「Ztyle X 疤痕敵take走疤痕試用聚會」活動花絮

呢排美容活動真係多籮籮，差唔多個個weekend都有function去，有得玩有得食仲有得拎，真係好開心呀~~~剛過去的星期六我參加了「Ztyle X 疤痕敵take走疤痕試用聚會」，舉行地點就是iSquare一間的高級食肆。

個海景view真係無得頂





活動準時2pm開始

首先由施樂輝的PR經理Miss Wong介紹一下公司的background和今次試用的疤痕敵除疤貼。

原來疤痕敵唔係咩新科技產品，十幾年前已經係醫院用緊，專門對付燒傷或手術後的疤痕，咁筍嘅野又點可以收收埋埋，緊係要推廣俾大眾消費者啦。

疤痕敵的使用和保養都好簡單，剪啱尺寸，貼好在疤痕上，每天使用12小時左右就可以了，記得每天用小量皂液+水沖洗乾淨，保持衛生嘛。但如果傷口未癒合，什至處於發炎流癃狀態，就要等傷口結痂後才能使用，而且使用前毋須搽任何藥膏。

睇吓大家幾專心上堂，因為等陣有問答遊戲，贏咗緊係有獎品啦。

玩遊戲之前，大家先品嚐茶點。嘩，放滿晒成張枱，睇見都開心

仲有我至愛的煙三文魚，吸收番d Omega3，等陣答問題都醒d。

我唔客氣喇~~~~





食飽飽玩game~~~

又眼罩又磁石貼咁，究竟玩咩呢??

我地13個女仔分成2組，派1位(我)做代表矇眼，其他隊員鬥快答問題，答啱個組的「代表」就可以有一次機會貼磁石，連續貼3個成一直線就算贏喇，當然貼準d先算數啦。


結果係........................................

我個組「副轆」勝出!!!!

真係贏得好險ga，人地組舉手舉得好快，我地搶唔到答問題，好彩後補又答啱jar~~加上人地組唔小心貼錯一次，哈哈，真係好好彩咁贏咗。

獎品就是噴霧膠布和超防水膠布，啱晒我個位成日損手損腳的男友。
另外仲有人人有份獎的急救盒和腳跟龜裂膏<<<<<<<<唔知係唔係之前賣廣告個隻??有sample試都唔錯喎。

我地的叻叻組員!!!

大合照囉





今日的活動玩得真係好開心呀~~~輕鬆愉快咁就過咗一個下午，仲識到幾位好傾的ztyle美女，希望下次再有機會一齊出function啦。

美女Yuki，個樣超似黃宇詩，你真係好得意呀~~

今晚開始試用疤痕敵，救救我的蚊難，等我可以無憂無慮show腿。



1個月後我會跟大家報告我的試用結果，敬請期待!!!