日本花王用了超過30年時間研發的醫學護膚品牌，專門針對乾燥敏感肌，專利的「潤浸保濕Ceramide」成份更獲日本皮膚科醫生認可，現為日本No.1 的乾燥敏感肌護膚品牌。
Curel係上年終於到咗香港啦~~一直對她的產品都很好奇，今次有得參加試用真係好開心呀。
BA知道我的皮膚狀況後，安排我試用了極致保濕套裝(3號)，包括：
- 90ml豐盈泡沫潔面乳foaming wash
- 30g深層卸妝啫喱make up cleansing gel
- 30ml極致保濕化妝水(III) moisture lotion III
- 10g深層高效保濕面霜 moisture cream
豐盈泡沫潔面乳foaming wash
徹底潔淨汗水及油脂污垢，同時保護肌膚內的天然保濕元素「細胞間脂質Ceramide」，弱酸性的成份在清潔時不傷皮膚，含消炎成分，有效預防乾燥問題惡化。獨特的按壓噴咀，豐盈泡沫瞬間形成，非常0岩我呢d懶人，唔洗搓到手軟先會起泡。
揼兩下就夠全面的用量，臉不用濕水直接塗均全臉，打圈按摩1分鐘後用清水沖淨。
用後感：泡泡一唧就有，超愛呢個design。出來的泡泡豐盈幼細，不會太水水(如果唔係，d泡泡好快無晒)，打圈1分鐘後仍有些泡泡在臉上。洗完面後feel到皮膚乾淨晒，卻一點也不崩緊，好神奇！回購率101%!!!
深層卸妝啫喱make up cleansing gel透明色的啫喱，劑4~5粒黃豆大小就夠用全面，能徹底潔淨藏於毛孔內的粉底及唇膏，同時保護肌膚內的天然保濕元素「細胞間脂質Ceramide」，弱酸性的成份在卸妝時不傷皮膚，含消炎成分，有效預防乾燥問題惡化。
我做了一個小小的測試：
眼影、粉底、遮瑕膏、閃粉jelly eye、眼線筆都可以徹底洗淨，但防水化妝品如睫毛液和眼線液只能卸走少部份，看來不能用來卸眼妝呢。
用後感：卸妝啫喱唔笠，看上去水水的，打圈幾次後就有d油走出來，好得意。沖水之後就乾淨晒，唔會油笠笠沖唔淨或者攪到塊面乾崩崩。我會用面紙抹走部分卸妝啫喱，再用foaming wash洗面，感覺乾淨d。
極致保濕化妝水(III) moisture lotion III
保濕成分(桉樹精華)能深入滲透至肌膚角質層，讓肌膚回復高密度水潤狀態，有效抗禦外來刺激，含消炎成分，有效預防乾燥問題惡化。
倒4滴左右就夠全面用，BA教我係甩皮的地方再搽一次。眼面都用得GA。
用後感：極速吸收，皮膚立即感到滋潤，但唔會笠，無阻之後的面霜的吸收。
深層高效保濕面霜 moisture cream
蘊含「潤浸保濕Ceramide功能成分」及桉樹精華，能深入滲透至肌膚角質層，讓肌膚回復高密度滋潤狀態，感覺柔滑富彈性，同時有效抗禦外來刺激。含消炎成分，有效預防乾燥問題惡化，提升肌膚自我防禦能力，紓緩因肌膚乾燥引起的不適。
又係點5粒豆係面上就夠晒搽晒成塊面。白色的cream比相像中稀。
用後感：初初都怕佢係cream會好笠(你都知天氣好潮濕)，點知搽上面好快吸收，一d都唔笠，仲好夠滋潤。
另外仲試咗輕透清爽防曬乳液SPF25 PA++蘊含「潤浸保濕Ceramide功能成分」及桉樹精華，能深入滲透至肌膚角質層，讓肌膚回復高密度水潤狀態，全面阻隔紫外線及保護肌膚免受外來刺激而變得乾燥。
白色好稀的乳液，易推勻，用後不會反光泛白。仲可以做埋makeup base。有少少笠，不過可以接受，因為我會再上碎粉，就會0岩0岩好。
用後感：唔笠唔反光唔泛白真係好perfect，如果防曬度數再多d就可以連夏天都用埋。回購率80%。
溫和滋養護髮素 和 溫和潔淨洗髮露
能徹底滲透至乾旱粗糙髮絲，同時滋潤頭部肌膚，用後秀髮柔順亮澤，髮絲能柔滑穿梭指間，用後髮絲柔順不打結，解決乾旱粗糙問題，含消炎成分，有效預防頭皮乾燥問題惡化，保持頭部肌膚健康，性質溫和，嬰兒幼嫩肌膚都適合使用。
洗頭水是透明色的，有少少消毒藥水的香味，超多泡泡，用後頭緊唔打kick，又唔會甩好多頭髮。
護髮素是白色，也是有少少消毒藥水的香味，用後頭髮好順滑，吹乾之後都唔覺旱。
用後感：頭皮唔再痕，又無頭屑。我習慣隔日洗頭，洗完頭翌日個頭都唔覺笠。回購率90%。
我每逢轉天氣就會皮膚敏感，痕癢、甩皮、生粒粒呢d時有發生。用咗Curel一個星期，甩皮的情況明顯改善，覺得塊面d皮膚健康咗，睇睇我的skin test：
水份29.6%，細胞間脂質317(愈小愈好)。成績都唔錯，細胞間脂質升番好多，證明Curel幫我回復健康的肌膚，水份就少咗，可能放工去做test，坐得冷氣房太耐又無做保濕啦(真係要加油)。
打完收工，多謝收看。長篇大論咗d，希望你都會睇晒啦~~~最好緊係推一推。
一些關於乾燥敏感肌的冷知識：
- 什麼是「乾燥性敏感肌膚」？
- 什麼是「潤浸保濕Ceramide功能成份」？
- 如何諼理乾燥性敏感肌膚？
Curel官網：http://www.curel.com.hk
沒有留言:
張貼留言