2011年9月26日 星期一

入伙

2011年9月14日(三)



你地無睇錯,我亦無打錯字,我地擇咗14/9入伙,同日亦係主人生日的正日!!!



有諗過揀第2日ga,但就會早到4/9,我地都怕唔夠時間攪間屋;再唔係就要29/9,又好似太遲了,唔想主人白供樓呀。



所以最後都係14/9啦。



 



13/9



去我家將7箱雜物搬竇!!!



可惜尋晚玩得太夜,瞓到中午先識起身,攪一大輪已經3pm了,原來呢段時間係好難call車ga!!! call咗成個鐘都無van仔!!!



主人不枉「黑仔王」的榮譽,call咗10幾間雞記都無一間有車!!! wakaka



最後都要豬小慧出馬,成功call到一位只走大埔線的伯伯,佢好好人ga~~收得幾平tim!



搬完上樓+炸箱已經夠鐘dinner,大家累斃了。
(點知發現漏咗一箱書係娘家......唯有遲d慢慢再逐少逐少再搬去新居啦)



 



14/9



今日我請咗半日假,原本打算整蛋糕,可惜買完d零星家品之後已經無咩時間了。都係執執間屋,準備入伙儀式。



我地唔拜神,只係簡單將d硬幣放屋企的四角,再開爐煲水就完成儀式了。



因為咩煮食工具都未有,dinner都係落街食jar~



由今日開始,我地就晚晚會係呢度過夜了^^諗起都好開心,因為終於有個「家」!!! 最重要係終於結束「兩頭滕」的生活了。



其實呢排大家為間屋奔波勞累,理應好快瞓著,點知我地都失眠!!!!唔係因為太興奮,而係生保床瞓唔到!!! 唔知點解,一d屋企的感覺都無,反而有d似去宿營.........(但我地去宿營去外地旅行,又唔會因為陌生環境瞓唔到喎...)成間屋的感覺好陌生啊~~~真係住咗係度嗱!?感覺太唔真實了。



 



攪間屋期間,我同主人鬧咗好多次交,可以講係攪成個結婚過程中,吵得最金的時期!!!主人覺得我樣樣野都好高要求,攪到佢唔敢隨便落決定,下下要問準我咁,令佢覺得d野拖慢晒(忟);我反而睇唔過主人唔想抹屋,做咩都好似求求其其咁,間屋係自己,上心d啦。我地小至搬d咩入去,大至買咩傢俬,都嘈嘈嘈嘈嘈。



有一剎那,我真係唔知自己為咩要買樓,為咩要結婚,真係好X煩呀!!!



老實講,攪間屋的2個幾月,我真係好唔開心,有幾次好想發脾氣,但見大家都開始嬲嬲地,主人黑晒口面,我都忍住唔發火..............



去到後期,仲差個幾星期就入伙,我先開始睇開d,個人開心番d,仲漸漸期待入伙呢一日快d到,因為我知道我就快到岸脫苦海喇~~~yeah!! 主人呢個時候已經謝晒,hahaha,唔好咁啦,捱多陣到ga la。



 



入伙後第2日,主人突然同我講咗句「對唔住」,佢話攪間屋期間,成日發我脾氣,攪到我唔開心.............其實我老早原諒咗佢啦。但收到佢的sorry,個心好甜呢。



我都要同主人講「對唔住」



我知你有時做野做到好累又忟晒,我都仲push你做呢樣個樣,又成日三心兩意攪到你的plan亂晒,要你重頭再度過,不過間屋依家都算靚靚仔仔啦~~~有好多野,住落先知點咁嘛,relax~



送你一碗我煮的愛心公仔麵啦~~









 



賀 入伙成功!!!!



 



攪完呢個搬屋大project之後,我發現,我手臂上的老鼠仔返咗嚟呀~~~



 



by笨豬小慧simple



 


2011年9月24日 星期六

主人的last single birthday

2011年9月14日(三)


主人今年的生日可以用「忙到死」嚟形容。


(一) 擇咗9月入伙,由8月中開始螞蟻搬屋,又要抹屋攪傢俬,心力交瘁。
(二) 生日撞正中秋,朋友約食飯同做節一齊嚟,應接不暇。
(三) 工作有人事變動,要頂埋上司個份,頂硬上!!!


所以佢黑面黑咗成個月.....


