聖誕樹

又到聖誕，又到聖誕~~~

婚後個幾月就係聖誕節喇~~~
今年的節目一樣豐富，但因為主人要去飲和返夜更，我地沒有2人世界的聖誕節了T^T。雖然有d可惜，不過都無計了，下年啦~~~以後仲有千千萬萬個聖誕節要一齊過，走唔甩嘅，keke!!!


小小小豬欄都要有聖誕feel，我要買 聖 誕 樹!!!

可能細個屋企有聖誕樹，我依家有自己屋企都要整番棵。

日本城，$99.90，抵玩呀~~~

主人開頭好反對我買聖誕樹==，又話阻碇又話無謂。但抬到返屋佢又話間屋變得好有氣氛，激死.....



祝各位靚太、B2B，和你地的honey有個sweet sweet的christmas啦~~~


BY笨豬小慧SIMPLE

婚後物資

(12/3/2012 UPDATE：只剩VSOP、Hello Kitty公仔 未出售，有心人快D帶佢地番屋企啦~~~)


結咗婚已經有3個多星期了，終於叫執好少少間屋，間房同客廳的地板終於見天了~~~(之前堆滿一地都係雜物Orz)

婚禮後，真係有好多只用了一次的物資，或者買咗無用到的東東，丟了真的好浪費啊~~又唔環保。
所以希望有心人接收佢地啦~~~

如對以下物品有興趣的BG2B，請私留聯絡電話，我就會幫你hold起。
hold起後一星期內交收，細件物品可以郵寄，如一星期內你都未能交收，我只好給下一位有興趣的BG2B，因為不是賺錢，只想盡快清走物資。

可交收的時間：Mon~Fri，7pm後
可交收地點：東鐵沿線(紅磡、大埔墟、太和可在閘外，其他站會在閘內)，其他地點另議^^


1. 囍字punch(未用過, 100%新) - 15 (原30)  SOLD

2. 上頭紅睡衣(女) (只穿過2次, 90%新, 已洗乾淨) - 30 (原60) SOLD

3. 上頭紅睡衣(男) (只穿過一次, 95%新, 已洗乾淨) - 30 (原60) SOLD

4. 囍拖鞋(只穿過一次, 95%新) - 各6, 10/2對  SOLD
    ***如果買紅睡衣, 免費送俾你***

5. Louis Royer VSOP 700mL(全新) - 300/支, 500/2支
***如果買晒2支，飲淨的半支送埋俾你***

6. 西班牙Easy by Enira 2008 紅酒 (全新) - 40/支 (原62)  SOLD
***一箱6支，我有12支呀~~~如果一次過買晒，再打8折!!!***
(相關閱讀：http://blog.yahoo.com/simpsonsimple/articles/48786/category/%E5%9B%8D%E4%B9%8B%E6%8E%A1%E8%B3%BC)

7. 玩新郎必備道具!!!毛毛bikini (只用過一次，99%新) - 各25 (原50) SOLD
   

***免費送動物耳頭箍，襯埋一set好正ga~~分開用又得*** SOLD

8. 麥記hellokitty中式結婚公仔(100%新) - 100

9. 花車裝飾的金色紗網布 (100%新) - 10 (原20) SOLD

10. lace花印仔(90%新) - 各15 (原30~50) HOLD

11. 印台，3個色(啡金 SOLD、檸檬黃 SOLD、湖藍 SOLD)，90%新 - 各5 (原15)

12. 絲花花球(90%新) - 50 SOLD






贈品區：

由於購入價太便宜，都唔好意思賣俾人，如果你啱用，不如我送俾你啦~~~~
(希望最少幫襯我上面的一樣東東啦~~~wakaka)

A. 特大閃閃bow tie SOLD

B. 男禮用bow tie from 淘寶(100%新) SOLD

C. DIY花花簽名筆6支 (已開封，但仲有墨)  SOLD

D. 櫻花牌簽名筆3支 (已開封，但仲有墨)  SOLD

E. 心形棉花糖 (開咗，用咗少少玩遊戲，仲淨大半包)

by笨豬小慧simple

DIY B女閣

其實我是一個B女fans。(B女即係Blythe公仔)
真係好想BD可以用B女嚟做decoration，仲要佢地著的婚紗係我車嘅，滿足一下我的fashion show願望。

原先計劃係有4~6隻B女的，真係一字排開好似fashion show咁，但後尾睇場發覺，酒樓擺唔到咁多隻B女，而且保安都係一個大問題。
於是就由fashion show改做一對B仔B女好了。

材料一早買好，只係自己懶，一直唔願開工，去到倒數7天o個時，真係想過放棄，唔想攪到自己為DIY而好趕好緊張。
不過最後，都難敵慳妹精神的責備(買晒野又唔整，晒$$)。於18/11的首天假期，用了整個下午，終於完成了~~~

真係趕工趕得好犀利!!!
所以好多細節位都粗製濫造!!!

