今日下午終於收到條淘寶姊妹裙!!! (等咗3日，等到頸都長)
就咁睇都幾好，不過一拎上手已經有好多不滿
不滿(一)：唔啱身條裙可謂「前面誇啦啦，後面X喇媽」，正面睇唔算有大問題，但後面鬆到可以裝水。我俾佢的長度係未著高跟鞋時量度的，由膊頭剛剛到腳眼，fitting時著咗3吋高跟鞋，條裙竟然
仲掂地，即係做長咗啦。
明顯見到條側骨走後(唔係對正胳啦底)，後面完全係離行離剌!!!
不滿(二)：布料差
一拎上手已經知道嶺野
，塊裡布(底裙)好好好厚!!! 條裙即時硬晒，無晒飄逸感。相反地，雪紡太薄，d車骨位露晒出嚟，尤其個pad，現晒形，好肉酸呀
~(下面張圖你就睇到)；雪紡布織得好疏，大力一扯就會爆線，有D地方穿咗D好細的窿(影唔到)
不滿(三)：手工差cutting無腰，D骨位好硬，feel到側邊綱起晒；後中條腰帶唔對稱，歪嘅。用白色線"的"針，但手工唔好，太大針，又露晒出嚟，close-up一定穿崩。
好彩係裙入面有落橡筋帶，所以條裙鬆成咁都無sher落嚟。
唯一滿意
胸前的縮褶算做得唔錯，夠平均，又唔算太少，有番D高貴feel。
不滿(四)：錯顏色腰帶我request要右圖的淺紫色(張色卡係賣家send俾我)，但成品變咗粉紅色。
同賣家理論，佢死都話個色啱，係跟色卡做，但我落單個時confirm好晒要淺紫色，賣家當時答我呢個色係淺紫，點知出到嚟唔同咗，佢就賴用手機影，有色差，我張fitting相都係用手機影，佢就賴佢部手機的相片質素唔好............你講晒啦，我仲可以講咩。
結論：
尺寸都仲有得改番好，但布料、顏色真係無得補救，當然，一分錢一分貨啦，接受唔到就唔好買。(或者可能我職業病發，對住件衫驗屍咁驗，先覺得有咁多問題)
呢位賣家的客服、發貨速度都做得好嘅
，比預計中早咗發貨，客服亦有問必應，回覆快速。
「色差」都係大風險，除非你想order大路色，如米白、香檳金、粉紅色等，可以考慮訂淘寶，因為出錯機會少好多，要造其他顏色真係要諗清楚。
而我，80%會去百利訂造了，因為我想造dirty pink/lavender，怕出事
BY笨豬小慧SIMPLE
佢d色差都真係差好遠喎, 個客服死都唔認衰..........好彩買左一條試啫..
回覆刪除丫丫丫, 小慧丫....講真架.......你真係好鬼fit, model既身材.......好羡慕丫!!我呢家進入放棄狀態, 學mc win話齋, 我等緊自然瘦!!
[版主回覆03/12/2011 23:10:00]算罷, 佢地死唔肯認, 我都無符。依家已經疊埋心水揀百利, 但又係另一個考驗, 希望我遇到好公司啦。 我瘦到得骨, 有咩好睇喎, 更加唔係model啦, 人地個個有事業線ga, 我乜都無 其實你都好瘦, 仲要再減???? by笨豬小慧simple
最初真係有諗過响淘寶買，依家就有少少卻步！！好似响香港訂好少少咁喎！！
回覆刪除[版主回覆03/12/2011 14:02:00]如果你諗住造白色同basic, 淘寶真係好抵！不過要有心理準備尺寸唔啱，尤其長度，都預要畀人改，即成本可能多幾十囉。都有sis係淘寶定到ok的裙，唔係間間咁衰嘅，只係我要求嚴格d，haha. By笨豬小慧
um...睇黎，都係響百利造會穩陣d...好彩你都只係做左一條~
回覆刪除[版主回覆03/12/2011 23:12:00]如果做白色, 款又係basic, 淘寶係抵呀~~~但我唔想白色, 但又怕色差問題(手工嘅野, 唔識睇係唔知有問題), 所以都係百利算了。 你有朋友幫你攪姊妹裙, 真係好好, 煩少一個大task by笨豬小慧simple
我又學識多一句小慧金句:「前面誇啦啦，後面X喇媽」---- 真係笑死我啦
回覆刪除真係好多謝小慧你以身犯險, 做白老鼠, 等姊妹們唔洗浪費心機同時間
你係咪會去百行訂? 我今日都會趁放假同妹妹去R0個間野睇多一次, 如果佢都OK咁我地睇下會唔會一齊JOIN, 去FIGHT返個"朋友價"返來....
P.S. 雖然買唔成姊妹裙, 但我都想係淘寶買其他野, 我依家先向你報名先, 希望有個EARLY BID OFFER, HEEHEE
BY A
[版主回覆03/12/2011 23:13:00]搵日我地一齊去睇姊妹裙, 好嗎?? 淘寶班一定留位俾你, hahahaha, 約定你一齊放血。 by笨豬小慧simple
有色版都造錯...睇黎我都係去百利穩陣D
回覆刪除[版主回覆03/12/2011 23:14:00]如果你做白色+香檳金腰帶呢d basic野應該99%唔會出事, 其他顏色真係要諗清楚。 by笨豬小慧simple
真係唔該晒你呀, 之前都有諗過係淘寶訂, 而家見到咁樣, 真係唔好訂喇.. 之事搞到自己一肚氣.... 其實你條裙係咩色? 我見你影d相, 有時綠有時藍...
回覆刪除[版主回覆03/12/2011 23:20:00]係tiffany blue, 係藍藍綠綠咁, hahah 我覺得你係布藝坊訂個d都好ok!! 仲有呢個款tim! by笨豬小慧simple
o..this bridesmaid dress is really not gd wor..anyway, go and get one in Pak Li la..add oil ah!
回覆刪除[版主回覆03/13/2011 23:40:00]真係想慳D都唔得
BY笨豬小慧SIMPLE
我都想一齊睇姊妹裙呀！跟住小慧唔會俾人揾笨！
回覆刪除[版主回覆03/13/2011 23:27:00]不如約埋一齊睇啦~~~幾時好呢???
BY笨豬小慧SIMPLE