婚禮的感恩與遺憾

回想婚禮，仍然覺得很開心^^

開心，因為媽咪suddenly放水，令我係忙碌的婚禮籌備後期，輕鬆咗好多，
佢突然收少咗好多禮金、酒席，又sponser咗我好多野，令我的婚禮開支減少咗好多好多，
又突然變得順灘，乜都唔跟傳統禮節，佢最緊張的飲衫亦好易話為。
突然覺得，媽咪，你因為我的婚禮，變咗。
一直覺得你要求高，做事好嚴謹，唔容易讓步，
因為呢個婚禮，我認識到你慈愛的一面，感恩。

開心，因為我有一個好老爺、好奶奶，
因為佢o地的「你o地d後生鐘意就得啦」係真嘅，婚禮上真係無意見，任我o地發揮，
身邊d朋友(尤其結過婚o個d)，都羨慕我有對摩登老爺奶奶，
因為你o地沉默的支持，感恩!!

開心，因為我有好妹妹、好妹夫、好弟弟、好姑仔，
佢o地係婚禮上真係無條件幫咗我好多，
又俾位我/主人發老脾，同聲同氣XXXd麻煩友，
因為你o地我無私幫忙，感恩。

開心，因為我有一大班好好好朋友，
問人嚟唔嚟飲，其實都幾尷尬，
我好怕人o地以為我亂炸人，有時都幾難開口>~<
尤其係d唔係成日見到的朋友(但又唔係唔熟，都想請)
好恩惠班朋友真係好爽，想嚟的一口答應!! 什至你未問已經出定聲要到， 唔得閒嚟都直接回覆，絕無拖拖拉拉!!
有d朋友就算人唔到，都塞咗好大封禮俾我o地，大家都太客氣了。
仲有d朋友，人到不特止，仲落手落腳幫手!!! 非常多謝你o地的無私付出(淚T^T)
一個婚禮，令我發現我有好多好多好好好朋友，感恩。

開心，因為我有一班義無反顧，盡心盡力幫我o地手的兄弟姊妹團。
大家都自動波埋位，分工非常好，所有任務順利完成!!
就算有D野我無提到大家要點做，大家都諗幫法幫我拆掂佢，當晚我真係可以盡情enjoy，無野勞氣無野擔心。
一個婚禮能夠完滿舉行，除自己努力之外，兄弟姊妹的配合都好重要。
有一班咁盡責的兄弟姊妹團，感恩。(亦辛苦大家了，衷心多謝大家啊~)

開心，因為我有主人。
攪結婚，未到無嗌煠，但從來無大吵。
大家都學識咗互相尊重、諒解、愛護。
婚禮，就好似annual exam咁，
溫書時好辛苦，考緊時好想快d完，考到尾聲時又唔想咁快完喇，因為考完即係呢個學年要完了，唔捨得d同學仔。最後，考完，升班。
好開心，婚禮順利完成，同主人的關係昇華去另一階段，更加相親愛，感恩。



當然，每個婚禮，都有遺憾事。

遺憾，婚禮前，主人的爺爺去了天家，未能見到主人成家立室。

遺憾，我的婆婆，呢一年健康急轉直下，行動不便，無法出席婚禮，看不到我穿婚紗囉~~~(亦於今年捱唔住，去了天家)

遺憾，一個婚禮，睇清咗某d親戚的真面目v_v

遺憾，晚宴補相時間唔記得落台同每圍枱的人影相，可能有d朋友一張相都無影到，sorry v_v

遺憾，散水前唔記得再同d兄長姊妹、屋企人影多d相..........不過大家都累喇...........

遺憾，買得太多紅酒，根本飲唔晒，最後仲拎咗嚟灌主人，令我有個"難忘"的新婚之夜 0罒0

遺憾.............都無咩喇.................因為d衰野，無謂再記住啦~~~HAHAHA



by笨豬小慧simple