真係太耐無車B女衫，手藝生疏晒，車得好慢呀~~~~

成品就..................滿意咁啦...................hahaha
DIY都係自我滿足好了。


掛住車衫衫，攪到得主人一個去酒樓試音響，haha~~~辛苦你了。


by笨豬小慧simple

人生第一次的gel甲

2011年11月17日(四)

BD倒數3日。

今日係婚前last day上班日，公事無咩忙，但私事就有。
- 約咗舊同事lunch飲茶+派帖 (真係派到呢日先派完晒帖呀~~)
- 去美心拎4打西餅回公司派，3:30pm開派
所以今日無咩工作mood =p

放工就準時撇，約埋媽咪去表妹的甲店整gel甲。

我本身指甲薄，又易斷，聽人講gel甲好傷指甲，所以真係好抗拒整gel甲，好似一開咗個頭就返唔到轉頭咁。
有諗過留長少少，自己油指甲+黐K石咪得囉。
點知自己手多多，一星期前剪到d指甲鬼咁短，點油都唔靚ga wor。
即係都要整gel甲。

人生第一次整gel甲，真係好忐忑呀~~~~
(表妹，我的人生第一次獻咗俾你了)

坐咗差唔多2個鐘，終於攪掂!!

好閃好閃呀~~~~好靚啊~~~^0^

勁鐘意呢d清清地的款^0^

底色用透明，長咗都無咁礙眼嘛。



整gel甲的過程好開心，2個鐘，好似好快過咗去lu~
整完真係好靚^0^，伸隻手出嚟戴結婚介指o個吓都醒d啦~~~wakaka
而且gel甲係好厚好堅硬的!!! 點撞點摑都唔甩，啱晒我呢d粗魯鬼(真係有大把搬抬托的功夫要做呀~~~)


最開心係媽咪找數埋單，wakakaka~~~多謝媽咪唷^0<




介紹吓我表妹的甲店先，新開ga~~~多多支持啊~~~
地址：尖沙咀彌敦道36-44號重慶站商場228號舖　W Nail
美甲師：Carrie
收費：淨色/閃粉$188、法式$198、$328任做(雕花/斯華洛石除外)、修手甲$78、修腳甲$108




by笨豬小慧simple

Beauty Hera希臘女神last fitting

2011年11月16日(三)

BD倒數4日

今日約咗未來奶奶和媽咪去Beauty Hera做last fitting，同行還有未來老爺、未來姑仔、主人 和 我細妹 成立的顧問委員會。

本來約好14/12，book好晒喇，麻煩媽咪先突然話呢日佢要開OT搵外快，要改期16/12，咁樣一改，就要全村人就媽咪一個，真係牽一髮動全身咁嘛，你一句說話我又做餐死喇，真係忟死我喇!!!!好彩未來老爺奶奶16/12都得閒，又好彩16/12仲有期last fitting，唔係我實俾媽咪玩死鳥......


其實所謂的last fitting，即是拎晒你confirm咗的衫，俾你試身多一次，試之前已經根據你之前度咗身的尺寸改好了，當然成年前的size同依家會有出入啦，因為個個女人都會為咗大日子而變瘦(不論自然瘦定努力瘦)，所以試身後，會再細執一次，呢d就交俾即場的改衫阿姐負責了，當然唔少得配襯首飾、披肩、頭紗等的環節啦。


