新春過後好運接踵而來，除咗逗到破紀錄的利是外，又中埋Curel的試用。唔通係我行運的預兆!?(諗吓好啦)
不過都有蝦碌野發生，本來我今日係唔洗返工ga，點知尋晚放工上埋巴士時先發現漏咗個手機係公司，唉，唯有今日早d出門口，返公司拎番部手機先再去Curel的美容坊。
正式開始前，細心的Curel準備咗好多點心和飲料俾我地
全部都好似好好味咁呀~~~~~
首先BA幫我地做個水份和細胞間脂質的skin test
我的結果係：水份31.1%；細胞間脂質696，綜合來說，即係乾燥而紋感。(95%濕度都甩皮，死未
)
BA向我解釋，水份不足的原因，就係細胞間脂質(Ceremide)的流失，因為細胞間脂質是角質層之間的物質，維持肌膚保濕能力，是皮膚的天然屏障。Curel的研發，就是針對細胞間脂質的流失而形成的乾燥敏感性的皮膚。Curel就是Cure和Well合併字，所以讀cu-well(一直都唔識點讀)，喻意解決乾燥敏感性皮膚的問題。
另外有個簡單的問題測試，就知道自己係唔係乾燥敏感性皮膚。
如果你有6項以上，就是乾燥性敏感肌了。我有7項..............差少少滿分
今日要介紹的就係以上所有產品，嘩，唔擺晒出0黎都唔知，原來Curel有咁多產品。包括面部、身體、頭髮的護理產品，由頭到腳咁呵護你。
枱面亦擺咗今次美容坊介紹的產品，邊聽書邊試用，玩得好開心啊。
body lotion同hand cream
body lotion水水的，好易透勻和吸收，一d都唔笠，都有適中的滋潤感。
hand cream比body lotion杰，不過都算易塗勻和吸收，滋潤的感覺也比body lotion強。
BA安排我試用moisture cream，既然無得試用moisture milk，依家試下先。
白色水水的乳液，好易推勻又唔笠，應該幾0岩春夏天用。BA說我先用moisture cream解決甩皮的問題，改善之後就可以用moisture milk做春夏的保濕。
（圖片來至官網)
(唔記得影真身tim)身體專用防晒乳，很好奇的產品。
一d都唔油膩，反而仲好稀tim(唔似N字頭的咁杰同笠)，推勻之後沒有泛白的現象。(相片可能有色差, 現場睇無變白)
介紹時還說有防水功能(但我忘記即場測試)，咁游水用都得!?
Cream Foundation，連catalogue都未有登，我估係新產品(可惜今次無得拎回家試)。有2個色，我試咗呢個淺色。
易推，無咩色差，遮瑕度非常好，你睇，粒紅紅地的蚊癱都遮到d，但有d乾，手背d皮膚紋走晒出0黎啦。(可能因為我無搽hand cream，乾爆)
玩到6pm左右才散會，成班女仔一齊吱吱喳喳咁，真係好開心呢~~~
多謝Ztyle和Curel的選中，仲有你地細心的介紹和活動安排，辛苦晒你地了。
哈哈，又食又試之後仲拎咗兩大袋Curel回家呀，一袋係今次要試用的產品，另一袋係問答環節的獎品
試用品有：洗頭水、護髮素、防曬乳液、極致保濕套裝(3號)
獎品有：hand cream、body lotion、body cream(BB可以用)、沐浴露
極致保濕套裝(3號)包括：90mL潔面泡沫、30g卸妝啫喱、30mL lotion III、10g moisture cream
真係好大堆啊~~~~0黎緊的日子我要努力試用，再同大家報告一下。
