Mona Lisa收相

千辛萬苦，幾經波折，終於收到Mona Lisa的相。

不過由6pm等到8pm才收到，真係等到變化石

為免重蹈「空歡喜」的覆轍，係送貨叔叔面前拆開檢查，今次真係我地d相喇，YEAH!!!



嚟張全家幅先

睇真d，原來都未算影得好差，但都有幾張影得麻麻唔知點解都揀咗

同埋，我懷疑Mona Lisa tune過d色，主人塊面明明黑過我好多ga，點解出嚟d相又唔係嘅???好似同揀相個日睇的顏色有d出入喎



遲d要物色一d畫框和相簿，好好保存我地的第一輯婚照。




明天返公司scan D相，大家等等我喇。


by笨豬小慧simple

Mona Lisa - 終於收到相喇!!

千辛萬苦，幾經波折，終於收到Mona Lisa的相。

為免重蹈「空歡喜」的覆轍，係送貨叔叔面前拆開檢查，今次真係我地d相喇，YEAH!!!

共12張 4"X5" 細相

另外仲有5"X7" 中相2張、8"X12" 大相2張、16"X20"油畫一幅



我將相片private了，想睇的sis麻煩通知我add你吧。(只限有相有內容的blog友)



by笨豬小慧simple

Coffret D'or 踢走病容化妝術

腸胃炎咗成個星期，日日又嘔又瀉，生病加上瞓得唔好，個樣真係殘到爆



平時唔揸粉底的我，都要搵D幫手遮醜 - Kanebo的Coffret D'or SILK SKIN底妝系列

Cover Fix & Silk Cream Foundation

塊面又腫又黃，皮膚好乾，最勁揪莫過於個大眼肚。



用法：

SKIN CARE之後，先塗上COVER FIX MAKEUP BASE。

Coffret D'or Cover Fix   SPF21 PA++  HK$230/25g

演出柔細光澤效果的絲潤美肌粉體配方，輕輕塗上即可遮蓋毛孔和不均勻的膚色，水溶性膠原蛋白（保濕）配方，提昇肌膚滲透力，呈現自然妝感的妝前乳霜。

用法：全面塗勻之後，再在毛孔粗大和黑眼圈的地方重點塗上。

唧出來是自然肉色的cream狀乳霜。遮瑕力非常好，只是塗了一層，黑眼圈就遮走了大半，果然無呃我。只是稍嫌偏乾，很難推勻，建議使用前先做好保濕功夫，例如用保濕的make up base、或先塗滋潤的護膚品。


之後塗上SILK CREAM FOUNDATION

Coffret D'or Silk Cream Foundation  SPF21 PA++  HK$300/25g

水溶性膠原蛋白（保濕）配方，加上豐富柔滑的乳狀質地，創造滋潤光澤的極致絲柔肌膚。演繹出柔細光澤效果的絲潤美肌粉體配方，濃密滋潤，與輕柔觸感，創造高級絲綢般迷人光澤＆絲滑肌膚質感的粉底。

用法：點5點在臉上，用複指或海棉推勻，之後用溫暖的雙手包裹雙頰，使粉底更貼面。

BA給我的是OC-C顏色，適合膚色一般白和喜歡自然妝容的sis，如果喜歡偏白的妝容，可以選淺一號色的OC-B。內附小匙，方便取出粉底，我最怕d粉卡住係指甲邊。

雖然叫cream foundation，卻出奇地多水份，所以非常好推；遮瑕力也相當出色，加上粉底後，我的黑眼圈已經9成不見了，泛紅的雙頰都遮咗，連雀斑都BYE BYE喇


之後加少少少遮瑕膏和掃上碎粉，病樣就遮晒啦。

左至右：Makeup Base>>Foundation>>Concealler>>Loose Powder

係唔係差好遠先。


返工化妝我都以「快、靚、正」為首要目標，如果一盒有晒眼影、highlight、shading、眉粉的palette你話幾好，唔洗拎幾十萬樣野出嚟先化到個妝，仲可以慳唔少tim。點知真係有：