首先係麻煩媽咪fitting，條友仔著咗條裙已經藐藐咀，又話呢度爛o個度霉，又話人地改到d衫殘晒，我唯有氹佢：「膊頭位有少少瑕疵，但著咗披肩就睇唔到，件衫好閃好靚呀，又著得你瘦....」希望快d息事寧人，好啦，媽咪終於接受到條裙的少少瑕疵，佢就話要襯披肩，個sales又唔醒，雖然我媽咪條裙係黑色，但你都唔好拎條灰灰地閃都唔閃吓的披肩俾媽咪啦，佢見到件披肩又發晒忟話自己confirm衫o個時指明要白色披肩(不過無人記得佢咁講過)，猛鬧個sales做野唔用心，又怨我做咩要book呢間租衫，我都好冤枉呀，當初帶埋你嚟睇，你睇完ok我見俾訂咖，依家last day4日你先同我講呢d野，咪玩啦，我真係心力交瘁，要行埋一邊唞唞氣，我真係怕自己忍唔住開佢拖!!! 襯咗一輪之後，終於揀好披肩，就到襯首飾，麻煩媽咪又出招，猛話d首飾好普通，佢襯唔到，我走埋去睇吓，又真係揀唔落手嘅，呢次個sales醒d喇，即刻入倉再搵多d款俾媽咪揀，最後佢都勉強揀到條，但仲有好多說話俾我聽......唉......我都無心情理佢囉，由佢自己口蹹蹹算。

麻煩媽咪咁玩法，齋試一條裙都用咗1小時 =.="

跟住到未來奶奶fitting。未來奶奶出名快手，佢揀野真係好似唔洗諗咁，同我媽咪係完全相反。試裙的時候，大致都fit，係腰位鬆咗，未來奶奶高d，所以d裙吊腳，要放長，同埋有款背脊see through要加番塊布上去。未來奶奶好開心話自己依排食少d飯，又去打波做運動，瘦咗呀~~~~睇嚟佢好積極瘦身，wakaka。未來奶奶仲好醒帶定私伙耳環嚟襯衫，仲要閃過又大粒過Beauty Hera提供o個d款，真係估佢唔到呀~~~不過未來奶奶買咗對黑色漆皮高踭鞋做晚裝鞋喎，呢吓真係俾佢嚇一嚇，對鞋好似OL的返工鞋，同晚裝唔多match，原來仲要$500!!! 未來奶奶俾人呃咗喇......我媽咪o個對閃閃晚裝鞋係有利買都唔洗$100.........係我唔好，我唔記得提佢要買咩鞋，唯有靠未來姑仔聽日陪奶奶去買鞋了。

未來奶奶試2件衫，又用了1小時。


攪掂晒d長老s，終於到我fitting了。試緊第一條裙時，正當我想襯首飾，sales先話改衫阿姐就快收工，要我快手fitting晒d衫先，攪到我呢呢嗱嗱又著又除衫咁，半小時內fit晒4條裙，條裙咩樣我都未望真呀..........點解個sales係d媽媽s試緊時唔催佢地，結果佢地試3條裙用2hrs，我試4條只得半小時，真係好唔make sense囉。好彩我身材無咩走樣(即係無肥又無瘦到)，大部份衫都唔洗大改，係件敬酒晚裝pat pat位勾爛咗，好彩有塊長拖尾可以釘過少少遮住佢jar，唔係都唔知點算。因為未來奶奶揀咗for新娘o個d又閃又誇張的首飾，所以都無咩剩底俾我揀，求其揀3套，再叫細妹揀一套(因為敬酒我會襯金器，所以我突咗套首飾出嚟，梗係叫屋企人揀埋，唔好浪費咗個quota嘛)

我只係用1小時就攪掂晒4條裙了。

for me~~
隨咗右邊個套首飾係我比較鐘意又係自己揀外，其他都係媽咪幫我揀(無計，都無乜好揀了)，藍色耳環直情襯唔到頸鏈，所以求其搭條誇誇地算，可能睇吓到時邊個想用啦。

for未來奶奶
好識貨的未來奶奶揀咗d好閃好誇的款，佢又戴得好好睇(我媽咪想揀ga，但佢戴得唔好睇嘛，無計囉)，haha~~~佢開心最好。佢對私伙耳環真係贏晒ga!!

for mum
媽咪揀無可揀的款，佢嫌對耳環太細隻，無計，Beauty Hera d夾耳款的耳環真係無乜得揀......

for細妹



由6pm玩到9pm終於走得，o個肚餓到咕咕聲，就近去了妹記dinner算了，食物好味咗，我仲食咗碗半飯，痴咗(你睇我咁食法，就知我完全無keep fit的意識)

