話說笨小慧o既姊妹團於上年年尾已開始gather，主人亦不能再延遲啦(雖然已比佢地遲左成3個月有多
)，3月份召開「兄弟緊急召集第一擊」。
正所謂朝廷不養餓兵，同時自知多「親家」o既我，做得我兄弟要有百分百o既覺悟
。第一次gather就搵間不錯的餐廳，邊食邊飲。
lee間就係位於 朗x坊13樓的其中一間bar and restaurant，味道不錯。還可以在8:00前享受happy hour的優惠。是晚點了一支紅酒，不錯。
兄弟連伴郎一共有6位，唯其中一位兄弟因要番學要晚上才出現。大家互相介紹一下，說說笑笑，我大約講下當日個流程。包括當日集合地點﹑接新娘地點﹑回家安排﹑下午行禮地點及時間及晚宴的地點及時間等等。餘下的，都要之後才能再confirm了~~~另外亦大致講下果日邊個負責dee咩(分開頂酒部及遊戲部
)，希望果日唔會被人隊冧左啦 >.<
有關當晚o既宴會內容，各位好兄弟亦比左好多意見我，亦分享下佢地參加人地婚宴時有dee咩surprise環節亦認為係touching o既可以借黎參考一下。我自己亦將我o既一dee想法講出黎，但具體內容細節及方向均未有定案。(由於笨小慧一定會睇，所以唔可以將內容細錄
)
之後應該會有兄弟姊妹大集合活動，但宜家我概念上會想收番屋之後o係自己屋企攪house warming。因為咁樣可以攪多dee活動﹑遊戲。同埋如果大家時間唔夾，都唔會咁麻煩，可前後到場玩著先及傾住先，始終自己地方ma。
我的伴郎及4位兄弟 ^^
雖然大家有部份係第一次見面，但都好快就好融合，成晚大家都不停交流，話咁快又等到最後一位主角到場。之後大家就轉左去食個糖水~~~~~~就一齊去左一間叫「咀妙妙」o既糖水店。不過真係highly recommend大家 「唔好去」
，因為真係唔好食~~~~~~~之後大家又傾左個多小時，是日o既兄弟飯就咁完滿結束。(大家都好關心我們最大的福利 ^^，是吧，兄弟們!!!)
請留意右下角的就是我最後一位兄弟啦 ^^
~~~再次多謝咁多位好兄弟比面出席同幫手~~~
by醒目主人simpson (第一次打ja我，日後多多努力^^)
俾個「叻」你先 , 記得影相, 仲肯打咁多字。 再加一個錫錫 by笨豬小慧simple
回覆刪除醒目主人第一次出post，支持支持 陳生的兄弟班都未正式邀請，我的姊妹團又因為條裙的關係唔知有冇變數，真煩
回覆刪除[版主回覆03/13/2011 11:38:00]加油呀你地，由於我係緊張大師，小朱慧就平時冇咩點咁，但一迫到埋身就會burnout。所以我地一向都奉行「早好過遲」o既做事方式 ^^
姊妹裙都係香港攪好dee啦!!!! 同埋記住你先係主角，人地意見係要理，但係最後決定權應在你手。加油呀你 ^^
by醒目主人simpson
叻叻叻.....之後要出多d post 喇....
回覆刪除[版主回覆03/14/2011 07:36:00]一定一定，希望將來時間繼續許可啦 ^^
by醒目主人simpson
勁勁勁勁勁,打咗咁多字,圖文並茂~~我哋打算只係食一次兄弟姊妹飯o乍,因為全部都係同一間中學的,唔熟都叫識~~唔食咁多次飯lu~~
回覆刪除[版主回覆03/14/2011 07:41:00]你地如果全部都係同一個群體就會好dee，我地果dee黎自唔同parties，真係要見下面認識下先得。
但如果大家想到時各兄弟姊妹o既分工同合作明確dee，見多幾次面都係需要o家，大家最少成為普通朋友先，以免到時關係生疏唔識互補啦。果日都係靠佢地o家啦，佢地識互動及自動波係好緊要的 ^^ (因為我之前做左n次兄弟，見多幾次，吹多幾句，做起上黎冇咁拘謹，快入位dee o家)
by醒目主人simpson