出嫁的早上 - 男子組

就係女子組响酒店房忙到癲之際，男子組亦悄悄地努力準備。

兄弟們努力佈置花車

不過我今次有d失準，花車公仔的車頭V字帶造短咗，勞煩班兄弟攪盡腦汁，用個車頭蓋夾住，先可以成功固定對公仔係車頭。



對比女子組，男子組真係hea好多。

攪完花車之後都無咩好做，企晒係度打牙骹。
(連妹夫都落埋樓吹水=.=")

主人仲大把時間chok住拍video (嘔=0=)

當然唔少得派利是啦~~~

主人：「相金先惠，等陣大家就幫幫忙，頂硬上!!!!」



Get Ready?

衝呀~~~~去接新娘喇~~~~~



by笨豬小慧simple



相關閱讀：
出嫁的早上 - 女子組

出嫁的早上 - 女子組

結咗婚差唔多2個半月，終於收齊大日子的相片，現在一邊回味一邊整理中。

終於可以blog吓大日子喇~~~~

2011年11月20日(日)

唔知係張床太"林"，天生賤骨頭的我瞓唔慣，還是緊張，整晚都唔算瞓得好。(伴娘Tammy比我更緊張，佢失眠tim!!)

就係我半夢半醒之際，鬧鐘響了，6:30am，比返工仲要早起身呢~~雖然未瞓夠，但晨早的天氣相當好，人都醒晒~~




刷緊牙o個時，MUA KaKa就到咗喇，比約好的時間早咗~~
伴娘Tammy化妝先，我就食番個杯麵做早餐。

7:15am，2位幫姊妹化妝的MUA都到了，而姊妹們亦陸陸續續到達了。



早上大家都好忙，各有各準備。

我梗係乖乖坐好扮靚靚啦~~(但我個心好想出去八卦ga，所以成日俾KaKa訓示我要坐好d =P)

雖然前一晚有做mask，但都俾KaKa話我皮膚乾，好彩有佢帶嚟的NARS moisture mask急救一下。
而且高清噴槍上粉底真係好得意，好似係你塊面吹咗陣風咁，但唔會feel到濕濕凍凍，haha。




姊妹們都好忙。

忙化妝

忙條裙

忙佈置

忙自拍

忙道具

玩新郎的道具琳瑯滿目，有pat pat孖煙囪、紅色大bow呔(special to 主人)、原隻咸竹蜂、糖霜mix心心棉花糖、廿四味、公仔、菠蘿包


其中一件道具，好受歡迎，基本上在場好多人拎佢嚟玩過。

就係呢套毛毛bikini

個個都拎佢著上身影相XD，連videoman都玩埋一份，乜真係咁過癮!?




8:30pm左右，屋企人和其他親朋戚友都到了。

媽咪化妝中

佢今日件衫好trendy，果然係我阿媽，咁有fashion sense XD

其他人都各有各忙，或者各有各癲。


呢個時候，我自首踢爛塊鏡件事(相關閱讀：婚前忙爆的一天(3))，嚇死大家，妹夫仲幫我跑去reception申報，竟然唔洗賠!!!! 酒店話知我地今日係大囍日子，所以唔追究，唔通真係一囍擋三災!??? 總之，執身彩，真係好開心^^



9:30am，我終於化好妝了。(回復自由喇~~~)
不過仲有一堆野要做。

伴娘幫手著褂裙

條裙好窄，好鬼難著，差d過唔到pat pat。但著好先發現，原來側邊有拉鏈ga......笨死了=.="
著咗之後，想行大步d都唔得，行得好慢........

派利是

因為媽咪仲化緊妝，我只好著住套睡衣派利是啦..............仲要坐係床派(出面仲係七國咁亂)，真係呢...................(無言=.=")

作狀戴金器，俾photographer影吓相 (但繼續睡衣look=.=")

媽咪終於化好妝喇，可以幫我著褂了。

一路著，媽咪一路爭住幫我扣鈕。

我地的對話係：
媽：「哎呀，我做咗gel甲扣唔到呀。」
我：「我都係呀，d鈕好細粒呀，頸o個d鈕又睇唔到。」
媽：「頸o個d我幫你扣啦。」
我：「媽咪，唔好扣到上頂呀，唞唔到氣...」

真係一d都唔溫情啊....................XD


係攝影師要求下，我地先識嚟個深情擁抱

真係一對遊魂母女啊 >u<

之後交俾KaKa幫我戴金鏈，兩母女都做咗gel甲，解唔開個扣=.="



10:00am左右，男子組早已到達，係lobby等到發霉。而女子組都準備就緒了。

同大家say聲bye，我就要閃入房，等主人接我出去了。
(全日最得閒都算係呢30min了)

各位姊妹，盡情玩新郎啦~~~唔洗俾面我ga~~~wakakaka

啪。

有冇人好心入嚟陪吓我呢......?



by笨豬小慧simple