食飽飽就各自回家，多謝細妹送主人一家去搭火車，我就可以同主人&媽咪坐巴士了~~~


好累，d衫終於fix好晒，安樂晒~~~~


by笨豬小慧simple

DIY「愛的宣言」

婚前有一日主人返夜更，我就趁佢唔係屋企，買定接新娘遊戲的道具收埋，仲DIY埋「愛的宣言」。

cut邊位cut得唔夠直tim>.<
是是旦旦啦，出鏡一陣，唔多覺嘅(實情係懶唔想再整過)

其實只係上網copy人地的愛的宣言，再改少少字眼。
用AI畫lace邊和排版，that's all

print A4，再黐係一塊卡紙度(張卡紙好似係買d唔知咩的packing)



yeah~~又KO一樣!!
好期待主人讀呢張「愛的宣言」的一刻啊~~~唔知佢見到d內容會有咩表情呢?? XD


by笨豬小慧simple

紅色孖煙囪

有人同我講，BD要著紅底底。

臨急去買紅色孖煙囪，好彩uniqlo有jar~

$79/2條

棉質好舒服，而且cutting夠貼身，著skinny男禮西褲都唔怕現底底嘛XD


上頭夜著，一於由裡到外都紅噹噹~~~


by笨豬小慧simple

洗牙+訂結婚蛋糕

2011年11月13日(日)

BD倒數7天!!!!

尋日因為自己懶起身，早上去洗牙plan失敗了>.<
諗住都算啦，洗唔到都無所謂嘅....(雖然心有焉焉然地，覺得洗咗牙會靚D，笑容都有自信D啦)
點知好好彩，樓下的牙醫診所星期日都有開，我的洗牙plan又可以翻生喇~~~^V^ v (連鎖式醫務所果然賺錢最強，連星期日都有醫生開工)

係無booking的情況下，我膽粗粗咁沖擊牙醫診所!!!
呵呵，當然洗牙大計順利完成啦~~~
(牙醫仲好靚仔tim呀~~~洗完牙心情大好，wakakaka)


之後去了屋企附近的美心西餅訂結婚蛋糕。

因為酒樓會送席前小食，譽宴的wedding planner提意訂5磅左右的蛋糕已經好足夠，所以靚靚樣的結婚蛋糕無我份了(因為最少8磅起，太多喇)

最後揀咗呢款

揀咗原味什果夾心，$168/磅，5磅即是$840

用餅卡俾錢的話，就是17張餅卡再補$24，以$36/張餅卡計，即是慳了$204了，YEAH!!!


而且，買滿$660就有免費送貨服務，咁呢個結婚蛋糕就可以直接送去酒樓，真係快靚正呀~~~如果有其他切餅揀咗，都可以一併送貨!!! 唔洗勞煩D兄弟去拎餅了。
所以大家一定要善用呢個送貨服務呀，當然最好同酒樓方面再講一聲啦，等佢地安排人去簽收。

又攪掂多一頂task了。

by笨豬小慧simple

婚前染髮

2011年11月12日(六)

今日是BD倒數8日，開始多野做了。


今日拎咗假，由長週變短週，原本諗住早上去洗牙，點知太累，瞓到10am先識醒，之後就同Gaily夾個seating plan的foam board，攪到夠鐘先標出門口。
所以今日只係做咗染髮一樣野=.="，晒咗半日假囉......


講番染髮先。

原先想搵番上次去麗江影相前幫我整頭髮的髮型師 (相關閱讀：染+剪頭髮)，點知打去book時間，先知佢係我BD前一星期都去咗旅行=.="

太早染又唔得，d新頭髮生咗出嚟就會有兩折色(那怕只露出1cm黑髮都唔想)
太遲染，到我無時間，last幾日係full schedule=.="，而且要d時間洗洗頭，等甩咁d色先自然嘛~~~

依家用開的髮型師no showT^T，點算好啊~~~~~


拿拿臨打俾細妹，好彩佢用開的髮型師未full booking，約咗今日染+修吓d頭髮。
染髮je，應該間間salon都差唔多卦，而且細妹用開，應該無咩大問題。

點知.....