KATE的眼影+眉粉combo，仲只需HK$101，好抵玩。

我會將最左手面的米白色做highlight，最右手邊的淺啡色做shading。

睇唔睇得明呢？

大功告成，病樣BYE BYE~~~~~


所以話，化妝品先係女人的最佳「補品」HAHAHA


一向無乜抽獎運的我，竟然受到Kanebo的邀請參加今次的試用，真係喜出望外，呢份亦是我新一年得到的禮物，多謝啊~~~


打完收工，今次真係病入膏盲之作，希望大家多多支持啦~~


Coffret D'or官網：http://www.coffretdor.net/tcn/

Mona Lisa收相，好surprise囉!!

等咗4個月，引頸以待的Mona Lisa pre-wedding終於約好今日送貨喇。

一拆開......................................

唔係我地D相嚟嘅?????

但係單NO.、名都無寫錯喎，入錯咗d相!??

嗱嗱聲打去ML，可惜太夜了，都收晒工。

我D相究竟去咗邊呀???????????

 

點解呢排我地咁黑嘅呢？買冷氣又壞，我又腸胃炎，佢又多野做到捱病咗，連拎相都要擺烏龍，頂

 

BY笨豬小慧SIMPLE

 

UPDATE 28/1/2011：今早打去問，約好31號上嚟換相，希望今次靈靈性性啦。

買冷氣

前日病咗請了sick leave，見精神D，就同主人去咗睇冷氣機，因為真係好趕住要裝。

其實年幾前已經買咗樓，慶幸自己上車上得快，當時樓價都只係搭緊高速升降機，仲未坐火箭，亦要多謝未來6299係首期上的支持，否則可能我地要遲多年幾先結到婚。

收樓之後，大廈就話外牆要維修，一整就整咗年幾。(基本上係由收樓到現在)

呢排去昅昅個進度，好似就快攪掂要拆棚，係時候裝番個新冷氣，因為無鋁架，怕拆棚後至裝會收得好貴安裝費。

行咗3~4間，終於係老闆的介紹下，揀咗AKAI的匹半窗口式冷氣機，算係平價d又有一級能源標籤的日本機。

本來約好26號裝機，點知送貨遲咗，諗住要過年後先可以裝啦，突然間師傅又話ok喎，真係呢。

終於安裝好，點知，個冷氣唔work，過到電但無風出，唉..................乜咁玩我呀。

 

by笨豬小慧simple

confirm主花車

其實主花車一早confirm了，因為主人的朋友的朋友開租車公司，所以佢一早搭通天地線，mark實咗一架白色七人車。

超友情價，所以我都無咩要求。(但如果係4座位私家車我會開心D，七人車個樣有d鈍鈍>~<)



現在計劃緊搵車主租28座van仔做兄弟姊妹團車，定問有車朋友借車好呢？





租車公司info：Steve Lau 92039096



by笨豬小慧simple

confirm當晚攝錄影

因為一年前主人去了做兄弟團，認識了Tart Yau Creation的攝影師，非常喜歡佢地的攝影風格，尤其videoman的朝拍晚播，主人直頭讚不絕口，誓要自己結婚當日用番呢隊crew。

所以呢個task我都無咩意見，當然contact嘅野都係主人負責啦。

只怪主人唔嗲唔吊啦，遲遲都唔搵人，一直都confirm唔到人數和價錢。

 

現在終於正正式式confirm喇。

1P+1V - Tart Yau Creation

價錢....................當然係友情價啦~~~~

 

另外再有：

1P - 主人朋友的大佬

1A - 主人的小學同學

 

現在成隊crew就有4個人，人才濟濟，勁!!!

