出門‧入門

 

雖然早上有d混亂，幸好都能跟番rundown的time line，準時12點前離開酒店。

不過，蝦碌事件繼續發生=.="

出咗門口，先發現我同主人企錯位，伴娘大人的紅傘遮唔到我。

於是出咗半隻門，我地就窒住咗................(當然有拿拿林同主人換番位啦)




終於順利落到酒店lobby喇~~~~

我都好似放下心頭大石咁，終於識開懷大笑 ^v^


仲識擺個cute爆的pose tim~~

(btw，我睇番d相，我同主人真係無幅相係正經嘅，不過我就係呢d傻大姐啦~~~呢日都正經我應該係緊張到short咗)

我地幾時擺過d咁低能的pose呢.......

 

上咗車，大家唔知係度攪乜，等咗好耐都唔開車。(好彩我的rundown唔係set得太tight，遲少少都無乜所謂)


攝影師唯有係車幫我同主人影幾張相啦
又係我最怕的定格kiss相，次次都忍唔到笑 :D




今日天氣好好，陽光普照，又唔算太熱。
婚禮的所有事都可以人為控制，唯獨天氣真係無得control。
見到個藍天，我既感恩，又high爆!!!

所以衰失理智，係拍追車video時，伸咗個頭+手出車外!!

雖然兄弟K講到車速好慢(約30km/hr)，但空曠的高速公路原來好好好大風。
但我high到都唔理個頭會吹亂，都伸個頭出去feel吓，今日唔癲，人生都無下次機會喇 (啋>.<)

正當我high爆咁同前面的24座van揮手之際，主人先醒起我隻手戴咗龍鳳鈪ga，即係拉番我入車箱!!!

好彩隻鈪仲係我隻手度，呵呵，真係險過剃頭。



當日的蝦碌真係一浪接一浪..............

我整車頭公仔時，淨係記得上面要綁，唔記得公仔對腳都要綁好。

結果，車速一快，對公仔就飛起咗...........

呢個奇景都成為當日大家狂笑的話題，成日笑佢地走晒光 XD

好彩捱到全日，無係高速公路飛甩jar~~~




由沙田去大埔，真係霎一聲就到。落車喇~~

褂裙真係好窄，檻唔到大步，好難落車。

主人老公，扶實我呀~~~




係上男家之前，補影番兄弟姊妹合照先。

其實有張正經ga，但我覺得，都係唔正經的相有feel d

當然唔少得同我地的花車影吓相啦~~

雖然唔係d咩靚車，但夠晒寬敞舒適，坐滿7個人都唔迫!!!

 

影好晒相，大家各就各位，入門了!!!

上到男家，蝦碌事繼續發生。

原來姑仔未化好妝。
唔係因為MUA無交帶遲到，而係佢俾的士司機兜路，最後係唔知邊度落咗車，攪咗好耐先搵到男家的地點。
沙田去大埔，的士佬都兜路，可惡!!
(不過我事後先知，所以當日無飛女上身狂爆粗)

所以，唔入得門住，企咗係走廊等。

幫手搬物資的兄弟，就爭取時間將早上的物資搬入屋擺好。

就係大家手忙腳亂的時候，pizza外賣到咗。
當時只有我同主人企係門口，外賣仔問都無問，就扤咗d pizza俾我。
著住褂，又拎住pizza，我相信我當時個樣應該好攪笑。

拎住pizza，但又未入得屋，真係有d無奈呀~~~

不過多得呢一個break，令我清醒番。
「原來我今日結婚了。」
真係到入門前先feel到自己結緊婚!!
成朝的我都係遊魂ing。

我同主人講，結婚好唔真實，佢都話係XD




等咗一段時間(都幾耐的一段時間)，正式入門!!

主人大叫：「我番嚟喇~~~~」



by笨豬小慧simple



相關閱讀：
出嫁的早上 - 女子組
出嫁的早上 - 男子組
玩新郎!!! (定玩兄弟呢??)
抱得美人歸
飲過女婿茶，靚過周秀娜