我變咗 金毛新娘 Orz

其實染完已經覺得金咗少少，吹乾之後更覺得金，而且好奇怪地，頭頂比髮尾更淺色(但我之前染過N次，髮尾傷晒，理應比新生頭髮的頭頂更上色喎)


不過唔染都染咗，算了。
希望洗吓頭會好d啦。

阿Q d咁睇，婚後唔洗再整頭囉，都金晒


by笨豬小慧simple

成為靚太了!!!

籌備了一年零八個月的婚禮，終於係20.11.2011順利完成!!!!

感覺係好開心、好開心、好開心呀~~~~
原來結婚真係好開心ga~~~
之前經歷的所有辛苦，都係值得!!!!!

其實係差唔多完成派帖的時候，我已經想打篇blog多謝好多人，因為無咗你地的參與，我同主人就唔會有一個如此開心的婚禮。
派帖的點點滴滴，我要容後再blog!!


人地話婚前會好多野做，會好多擔心，會好緊張，會失眠..............

幸運地，我一d「婚前綜合症」都無。

我反而係好high，唔知點解長期keep住好興奮的感覺，乜都準備好晒啦~~~(但其實仲有成堆濕碎野未整)，只剩大日子的蒞臨，唔知BD會係點呢???呢種滿心期待的感覺充斥全身!!!
最後我係high到唔識眼瞓，晚晚可以好夜瞓，但第二朝又可以鬼打咁精神，痴咗線呀~~

反觀主人，佢有失眠呀，佢話自己好緊張，晚晚瞓到半夜就嚇醒，又成日發夢自己漏做d咩咩咩(但我就瞓到死豬咁，一覺瞓到大天光，仲要咩夢都無發到.....)

主人，咪咁緊張啦~~~放鬆d



好多B2B係婚前都忙到痴晒線，我都忙到痴咗，但我係忙去整甲染髮試身fitting洗牙做facial，其他婚前濕碎野都係主人做晒，排seating plan、買野、訂野、follow野、入利是等等等等，主人都好落力自動幫手，令我可以專心扮靚，做個靚靚新娘。主人，你真係好抵錫呀~~~~>3<

身邊的朋友都好落力幫手，我真係好榮幸好好彩呀~~~非常多謝你地^ ^



大日子就係我仲係high high地的時候就到咗，0個日成朝都只係識得傻笑，個人飄吓飄吓咁，直到返到新屋入門0個吓先識醒，噢.....原來我今日結婚咖喇!??

感覺真係好唔真實呀~~~

去到證婚0個度，一出新娘房，見到成棚朋友嚟晒觀禮，我真係好激動，再加埋主人愛的誓詞，我已經忍唔住感動的淚水T0T，喊咗出嚟!!!

不過晚宴謝詞時我好叻女呀，我無喊，反而主人就眼濕濕，佢仲成功攪喊咗我媽咪，hahaha



好多朋友都話我地的婚禮好感動，攪喊咗佢地好多次
又有朋友話我地的婚禮好似棟篤笑，睇我地係台上面講野好好笑

我好開心我地有個開心快樂又帶d感動的婚禮，
雖然中間只係播咗2段片，無攪surprise無玩game，
但見到親朋好友們依然投入其中，樂在其中，真係好欣慰呀。

我亦好開心婚禮能夠順順利利完成，所有rundown都有早無遲順利進行，全靠一班盡心盡力的兄弟姊妹幫手啊~~~非常多謝你地!!! (掌聲)


當然，一如所有新人一樣，我地的婚禮都有少少遺憾，都有d野做得未夠好。


去埋honeymoon後，我就會blog番晒婚前婚後的大小事情，你地等我呀~~~~

終於成為靚太了~~~~YO!!


by笨豬小慧simple

婚禮進度表(倒數1天!!!)

明天我要嫁給你啦~~~明天我要嫁給你啦~~~

沒有緊張，只係覺得很興奮!!!!!

可幸最後的DIY(B女閣)都於昨天完成了!!!!!

紅字走晒喇~~~~good!!! 今日唔洗再通頂捱眼瞓喇~~~YEAH!!


