前日病咗請了sick leave，見精神D，就同主人去咗睇冷氣機，因為真係好趕住要裝。
其實年幾前已經買咗樓，慶幸自己上車上得快，當時樓價都只係搭緊高速升降機，仲未坐火箭，亦要多謝未來6299係首期上的支持，否則可能我地要遲多年幾先結到婚。
收樓之後，大廈就話外牆要維修，一整就整咗年幾。(基本上係由收樓到現在)
呢排去昅昅個進度，好似就快攪掂要拆棚，係時候裝番個新冷氣，因為無鋁架，怕拆棚後至裝會收得好貴安裝費。
行咗3~4間，終於係老闆的介紹下，揀咗AKAI的匹半窗口式冷氣機，算係平價d又有一級能源標籤的日本機。
本來約好26號裝機，點知送貨遲咗，諗住要過年後先可以裝啦，突然間師傅又話ok喎，真係呢。
終於安裝好，點知，個冷氣唔work，過到電但無風出，唉..................乜咁玩我呀。
by笨豬小慧simple
o下,點解會咁o架....好醒呀,襯有個棚可以裝冷氣.....我哋第日個廳都想換分體式呀,但要搭棚肯定超貴,都係再諗諗啦~~
回覆刪除[版主回覆01/29/2011 10:08:00]其實師傅話無棚都裝到鋁架, 只係麻煩少少, 當然仲有棚就快手好多啦。
我諗你買機之前問一問師傅會好d。
by笨豬小慧simple
你地可以裝分體式咪好law，我地果度原本係分體式，裝完外牆之後佢話唔可以o係外面裝野。結果由分體式(仲要係新野黎o家)，轉左做窗口機 >.<""""""""
回覆刪除by 醒目主人simpson