為咗氹番主人開心,豬小慧plan咗一d簡單而隆重的節目幫主人慶祝。




12/9,先嚟一個pre-birthday dinner


去了峰壽司大快朵頤,好好味=q



再去mc win家搗亂,仲有蛋糕切(多謝晒~~)







正日用咗團購coupon,去了樓下的蕃滿門dinner




d野幾好食ga~~


誠意推介:泡沫檸茶、焗豬扒飯、茄湯扭扭通、焗雙茄




主人chok住食




主人的last single birthday就在忙碌中,快速地渡過了。


豬小慧真係好慚愧呀,掛住攪間屋,都無咩時間整蛋糕送俾主人,連細心安排慶祝節目都無,攪到你的生日好似是是旦旦咁...................對唔住呀!


其實我有記得你生日ga!!


HAPPY BIRTHDAY!!!


下年我地不如煮飯仔慶祝^^




by笨豬小慧simple


2011年9月23日 星期五

20112011BG2B gathering @ 雀家中秋聚

2011年9月12日(一)


今日就是八月十五人月團圓的中秋節。


我和主人的屋企都不傳統,已經係前幾日做咗節,所以今日我地就二人世界去街街。


先同主人食pre-birthday dinner。(容後再blog)


之後就係今日的重頭戲 - 20112011BG2B聚會!!!


可以去mc win家攪攪震呀~~~好興奮啊~~~


mc win家真係大到無朋友,真係好想係個廳度試吓打唔打到十個筋抖!!!


係呢個都算人齊的時候,我地B2B當然要嚟番次少女講啦~~~真係好窩心的一次,希望再有機會嚟多次pillow girls talk。


mc win家又有好多野食,薯片、汽水、蛋糕、湯丸!!!!!! 你實在太客氣喇~~~




最後,仲要多謝大家送俾主人的surprise



多謝你地預備蛋糕和蠟燭呀~~~主人今年第一個蛋糕啊


出現的時候仲嚇到主人!!!




今晚玩得好開心呀~~~好耐無玩到凌晨時份先回家了,雖然爆眼瞓但又唔捨得走。(第2日瞓死咗)


多謝mc win的招待!!!!




BY笨豬小慧SIMPLE


2011年9月22日 星期四

蜜糖月::大阪+和歌山+神戶

一早決定Honeymoon會去日本(因為主人未去過),初時想去東北一帶or北海道,311地震後,呢2個地方都去唔到了T^T


finally都係去日本,但改去 大阪+和歌山+神戶



 


尋日終於去咗報團!!! (實在懶去攪自由行同plan行程了)



兩晚溫泉酒店,希望有一晚係露天溫泉,同有得食溫泉御膳啦(可惜無得瞓tatami)


日本環球影城!! 上次同屋企人去京阪無去到,今次要去喇


神戶我同主人都無去過,聽聞11月中旬後有紅葉睇,希望睇到啦~~~


 


好想快D去Honeymoon之旅啊~~~~(但又唔想咁快到BD>~<)


 


BY笨豬小慧SIMPLE


品果婚照 - 成品晒冷!!

收到喇~收到喇~~~d相簿終於收齊了,安樂晒~~~





成品大致上都好滿意,luckily無穿無爛無錯體。


色差都無其他bloggers講到咁嚴重,只係有丁點兒偏紅咗少少,但相信係酒樓浪漫昏暗的燈光下,賓客係唔覺的!!


好surprise相簿做咗水晶面,呢樣野我地無特別request,一直以為會係sample個d油畫布面,依家做水晶面真係upgrade晒!!


只係出咗少少錯誤,我地無咗10"板畫。其實package係包埋的,傾package的時候都講話有,sales都有係張白紙寫低,但就漏抄落張單度,到選片時先知張單無寫的野就唔包了,只怪我地無細心review張單啦~~~但依家又可能會有番,成都品果有打過俾我,問我10"板畫想用邊張相,我當時有講明張單寫漏咗所以無選片,到臨收貨時香港品果都有問類似問題......不過依家又到我懶懶地唔想攪了......其實有冇都無所謂,遲d先算啦。




油畫


真係好大張,半隻門咁高


揀錯相,景仲大過個人,我地個頭好細個呀~~~~




九宮格



lur到用番舊版,細塊好多~~~我鐘意佢多過油畫




水晶座


都印得幾清喎




12吋相簿


封面




內頁都印得幾ok啦,夜景個part出到嚟又未到太唔掂。




18吋相簿


封面,兩個cover都好鐘意呀~~~




唔知係唔係放大咗,近睇有d地方out focus,好彩係d邊位,唔係我塊面就由佢啦。




超鐘意呢幾版^^




簽名布


同想像一樣咁短,好彩我只打算用佢做觀禮個part的簽名布。






仲有隻有晒我地麗江婚照所有相的CD!!!
(呢樣野先係呢個package超值的地方!!唔洗加錢拎得番晒所有相片)






by笨豬小慧simple


品果婚照 - 收到成品了!!