今天的行程也是密密麻麻：
13:00　出尖咀拎衫
14:30　去酒樓放低晚宴要著的晚裝、仲有2大塊油畫
16:00　去沙田麗豪酒店check-in出門酒店房
17:00　回家作最後衝刺 - 執野、佈置、print野
18:00　安床 (即係換番套紅色床單囉)
19:00　主人和我各自回家dinner, and then上頭
21:00　我約埋伴娘，起程去沙田麗豪
00:00　希望攪掂晒d野，正式瞓得!!!


祝　明天順順利利!!!!  (我呢隻輪盡豬應該好多蝦碌位, wakakaka)

孫 簡 聯 婚
婚禮日期	2011年11月20日 (星期日)
晚宴
地點 場地佈置 席前小食 請帖 結婚蛋糕 紅酒 烈酒 簽名布 簽名筆 台banner Wedding Logo Table No. Card Seating Plan Q版公仔 Doll corner 啤牌 音樂	譽宴 – 旺角6/F 酒樓提供 酒樓提供 淘寶(已印) + DIY(已做)<<<已派晒!! 已買 - 美心 盛酒窖 – 已買 妹妹轉贈 淘寶(已做) DIY(已買材料, 已做晒) DIY(好友Gaily幫手) DIY(已做by好友Gaily) DIY(好友Gaily幫手) DIY(好友Gaily幫手) 已畫圖, foam board好友Gaily幫手 已做 已買 已定
註冊
地點 律師 邀請卡 簽名布 結婚介指 介指枕 羽毛筆 結婚證書套 註冊處登記	拉斐特Lafayette Wedding – Hall 1 拉斐特Lafayette Wedding提供 DIY(已做) 品果送(已做, 已取成品) 已買 拉斐特Lafayette Wedding提供 拉斐特Lafayette Wedding提供 已買+少少DIY(已做) 拉斐特Lafayette Wedding代辦(已做)
化妝&禮服
新娘化妝 頭飾 頭花 奶奶外母化妝 姊妹團化妝 新娘婚紗晚裝 頭紗 首飾 裙褂 婚紗晚裝鞋 褂鞋 GIRDLE NU BRA 箍肚褲 新郎禮服 新郎恤衫 男裝禮服鞋 奶奶衫 外母衫 奶奶外母晚裝鞋 老爺西裝 嫲嫲、婆婆衫 伴娘+姊妹裙 兄弟呔 花仔禮服 花女裙	Ka+ Makeup Ka+ Makeup提供 綠田源 Kennis Chu瞳瞳 Kennis Chu瞳瞳 + Yanbi 希臘女神Beauty Hera(已confirm 1WG+3EG) 希臘女神Beauty Hera提供 希臘女神Beauty Hera提供 希臘女神Beauty Hera(已confirm) 已買 妹妹轉贈 已買 已買 已買 DECISION (已confirm 1灰+1黑) 已買 已買 希臘女神Beauty Hera(已cfm 2件) 希臘女神Beauty Hera(已cfm 1件) + 已買1件 自備 祥興 – 訂造(已度身, 已取) 自備 ROSITA(已定款, 已度身, 已fitting 6件,已自取) 已買 自備+利是 自備+利是
婚紗相&當日攝錄
婚紗相(第1輯) 拍攝日期 婚紗相(第2輯) 拍攝日期 機票 酒店 婚紗相(第3輯) 拍攝日期 婚禮攝影&錄影 成長片段 早拍晚播	香港@蒙羅麗莎(已影, 已取相) 2010年9月27日 麗江@品果影像(已影, 已完成排版, 已取成品) 2011年4月9日 Ctrip (已買) 品果代訂(已做) 香港@朋友Derek Ko(已影, 已取相, 已整相簿,已取) 2011年5月14日、2011年5月29日 1P+1V@Tart Yau Creation, freelance 1P+1Snap by Tart Yau Creation(已揀相,已制片) by Tart Yau Creation
花車&花飾
主花車 兄弟姊妹車 其他車 花車佈置 公仔 婚紗相花球 結婚當日花球 新郎襟花 主禮人襟/手花 兄弟襟花 姊妹手花 細佬細妹襟/手花	白色七人車 24座van 朋友借出私家車 DIY(已做) 已買 DIY(已做) 綠田源 綠田源 DIY(已做) DIY(已做) DIY(已做) DIY(已做)
餅卡
西餅卡 唐餅卡 乳豬券	美心西餅 – 已買 奇華 – 已買 太興 – 已買
過大禮、安床、出門、回門
過大禮日期 過大禮用品 安床日期 安床用品 出門地點 回門日期 回門金豬	2011年9月4日 果籃、唐餅、西餅卡、禮金、包羅萬有利是 2011年11月19日 已買 沙田麗豪酒店 2011年11月21日 酒樓提供
嫁妝
龍鳳鈪 金頸鏈 囍字吊咀 金耳環 珍珠頸鏈+耳環 龍鳳被 喼	奶奶送+外母借用 已有 已買 嫲嫲送 已買(主人送) 已買 已買
婚禮用品
上頭用品 紅色睡衣 拖鞋 攔門花球 囍字貼 男女家對聯 跪枕 紅傘 斟茶用具 利是封 盪金logo小貼紙 回禮小禮物 印名絲帶	女用(妹妹轉贈)、男用(已買) 女用(妹妹轉贈)、男用(已買) 女用(妹妹轉贈)、男用(已買) 已買 已買 女用(朋友轉贈)、男用(已買) 朋友轉贈 妹妹轉贈 外母提供 妹妹轉贈, 唔夠再買(已買) 淘寶(已整) 鳥結糖by琼姐(已做)+DIY包裝(已做) 淘寶(已整)
其他
婚前檢查 Rundown Checklist 敬茶list Guest list 座位表 分工表	美邦(已抽血, 已取報告) 已定 已定 已定 已定 已定 已定
工作人員
伴郎 伴娘 兄弟團 姊妹團 男司儀 女司儀 花仔 花女	已定 已定 已定 已定 已定 沒有 已定 已定
新居
入伙日期 裝修 傢俬 家電	2011年9月14日 已做, 可能再細執(已做) 已買90%, 仲有10%未買 已買(雪櫃,電視機,洗衣機),  好友贈送(電飯煲,風扇,焗爐,微波爐,風筒,吸塵機,電磁爐) 仲有d未買
蜜月旅行
日期 地點	2011年11月23日~27日 日本 神戶+和歌山+大阪