 

 

Tart Yau Creation
http://www.hyau.net/Tart_Yau_Creation

 

BY笨豬小慧simple

婚禮進度表(倒數10個月)

今月進度：
下個月就開始倒數月份是個位數了，但我就愈來愈hea，愈來愈唔想郁!!!!真係要好好加油啊~~~~

其實都算有做野嘅，問過吓麗江婚照的機票酒店個d，又上淘寶搵吓姊妹裙咁，但都未可以confirm，所以個表咁耐都無進步，oh....no....

 

孫 簡 聯 婚
婚禮日期	2011年11月20日 (星期日)
晚宴
地點 場地佈置 席前小食 請帖 結婚蛋糕 紅酒 烈酒 簽名布 簽名筆 台banner Wedding Logo Table No. Card Seating Plan Welcome Board Q版公仔 Doll corner 啤牌 音樂	譽宴 – 旺角6/F 酒樓提供 酒樓提供 酒樓提供(未印) 未買 盛酒窖 – 已買 妹妹轉贈 淘寶(未整) DIY(未做) 酒樓提供 DIY(未做) DIY(未做) DIY(未做) DIY(未做) 未做 未整 未買 未定
註冊
地點 律師 簽名布 結婚介指 介指枕 羽毛筆 結婚證書套 註冊處登記	奇妙姻典 幸福小教堂 奇妙姻典 提供 品果送(未做) 已買 奇妙姻典 提供 奇妙姻典 提供 奇妙姻典 提供 奇妙姻典 代辦(未做)
化妝&禮服
新娘化妝 頭飾 頭花 奶奶外母化妝 姊妹團化妝 新娘婚紗晚裝 頭紗 首飾 裙褂 婚紗晚裝鞋 褂鞋 GIRDLE NU BRA 箍肚褲 新郎禮服 新郎恤衫 男裝禮服鞋 奶奶衫 外母衫 奶奶外母晚裝鞋 老爺西裝 嫲嫲、婆婆衫 伴娘+姊妹裙 兄弟呔	Ka+ Makeup Ka+ Makeup提供 未定 Bithia Lam 未定 希臘女神Beauty Hera 希臘女神Beauty Hera提供 希臘女神Beauty Hera提供 希臘女神Beauty Hera 已買 妹妹轉贈 未買 已買 已買 希臘女神Beauty Hera(白色)+DIY 1套(未做) 已買 已買 希臘女神Beauty Hera 希臘女神Beauty Hera 自備 訂造(未做) 未買 未定 未買
婚紗相&當日攝錄
婚紗相(第1輯) 拍攝日期 婚紗相(第2輯) 拍攝日期 機票 酒店 婚禮攝影&錄影 成長片段 早拍晚播	香港@蒙羅麗莎(已影,未取相) 2010年9月27日 麗江@品果影像 2011年4月9日 未買 未訂 未定 諗緊整唔整 未定
花車&花飾
花車 花車佈置 公仔 婚紗相花球 結婚當日花球 新郎襟花 主禮人襟/手花 兄弟襟花 姊妹手花 細佬細妹襟/手花	未定 DIY(未做) 已買 DIY(已做) 未定 未定 DIY(未做) DIY(未做) DIY(未做) DIY(未做)
餅卡
西餅卡 唐餅卡	美心西餅 – 已買 未買
過大禮、安床、出門、回門
過大禮日期 過大禮用品 安床日期 安床用品 出門地點 回門日期 回門金豬	未定 包羅萬有利是 未定 未買 未定 未定 酒樓提供
嫁妝
龍鳳鈪 龍鳳被 喼	奶奶送+外母借用 未買 未買
婚禮用品
上頭用品 紅色睡衣 拖鞋 攔門花球 囍字貼 男女家對聯 跪枕 紅傘 斟茶用具 利是封 囍字小貼紙 回禮小禮物	女用(妹妹轉贈)、男用(未買) 女用(妹妹轉贈)、男用(未買) 女用(妹妹轉贈)、男用(未買) DIY(未做) 未買 未買 未買 妹妹轉贈 外母提供 妹妹轉贈, 唔夠再買(未買) 未買 未定
其他
婚前檢查 Rundown Checklist 敬茶list Guest list 分工表	未定 未定 未定 未定 未定  未定
工作人員
伴郎 伴娘 兄弟團 姊妹團 男司儀 女司儀	已定 已定 已定 已定 已定 未定
蜜月旅行
日期 地點	未定 未定