成都品果原本講好8~12/9會收到成品,等呀等呀,等到中秋過埋都未收到電話叫我去攞貨。


攪到人地好心急呀~~~~


原來呢排香港office搬緊竇=.=",真係有一剎那好驚會寄失。


好彩有驚無險,終於收到貨了~~~~!!!



d相簿都幾重,好彩約咗fd食飯,有人幫手做咕喱


 


成品真身private咗,想看的可以私留我add你(只限有相有內容又攪緊結婚的blog友)


 


by笨豬小慧simple


2011年9月20日 星期二

喜帖工場

所有用嚟攪張帖的道具(logo印仔、觀禮邀請卡、利是封、餅卡、金色橡筋、內文&帖封印刷、封口貼紙)已經準備就緒,過大禮亦已做,係時候準備炸彈炸人了。


首先要一大輪DIY加工



因為內文頁有一邊係白紙來的,唔想就咁吉咗,決定DIY一下,簡簡單單「吸印仔」。


本來我都以為好容易,原來要吸得靚都要d技巧,太多墨個印就化開晒,太少墨又會崩咗忽,試吸咗N個印之後,我終於搵到竅門了





加埋少女K送贈的K石,又閃又有心思。


懶人+慳妹上身,費事特登買痴石專用膠水,是旦用白膠漿痴石,效果又幾好喎~~~(多謝mc win指教)


呢度咁「小兒科」的DIY已經攪咗我3日了。(我咁笨手笨腳,邊有可能挑戰embossing powder,所以我真心覺得識用embossing powder的JM係好勁勁勁勁呀~~~容許小女子在此向你地致敬)




之後就開始庇護工場的作業。



入利是、入餅卡、綁橡筋




print信封面


又失敗咗N個信封.......(希望仲夠用啦)


因為喜帖係以四大長老的名議發出(雖然做餐死嘅係我地....),D稱謂又轉晒,真係攪到頭都大埋........多謝forum的JMs share的資料


http://www.jewellworld.com/classroom/classroom2.htm






然後將所有parts合併!!!





帖夾內文頁




打開




最尾一頁加punch印,用嚟夾觀禮卡、餅卡、利是




最後入信封+貼上貼紙






炸彈完成!!!可以開始炸人喇~~~~




BY笨豬小慧SIMPLE


2011年9月19日 星期一

婚禮進度表(倒數2個月)

嘩~~~得番2個月JAR~~OMG!!! 時間可唔可以唔好過得咁快呀!?



今月進度:
小小小豬欄終於佈置完成(90%),已經入伙了~~~YEAH!!

安頓後就要專心攪結婚野了,因為呢2個月所有DIY都停晒工呀~~~嚟緊要開行turbo了!!


亦confirm晒BD的所有衫,安樂晒~~~~

終於confirm晒所有BD的衫, 婚前一星期再fitting+揀首飾






















































































   


婚禮日期


20111120 (星期日)


晚宴


 


地點


場地佈置


席前小食


請帖


結婚蛋糕


紅酒


烈酒


簽名布


簽名筆


banner


Wedding Logo


Table No. Card


Seating Plan


Welcome Board


Q版公仔


Doll corner


啤牌


音樂


譽宴 – 旺角6/F


酒樓提供


酒樓提供


淘寶(已印) + DIY(已做50%)


未買


盛酒窖 – 已買


妹妹轉贈


淘寶(未整)


DIY(已買材料未做)


酒樓提供


DIY(已做by好友Gaily)


DIY(未做)


DIY(未做)


DIY(未做)


已畫圖未做foam board


未整


已買


未定


 


註冊


 


地點


律師


邀請卡


簽名布


結婚介指


介指枕


羽毛筆


結婚證書套


註冊處登記


拉斐特Lafayette Wedding – Hall 1


拉斐特Lafayette Wedding提供


DIY(已做)


品果送(已做取成品)


