SKII高清美白之旅 - 最終回+用後感

SKII環采鑽白系列已經用咗大半個月喇~~



究竟我有冇白到呢???

以SKII的功力，當然係白咗啦~~~

對比一下，就知道，真是每個星期都有進步!!

之前皮膚蠟黃，膚色不平均，又沒有光澤，個樣好殘=.="

經過SKII的打救，皮膚變得剔透明亮^ ^，由入面白出嚟的健康皮膚啊~~~鼻翼、咀周圍的皮膚唔再暗沉，sharp番晒!!

最神係，黑眼圈都淡咗!? 賺晒喇喂!!




最開心係，萬年的雀斑有小小小小小小淡咗呀~~~(可惜影相唔太明顯)

唔洗捱貴捱痛做laser都有效果，真係好神啊~~~~~

唔洗化高清妝都有高清膚質，呵呵^^v




成個SKII環采鑽白系列，我最鐘意 環采鑽白精華EX

首先容易吸收唔笠，呢樣已經大愛了!!!
而且效果顯著，以前積埋的豆印，都消失了~~連萬年雀斑都可以淡!!!

真係 一搽就白!!

回購率90%!!! (扣10%係因為要考慮係價錢...........v_v)



令我又愛又恨的，就是 環采鑽白修護霜

佢都易吸收唔算笠，補水效果好正，但用佢的技巧真係好高深。

一開始使用時，皮膚缺水乾涸，搽幾多吸收幾多，感覺真係好興奮ga~~~
但用耐咗，皮膚對佢的吸收時多時少，早排濕度100%，皮膚真係唔識吸，變晒peeling gel刷膠碎黐係面。
減量啦，又唔夠潤喇，半日就出晒面油...............

用咗大半個月，卒之搵到竅門

1. 一定要用掌心搓開先搽上面!! 唔可以懶唔可以慳淨用手指搽，因為咁樣係吸收唔到仲晒咗。仲要用掌心的熱力按壓面脥幫助吸收。
2. 如果天氣凍，要先用熱毛巾/蒸汽溫熱咗塊面先搽，我發現天氣凍時又係唔吸收。
3. 搽之前要check吓今日皮膚的狀態，乾?油?水頭充足? 用嚟控制每次搽的份量，多咗唔吸收，唔夠會出面油。睇自己皮膚狀態嚟決定每次搽多少。

我自己早上會先搽一粒珍珠的份量，吸收之後如果仲覺得乾，就會補少少係乾的地方(例如面珠、眼下)
晚上就搽厚d，當sleeping mask咁用，第2朝起身，塊面真係滑一滑ga~~呢排開抽濕機就更要補水啊~~




雖然SKII的價錢真係貴貴貴貴貴，但美白效果真係好快，基本上一星期後已經開始見效，而且白得好自然，唔係o個種厚粉的灰白，反而係由皮膚底層白出嚟，SKII果然係神級護膚品!!

為了靚靚，就算荷包乾硬化，都想keep住用啊~~~
最好當然係老公送喇~~wakakaka


相關閱讀：婚後都要靚!! SKII高清美白之旅 - 第一回 、 SKII高清美白之旅 - 第二回