................去片!!!

期待已久的iPhone4呀~~~~~~~~~~~~~

終於等到醒目台的plan完咗，轉台出機~~~yeah!! 有人贊助，寧舍開心^ ^

仲買埋輕鬆熊機殼。超鐘意輕鬆熊呀~~~

繼續輕鬆熊>v<

聖安娜又出招吸金，買1磅蛋糕送1個輕鬆熊矽膠杯蓋，但最近未有朋友生日，改咗買蛋糕卷，買1張送1個，當然一次過換晒3個啦~~~~

睇0黎我的輕鬆熊毒已入膏肓。

***********我是分隔線*************

第一次淘寶衫衫。多謝Elyse出手攪團，我又慳唔少心機。

一共6件，只有3件係自己，keke。不過quality就.................有少少失望囉。


1. 條子legging

店相

收到的實物

就咁擺係度睇都無咩問題，但一著上身就出事，完全無彈性，又短，拉唔到上去，著唔到>_<要去堆填區了。



2. 聳肩西裝褸

店相

收到的實物

色差、質地已經小事，無咗個「聳肩」嘅!? 而且短咗好多喎.............個款又有少少出入。

好彩公司有一大堆聳肩肩墊，唯有「靠自己」，攪番掂佢啦。



3. 雪紡無袖襯衣連腰帶

店相

收到的實物

呢件就和店相有99%似，質地cutting都ok，亦是今次淘衫最要得的1件。

附送的腰帶都可以，真係難得。



今次淘的衫真係好好好平!!! 3件加埋運費都唔洗HK$100!!!不過，真係一分錢一分貨，有2件中雷..........下次試下間貴少少會唔會好D??

試著snap下次再補

***********我是分隔線*************

好幸運地抽中Guerlain 9月才出的蜂皇嫩肌精華素試用

仲送埋基本護理的sample tim





打完收工，多謝收看。

敗完荷包又乾硬化，快d到聽日就好喇(出糧嘛，hehe)

OLAY高效透白之旅report

上文提要：7月尾的時候有幸獲邀參加OLAY高效透白系列的試用活動，花絮請按舊文

拿了全系列的產品回家試用。

OLAY高效透白系列 - 蘊含「高效透白因子」SEPI WHITE，加倍美白效果，更能保濕和均勻膚色，由內而外擁有水嫩透白的肌膚。

高效透白精華 HK$229.90

滴管形的設計方便又衛生，而且賣相很高檔呢。精華液是水水的質地，非常好推，極速吸收，皮膚立即得到滋潤，卻一點也不黏膩，很適合夏天使用。而且用量非常少，每天早晚各1~2滴，那麼大的一瓶，很久才能用光光。

高效透白水凝霜 HK$179.90

獨特的記憶凝霜質地，使用後擺放一晚，凹洞已經回復平坦。雖然不知道這個功能有什麼用，不過真的很有趣。

豆腐一樣的觸感，真的很有趣呀~~~而且很好推，不過吸收力比滴管精華慢，塗均後要待大約1分鐘才能完全吸收。保濕效果太好，好得我嫌太潤了，用了2天，長豆豆囉!!!!

幸好停用之後，豆豆就凋謝了。我想留待冬天使用會更適合。

輕透隔離防曬乳 HK$139.90

SPF30、PA+++的防曬系數已經夠上班儷人每天使用，「獨特隔離科技」UV PROTEC不但阻隔陽光中的UV，連平日的輻射，如影印機、光管、電視都能阻隔，真能照顧都市人的需要。
質地也是水水的，很易就推勻。塗上後皮膚沒有泛白，只有健康的光澤，也不覺乾燥，果然比一般防曬乳保濕。





試用了差不多20天，快來看一下美白效果!!!

上次去Annie G. Studio做skin test，我使用3.25號色粉底

用完20天後 - 雖然雀斑沒有少，但皮膚變得透白，膚色均勻了，而且咀角的乾紋得到改善。

但，第2次skin test，我竟要用3.25色的粉底!!!

因為前一天，我去了赤柱玩呀~~~~超猛的陽光，一下子忘記補塗防曬乳，我就曬黑了

第一次來美利樓

2樓的風景超美

他，保持一下神秘吧

超好味的餐廳

內裡的裝潢很有品味，在裡面吃飯氣氛一流。



赤柱真的好好玩啊~~~~

所以，美白跟減肥一樣，是女生的終生事業!!



打完收工，多謝收看

磨走死皮+脂肪 - Collistar熱能磨砂膏

早前參加了BL X Collistar的試用活動，我抽中試用Thermo-active Talasso Scrub熱能磨砂膏，經過20天的試用，係時候報告一下。

Thermo-active Talasso Scrub熱能磨砂膏  $396/700g

收到我時候嚇咗一跳，好好好大罌呀~~~(成個湯碗咁大盒)，辛苦晒BL的職員抬去旺角地鐵站俾我。

打開有保鮮包裝的膠紙

附送小匙羹和膠蓋，保持磨砂膏的衛生好重要，否則好易變質。

磨砂膏其實是天然海鹽和植物油的混合物，仲有陣草本香氣tim。



熱能磨砂膏的小小冷知識

具保濕、消脂及排水功效。蘊含天然海鹽成份不但具磨砂功效，能去除死皮、更新肌膚，於按摩時所產生的熱能更可促進血液循環，有助產品滲透及軟化橙皮脂肪。當中的植物萃取物一方面能促進夜間自然排水，另一方面能打擊脂肪團，減少脂肪積聚。

海鹽的粒子都幾粗，都有d怕會磨痛皮膚，不過身為BL試用團，都要頂硬上!!!





使用方法(翻譯自說明書)

取出適當份量，塗勻於皮膚上，打圈按摩，再用溫水沖洗。注意產品必須用在乾爽的皮膚上。每星期使用1~2次。減肥成效需配合飲食及運動。

畢一pat磨砂膏出來，塗勻要磨的地方(由於小女小腿肥美結實，老早想減減佢，最啱試用今次的產品)

打圈按摩，會感到微熱。我會配合淋巴按摩法，邊按摩邊收緊腿形。

按摩大約3分鐘，海鹽都差不多溶掉，就用溫水沖洗乾淨。





我的小小感想：

老實說，單用熱能磨砂膏，小腿並未能減瘦。好彩說明書都無呃人，要配合飲食和運動才能真得瘦下來，我又沒有節食，更唔做運動，當然減唔到肥啦。世上無免費午餐嘅。

但去死皮、促進血液循環、去水腫、舒緩肌肉疲勞就很有效。記得上星期行完深水埗5小時(真係不停咁行，無停過無坐低過)，回到家雙腿攰到不得了，用熱能磨砂膏按摩一下，雙腿的肌肉不在酸軟，條筋扯住扯住的感覺無晒，舒服番晒~~~而且次次磨砂完對腳都滑一滑，連男友都讚呀!!

如果使用說明可以再詳細D就好了，真係唔知要用幾多磨砂膏先啱，又唔知要按摩幾耐。3分鐘係我自己set的，都唔知啱唔啱，所以都有少少影響咗試用的效果。





打完收工，多謝收看

好耐無抽中BL的試用活動了，今次有份參加真係好開心呀~~~仲以為自己已經俾大家忘記了，雖然我出文唔多，希望大家都支持一下我啦。