已買


拉斐特Lafayette Wedding提供


拉斐特Lafayette Wedding提供


已買+少少DIY(未做)


拉斐特Lafayette Wedding代辦(未做)


 


化妝&禮服


 


新娘化妝


頭飾


頭花


奶奶外母化妝


姊妹團化妝


新娘婚紗晚裝


頭紗


首飾


裙褂


婚紗晚裝鞋


褂鞋


GIRDLE


NU BRA


箍肚褲


新郎禮服


新郎恤衫


男裝禮服鞋


奶奶衫


外母衫


奶奶外母晚裝鞋


老爺西裝


嫲嫲、婆婆衫


伴娘+姊妹裙


兄弟呔


花仔禮服


花女裙


Ka+ Makeup


Ka+ Makeup提供


綠田源


Kennis Chu瞳瞳


Kennis Chu瞳瞳 + Yanbi


希臘女神Beauty Hera(confirm 1WG+2EG)


希臘女神Beauty Hera提供


希臘女神Beauty Hera提供


希臘女神Beauty Hera(已confirm)


已買


妹妹轉贈


已買


已買


已買


DECISION (confirm 1+1)


已買


已買


希臘女神Beauty Hera(cfm 2)


希臘女神Beauty Hera(cfm 1) + 已買1


自備


祥興 – 訂造(已度身已取)


未買


ROSITA(已定款已度身未取)


已買


未買


未買


 


婚紗相&當日攝錄


 


婚紗相(1)


拍攝日期


婚紗相(2)


拍攝日期


機票


酒店


婚紗相(3)


拍攝日期


婚禮攝影&錄影


成長片段


早拍晚播


香港@蒙羅麗莎(已影已取相)


2010927


麗江@品果影像(已影已完成排版未取成品)


201149


Ctrip (已買)


品果代訂(已做)


香港@朋友Derek Ko(已影已取相未整相簿)


2011514日、2011529


1P+1V@Tart Yau Creation, freelance 1P+1Snap


諗緊整唔整


by Tart Yau Creation


 


花車&花飾


 


主花車


兄弟姊妹車


其他車


花車佈置


公仔


婚紗相花球


結婚當日花球


新郎襟花


主禮人襟/手花


兄弟襟花


姊妹手花


細佬細妹襟/手花


白色七人車


24van


朋友借出私家車


DIY(未做)


已買


DIY(已做)


綠田源


綠田源


DIY(已做)


DIY(已做)


DIY(已做)


DIY(未做)


 


餅卡


 


西餅卡


唐餅卡


美心西餅 – 已買


奇華 – 已買


 


過大禮、安床、出門、回門


過大禮日期


過大禮用品


安床日期


安床用品


出門地點


回門日期


回門金豬


201194


果籃、唐餅、西餅卡、禮金、包羅萬有利是


20111119


已買


沙田麗豪酒店


未定


酒樓提供


 


嫁妝


 


龍鳳鈪


金頸鏈


囍字吊咀


珍珠頸鏈+耳環


龍鳳被



奶奶送+外母借用


已有


已買


已買(主人送)


已買


已買


 


婚禮用品


 


上頭用品


紅色睡衣


拖鞋


攔門花球


囍字貼


男女家對聯


跪枕


紅傘


斟茶用具


利是封


盪金logo小貼紙


回禮小禮物


印名絲帶


女用(妹妹轉贈)、男用(已買)


女用(妹妹轉贈)、男用(已買)


女用(妹妹轉贈)、男用(已買)


已買


已買


女用(朋友轉贈)、男用(已買)


朋友轉贈


妹妹轉贈


外母提供


妹妹轉贈唔夠再買(已買)


淘寶(已整)


鳥結糖by琼姐+DIY包裝(未做)


淘寶(已整)


 


其他


 


婚前檢查


Rundown


Checklist


敬茶list


Guest list


分工表


 


美邦(已抽血已取報告)


未定(已有draft)


未定


未定


未定 (已有draft)


未定


工作人員


 


伴郎


伴娘


兄弟團


姊妹團


男司儀


女司儀


花仔


花女


已定


已定


已定


已定


已定


未定


已定


已定


 


新居


 


入伙日期


裝修


傢俬


家電


 


2011914


已做可能再細執(已做)


已買90%, 仲有10%未買


已買(雪櫃,電視機,洗衣機), 仲有好多未買


 


蜜月旅行


 


日期


地點


約婚後第二日


日本 京都+大阪+和歌山