 

麗江婚照 - 準備篇之訂機票(1)

仲有2個幾星期就過年喇，怕d旅行社好遲開工，終於的起心肝問一問去麗江的機票價錢。

 

預計的行程：

4月6日 - 深圳>>>成都
4月8日 - 成都>>>麗江
4月12日 - 麗江>>>深圳

 

1) 攜程網 ctrip - http://big5.ctrip.com/

未有減價機票，全部正價。
RMB1410+880+1630=RMB3920，如果計埋每程RMB120稅，每人就要RMB4280

但3月頭的機票已經做緊特價：
RMB710+530+1470=RMB2710，差好多呀~~連稅就是RMB3070，仲少過淨買正價機票。

緊係等特價啦!!!!應該下個月會出特價卦，過完年再昅昅。但我無銀通信用卡，更加無大陸地址，買飛仲要搵朋友幫手，又要問問。

 

2) 真旅網 TravelZen - http://hk.travelzen.com/

同學介紹的，佢2月去麗江影pre-wedding，係呢間買咗機票，因為唔洗銀通信用卡，visa/master都可以，方便香港人。

又係未有減價：
HK$1684+1051+1947=HK$4682(未計稅)

計番匯率，價錢同ctrip差唔多。又係等一等佢出特價票再算吧。

 

3) 芒果網 - http://www.mangocity.com/

一樣無特價，價錢和ctrip一樣，但航班選擇較少，應該唔會幫襯。

 

4) 華景旅遊

Blog友艾利絲介紹的，買票拎票一take過係香港攪掂晒，都算方便。

報價跟ctrip一樣，負責人謝生話出發前個半月check應該有特價票，到時再打去問。難得唔收手續費，only計匯率，幾好喎。

灣仔台山中心13樓B(地鐵站A3對面)
TEL：28931203 謝生

PS：旺角信和店只做澳門船飛和渡假屋，去到姐姐都係叫你contact謝生。

 

5) 金豪旅運

是品果的客服張蓓介紹的，即管打去問一問。

負責人Ivan都幾老實，明講俾我知佢地的大陸機票和ctrip一樣價錢，無扮晒野係自己拎到優惠咁。但要加HK$50/人的手續費。

佢另外offer一個香港出發的package俾我：
香港<-->成都 + 成都<-->麗江：HK$2700+HK$720(稅)=HK$3420

時間仲幾靚仔tim：
來：HKG/CTU 1110/1345, CTU/LJG 0800/0915
回：LJG/CTU 1005/1125, CTU/HKG 1630/1845

平少少，又可以係香港舒舒服服咁出發，真係唔錯呀~~可惜呢個package暫時做到31/3，夾唔到我，唯有希望佢4月仲會做啦。(留咗電話等佢好消息!)

而且好多品果客仔都搵過佢地訂機票，應該熟晒我地的要求啦。

TEL：25240182 Ivan

 

 

暫時prefer金豪的package，如果4月無呢個plan，就搵朋友/華景買ctrip的機票吧，希望到時個折扣會多d啦。

一切又要等過年後先可以再follow。

 

by笨豬小慧simple

 