 

bridal shower @ 天機棧

 

2011年11月18日(五)

BD倒數2日!!!

今日開始放假，終於可以全力prepare婚禮的各樣事項了。

首先，早上同媽咪去銀行保險箱拎金。
之後用咗成個中午車好DIY的B女婚紗，跟手掃地抹地執屋，因為小小小豬欄將會係BD當日for入門的場所。
(相關閱讀：DIY B女閣)

同一時間，主人去找videoman拎整好了的成長片段VCD，再去酒樓試片試音樂。
唔知係我地買的CD太新款，或是酒樓的DVD機太舊款，燒咗的CD全部都讀唔到碟，俾尾訂o個時已經試過DVD唔work，今次跟sales意見，改用CD，都一樣唔work，主人打俾我報告，真係忟爆，係個電話度咆哮咗一大輪!!! 好彩我有整定隻USB，呢d先讀到。finally都叫成功試片試音樂。

唔知係唔係我的咆哮俾經理聽到(當時佢就係主人隔離)，我朋友晏少少再上酒樓攪table card時，酒樓非常好招呼，見我朋友拎住勁多野，嗱嗱聲叫人幫手，我朋友要cut foam board，就即刻搬枱搬櫈俾佢用，超級殷勤，原來酒樓認錯咗我朋友係新娘，haha~~~


執好晒間屋之後，我就夠鐘出門口了，因為班好姊妹幫我攪咗個bridal shower，告別我的last single day~
(同一時間，主人都去咗醉爆伴郎團之夜)


去了天機棧食，原來就係主人一路話好好食又好難book位o個間。佢個名同地點都好鬼難搵呢.....

我order的意大利飯幾好味ga~~~


仲食埋招牌菜 - 心太軟。但今次個"心"唔"軟"的，無朱古力漿流出嚟，亦無想像中咁好食，sign>.<


雖然只係一個簡簡單單的dinner，但班姊妹的心意，真係令我好感動~~~T^T
原來佢地幫我諗咗好多成個婚禮的細節，佢地比我更著緊個rundown呀，佢地食飯時竟然拎晒d rundown出嚟review一次，身為新娘子的我，連rundown都無帶出門呀v.v
大家又好雀躍咁傾接新娘遊戲，分工又佢地自己安排好晒，我呢位新娘真係好幸福，有你地呢班好姊妹做我的姊妹團，我真係un un腳，唔洗郁。

能夠識到你地，真係我的福氣。

之後大家傾吓話當年，講番13年前點同主人一齊，大家都聽得好興奮，我就講古講到面紅紅(哎呀~~~好羞家呀>~<)
唔講開都唔覺，原來我都似「那些年」的沈佳宜..............hahah........我諗d男仔應該中咗邪(包括主人) =p

嘻嘻哈哈，過了一個非常難忘愉快的晚上，更將結婚的緊張情緒一掃而空，多謝好姊妹們的祝福!!!

