2011年5月9日(一)
今日又嚟一次「新郎哥呀無你份之靚靚新娘子真情剖白晚會(mc win題)」，girls' talk，真係寧舍開心^3^。
又去了第2次meeting的dream cafe，因為食物好味，梳化又坐得舒服，傾計談心好地方。
今次呢個意大利飯麻麻地，有少少失望
之後轉場去了鈴木咖啡再吹水。
今晚講的野真係好貼題，大家真係挖開個心出嚟share，當中有笑有淚有無奈有共鳴，走的時候真係難捨難離。(當然已經嗱嗱聲定好下次BG2B gathering的日期啦)
真係好開心、好感恩可以識到大家，人大咗要識知心朋友真係好難，咩事都下下講利害關係，難得大家都係一班肯用真心真誠待人接物的人，義氣仔女，千金難求。
非常期待下一次見到大家，到時應該好好好齊人，有咩地方裝得晒我地咁多人又方便傾計呢？
by笨豬小慧simple
YEAH~~你同miss chan chan都寫得短短哋但睇到我眼濕濕......我真係好好好慶幸有你們陪我一齊經歷籌備中的高低起跌,呢份友誼真係令人好窩心呢~~ 不過我嚴重抗議"少婦"呀,遲啲我哋再girl talk,要睇o下點嚴禁o個班中坑男自製討論區先得~~~
回覆刪除[版主回覆05/11/2011 14:09:00]咁我係唔係要改改個topic呢??
我都好開心有你地陪我一齊經歷!! 正所謂「共富易，共患難」，要搵班share自己的開心事的人，都未必搵到，仲要係一班可以share自己憤怒傷心失意的人(咪你地囉)，真係要還神。
你大可放心啦，中坑男同盟應該無查理斯份了。我反而要返去re-train主人喇，佢好明顯係活躍會員。
by笨豬小慧simple
查理C呢排好積極呀,日日迫我睇帖design呀,我發夢都見到張帖咯....佢又整貼紙又鋼印又利是封,一次過傾巢而出呀~~
回覆刪除[版主回覆05/11/2011 14:37:00]嘩~~~睇嚟佢的積極指數已經過咗G了!!!!
你的DIY item都幾多吓咁喎........難得佢咁賣力, 你就順吓佢個勢啦。
by笨豬小慧simple
係呀,佢完全係全情投入呀,但timing唔o岩,配合唔到tim,diy items已經比初期憧憬結婚時少咗好多喇,你同主人落實咗邊啲diy未呀
回覆刪除[版主回覆05/11/2011 14:55:00]時間關係, 我都cut咗好多DIY item了, 詳細請睇
200days to go & DIY to do list
但9成9都係我整, 只有回禮小禮物由主人(班同事)負責。
by笨豬小慧simple
哈哈,變咗少女講呀!!!!
回覆刪除[版主回覆05/11/2011 17:14:00]詢眾要求嘛
by笨豬小慧simple
真係好開心有一班少女講會員，令我依條籌備婚禮之路更加多姿多彩！真係唔想再錯失任何一次聚會啊！期待下一次少女講！希望將來繼續係少女講又好，少婦講又好，媽媽講都好！我地都結伴同行！
回覆刪除[版主回覆05/11/2011 22:45:00]結伴同行！<<<講得好!!
BY笨豬小慧SIMPLE
贊成Wing Wing講既結伴同行......直至永遠.......
回覆刪除可能第日石石會愛上左苯啦啦差...個妹-唔記得叫咩名....又或者苯啦啦差會愛上左能能....(唔好意思，暫時只係得苯啦啦差,石石同埋能能曝過光)...
[版主回覆05/11/2011 22:45:00]笨啦啦差的妹叫菜菜子嘛。
BY笨豬小慧SIMPLE
嘩嘩嘩........我呢.......都唔記得咗自己個女會叫菜菜子呀!!!!! 我仲諗笨啦啦個妹係咪叫柯玲住(ORANGE)呢？....哈哈
回覆刪除[版主回覆05/12/2011 09:45:00]柯玲住差!???咁究竟笨啦啦差有幾多個妹呢??
by笨豬小慧simple
其實呢......我想生3個啊~~~如果有咁O既福份生到O既話~~
回覆刪除[版主回覆05/12/2011 10:10:00]咁你地婚後要立即開始造人大計了!!!加油!!!
我諗我生一個........先啦.............
by笨豬小慧simple
我又遲左少少tim... 我好認同大家的講法, 而且我仲要係到多謝mc win同chanwong, 如果唔係佢地第一次誠邀我地咁多位出席, 又點會有我地呢班"少女講"呢... 無錯, g呢排真係"頹"左好多, 踢一踢先郁一郁...大家快d幫下我手, 為佢打打氣啦... 你地個個都生b, 咁到時我會唔會同你地無話題ga ?! by a
回覆刪除[版主回覆05/12/2011 13:56:00]係呢~~~諗番起第一次meeting我都仲係傻吓傻吓咁, 連大家個blog都未去過乜滯, 如果唔係chanwong邀請我, 我都唔會識到大家呀~~~我要發篇感謝文歌頌佢先得!!
g係唔係因為天氣太熱, 熱到無心機打blog???
你契晒我地個d b咪得囉, wakakaka
by笨豬小慧simple
好羨慕你地呀,可以咁開心joint 埋一起傾計, 其實係好難得,開始係用文字交流,點知道大家有共鳴, 呢D友誼仲真心呢!! 其實想問問你地點先可以JOINT 其他人??
回覆刪除