Olecule孖寶 - 補濕‧承托‧鎖水

最近天氣超級凍，每逢晚上更凍得只有個位數字的溫度，所以暖爐已經成為我的「陪瞓小姐」。

每晚可以暖笠笠咁瞓覺梗係sofu啦，但就換來皮膚崩緊乾燥，因為水份都被暖爐給抽乾了。

好好彩，踏入2011年，我就收到一份「及時雨」禮物 - Olecule孖寶！

Olecule B5 Moist+(B5內外水潤露) $575/15mL
Olecule Barrier Repair(鎖水修護精華) $565/15mL

呢2樽就是Olecule的皇牌保濕產品，多本美容雜誌如《Cosmopolitian》、《MORE》都力證佢地的「補濕‧承托‧鎖水」功效。





產品簡介：

洗面和用過toner後，先用B5 Moist+(B5內外水潤露)

- 使用最先進的大小復成粒子muti-molecular weight透明質酸。
- 小復成粒子注入真皮層，具有抗氧化功效，補充肌膚水份，豐盈肌膚底層，改善老化跡象。
- 大復成粒子於表層吸收空氣中的水份，有助組織修復，令肌膚更健康。
- 適合任何肌膚使用。

唧出來是半水半啫喱的透明色液體，沒有味道。打圈塗勻後，不消幾秒就吸收了，證明粒子真的好細好細，很易被皮膚吸收。用後沒有笠的感覺，只是感到有層薄膜留在皮膚上，好像會長時間滋潤我的皮膚呢~早上用完，之後再加上防曬乳和粉底，都沒出現類似「擦膠碎」的怪東西。(之前有用過類似會有薄膜的護膚品，再用防曬乳和粉底，會出「擦膠碎」)

整體感覺很滋潤，吸收又快，很好啊~~

之後再用Barrier Repair(鎖水修護精華)

- 主要成份是最強的鎖水物質 - 磷脂質Ceramide，當中40%的脂質層所含為磷脂質分子。
- 獨有的BRC System，以磷脂質、皮質醇、角鯊烯組成的金三角收復基制，讓肌膚長期保存水份。
- 己基癸醇 (Hexyldecanol)和角鯊烯(Squalane)使皮膚保持柔軟，如絲般水嫩。
- 特別適合偏乾敏感性或激光前後使用。

無色無味，比B5 Moist+稀得多，初時以為是水，用過才知是油來的。吸收速度比B5 Moist+更快，第1次用時我是先滴在手背，再分次塗在面上，怎知道只塗了半邊面，手背上的Barrier Repair已經被吸收了，所以之後我都直接滴在兩頰、額頭、鼻子上，再用手塗勻，就不會浪費了。

用後感覺很清爽，出奇地不油不膩，只會令皮膚有少許光澤，它不但keep住之前B5 Moist+給我的水份，好像更能「迫」D水份入皮膚，我很喜歡



之後我會再搽少少平日用開的lotion，始終孖寶係精華素啊~還是要lotion的幫助才可以美美的。





試用結果：

由於水油測試機壞了(才買了不到半個月，氣!!!)，沒有數據給大家看，sorry> <

就請看看我用後的皮膚吧。

BEFORE：額頭上有多條明顯的乾紋
AFTER 1 DAY：當日用完，即時見到乾紋減少了。
AFTER 7 DAYS：大部份的乾紋都拜拜喇





我的小小感想：

第一次使用醫學美容品牌的護膚品，初時以為使用起來會很麻煩，怎知道都幾easy，而且功效快速顯著，真係一試愛上呀~~

如果價錢可以再親民一些就更perfect了。

另外，附送的catalogue只有產品介紹，沒有說明孖寶的使用方法，網站的簡介更令我頭暈，試用時的護膚程序(cleansing>>toner>>B5 Moist+>>Barrier Repair>>lotion/cream)只是靠我的皮毛美容知識決定(都有試過倒轉次序用，但發現效果無咁好)，希望沒有做錯啦。也希望Olecule能更新使用方法在網站和catalogue中啊~咁就100分了。



打完收工，多謝支持!!!



Olecule官網：http://www.olecule.com.hk