BD當日，大家都加油呀~~~


by笨豬小慧simple

20112011 BG2B gathering@上樓

2011年11月11日(五)

6條一!!(今日有好多人結婚呀~~新聞講今日有3000pair新人註冊 @0@)

BD倒數9日，我地嚟咗次20112011 BG2B gathering。

呢次可以講係我地婚前最後一次gathering了，所以幾忙幾唔得閒我都要出席!!!


大家交流一下最後作戰階段的點點滴滴，有開心、有恩惠、有驚喜、有憤怒、有不安、有緊張

婚禮的籌備過程，漫長又辛苦，但因為有你地陪住我，幾唔開心幾嬲幾忟憎豬都可以即時呻晒出嚟，之後又係一條好漢繼續攪結婚事。


我真係好感恩可以識到大家!!

我好想多謝你地呀~~~~


首先我要多謝chanwong，唔係你某日search到我又係20112011結婚，y blog add咗我，我都唔會再識到另外6 pairs BG2B。
更要多謝你，某日係我的y blog留言，約大家出嚟gathering，就唔會有之後千千萬萬個gatherings。

多謝mc win，係你話俾我知，唔好咩都揹晒上身，我要學習放手，將d工作分d俾主人做(我做到喇~~~wakaka，所以依家覺得好輕鬆)。仲有我幾次做電燈膽，搵你同查理斯陪我買婚禮物資，你無介意仲鬼咁開心幫我揀，真係覺得好窩心啊~~

多謝wingwing，你係我攪唔掂班親戚傷心落淚時，話俾我知我唔係孤獨一人面對，因為仲有你地陪住我，幫我諗計拆掂佢。

多謝小宅K，你送的K石成為我的DIY items的必備材料，真係點石成金呀~~~d野即刻靚晒。

多謝miss chan chan，你的執相功力令你成為我的photoshop顧問!!! 可惜你的有聲有畫movie班開唔成，我好想參加呀~~~(所以我最後放棄了DIY成長片段....)

多謝germanthea，多謝你的日本之旅心得，嘻嘻，honeymoon我識do喇~~~


 更想多謝大家放G2B出嚟，同主人吹吹水，減減壓，希望主人d口水無浸親大家 =p



所以我整咗一份小小心意答謝大家，見到大家收到後的笑容，真係好開心呀~~~~

就到終點了，加油，努力，撐埋佢!!!


下次gathering大家就係靚太了。

幾時可以開始新居巡禮呢？


by笨豬小慧simple

DIY相架 - 送給20112011戰友

睇番d相，八月花的gathering，我地終於影到齊人的大合照，記得當時講過BD當日，大家要將呢張相放係reception，就當大家去了對方的wedding，為20112011戰友們祝福。

時光飛逝，眨吓眼只剩下一星期唔夠就係20.11.2011喇~~~

其實一直想送d野俾大家做賀禮，但就唔知送咩好。有一日見mc win整了一個相片集的相架，靈機一觸，不如我整d相架送俾大家啦~~~入面剛好可以放0個張世紀大合照。

花咗一晚時間，邊睇劇邊黐膠花，話咁快完成了!!



d花花揀咗可以match到各位wedding theme的colour

真係好榮幸可以識到大家，你地的出現，為我和主人的婚禮，添多一重意義。

" Life becomes wonderful once I meet you"


後面最大個塊就係mc win的大作，將大家一直的合照diecut+拼貼成的相架，真係好勁呀~~~~~~(你果然係萬能俠查理斯的女人)

都整咗個俾自己呀~~~~

BLUE+WHITE正正是我的wedding colour theme




祝大家　20112011順順利利，開開心心，婚後生活甜甜蜜蜜!!!




by笨豬小慧simple