奇妙姻典突然清盤結業！WTF!!!! >A<凸
上到去乜都無晒，燈又唔開，已經有十數位準新人到咗，現場仲有2位軍裝警員+始創管理處的人係度，但律師樓、奇妙姻典都無派人出現。
乜都做唔到，留咗ID俾警察做備案，抄咗負責清盤的律師、消委會的電話，等埋d記者上嚟，就走得。
管理處表示，租約到今天屆滿，之後就會封舖，等執達吏上嚟點算剩下的物資。
聽聞尋日有人打過去奇妙姻典，仲有人聽電話，今日就執咗。
上星期仲有新人係度rehersal，當時無職員表示今日執笠!!! 後天註冊的新人，都因為掛單的王律師call佢，先知執咗。奇妙姻典完全無主動通知過任何一個人，非常不負責任!!!
上官網查番，奇妙姻典係今年2月的婚展仲有擺booth，仲接生意，好明顯有人早有預謀，呃錢!!
真係好無奈
證婚呢part又由零開始....................唉................
(update 1/4/2011)
今日生果日報出咗新聞。
證婚中心倒閉 200對準新人破財
旺角一間提供一站式婚姻服務的證婚中心突然倒閉， 20多名已預訂證婚場地並支付全費的準新人，昨傍晚從社交網站獲悉中心結業趕至現場，發現人去樓空，感到氣憤又徬徨，恐影響婚期，先後報警求助。有受害事主透露，該中心早前曾參加大型婚禮服務展覽，估計受影響準新人達 200對，涉及金額逾 60萬元。
突然結業的奇妙姻典證婚中心，設在旺角彌敦道始創中心，面積逾千呎，設有「幸福小教堂」及「甜蜜蜜花園」兩個證婚場地，分別可容納數十人，收費由 2,388元至 3,888元不等。
據了解，該證婚中心前日突然結業，並交由一名姓楊律師負責清盤事宜，而預訂近日在證婚中心舉行婚禮的準新人，昨已接獲律師通知該中心結業。有準新人說律師聲稱較早前才知悉奇妙結業，並透露會履行對他們的婚禮服務，但沒有透露詳情，只謂本月 12日會有債權人會議，稍後再聯絡他們。
簡小姐與男友去年 10月向該證婚中心支付 4千多元，預訂今年 11月底在幸福小教堂由律師證婚，昨從 facebook及友人口中獲悉中心已結業後，立即趕往現場了解，發現中心已無人，大部份物件被搬走，並見有警員及多名準新人在中心內，頓感徬徨及無奈。簡透露該中心去年曾參加婚禮服務展覽，吸引不少準新人，相信受害人不少。梁先生則付出 4,300元預訂幸福小教堂加撒花瓣服務，準備明年結婚，他說對證婚中心已失去信心。
從事文職的彭小組，以 2,888元預訂甜蜜蜜花園作證婚場地，中心突然結業，她坦言「冇辦法，追得番（費用）咪追囉，到時（結婚）可能另外請個律師去酒樓證婚」。
一早主人打咗去楊律師和消委會度問，全部都表示幫唔到我地d咩，因為已經進入清盤的法律程序，要等4月12日的債權人會議之後，先會知我地d錢拎唔拎得番，攪緊法律野，消委會係介入唔到喎。至於懷疑奇妙姻典明知唔掂會執都仲接生意有冇詐騙成份，消委會表示要報警，等警方去查，佢地又係幫唔到我地。但我已經問咗警察，清盤緊又唔算詐騙，要拎番d錢只可以去小額錢債審裁處度攪..................
錢，一定拎唔番，排隊都未到我地啦(間公司還晒所有債，有剩先會分俾我地，有得剩就奇妙囉)
清盤條例，原來係幫d公司屈人錢!!!
有JM已向立法會議員李慧琼投訴，希望件事有進展啦。
慘慘，12號去咗影pre-wedding未返香港，唉......................
注意!!!
奇妙姻典苦主群組@facebook
http://www.facebook.com/#!/home.php?sk=group_201074499915268
為左可以group到受到影響既準新人.
如果你地身邊既朋友都係book左奇妙姻典既.
麻煩叫佢加入以上facebook既group
方便可以了解最新既消息
特別多謝mc win通知我們呢個咁重要的消息!!!!
by笨豬小慧simple
真的好震驚!!
回覆刪除o尋晚我已打o左去消費委員會..已留言...但仍未回覆!!
唉..知道消息後..都忍唔住喊....
[版主回覆04/01/2011 13:56:00]今日我都打左去呀，但佢話佢地係幫我地唔到o家。因公司已結業及清盤，宜家要等律師攪，4月12日佢地會舉行債權人大會，可望果日先會公報事件及跟進~~~~
加油呀!!!!!! 咁先證明你地係打風都打唔甩o家ma ^^
by醒目主人simpson
Yes ah..大家都要加油ah...
回覆刪除我們都決定11月去政府婚姻註冊la..哎...穩陣最緊要..
係唔係已add o左奇妙姻典苦主group la.....
[版主回覆04/02/2011 11:54:00]我最唔想就係去註冊處.............
by笨豬小慧simple
仲有咁多時間，一定有辦法搞掂的，加油加油！！！
回覆刪除[版主回覆04/02/2011 11:55:00]想問有咩around $3000的律師呢??
by笨豬小慧simple
咁一齊加油la..咁你們怎樣ah!!
回覆刪除[版主回覆04/02/2011 11:55:00]未知, 要影埋pre-wedding先有時間攪
by笨豬小慧simple
d人真係好衰呀！！明知執笠仲要接生意，擺明有心騙財啦！ 香港d法例淨係會保障d公司唔會保障d小市民...... 有事發生就你推我我推佢，推黎推去等你唔追唔使煩...... 最慘係過幾日就要註冊o既新人...... 大家都要加油呀！
回覆刪除[版主回覆04/02/2011 11:59:00]之前已經有好多美容阮, 瑜伽店, 收咗錢一句清盤就袋袋平安!!!個趙苦主都未追到錢, 又告唔到間公司的股東!!!
政府再唔正視呢條法律罅就只會愈多小市民受害!!!!!
by笨豬小慧simple
擺明有心騙財真係好衰! 你 係 苦主? 真慘！
回覆刪除[版主回覆04/02/2011 12:00:00]苦主
好彩唔係我要結婚的前一天先嚟笠, 我只係唔見咗錢, 唔係連結婚的心情都唔見埋。
by笨豬小慧simple
我都book左呀...好慘呀..之前酒樓又改名now註冊又執埋....唉
回覆刪除[版主回覆10/02/2013 01:37:10]我終於搬咗喇~~最後決定雙blog並行
http://simpsonsimple.blogspot.hk/
http://simplekan.pixnet.net
add番我啦~~~thx=)
BY笨豬小慧SIMPLE
[版主回覆04/02/2011 12:01:00]大家咁話喇。就係貪佢係樓上方便之嘛, 唉
by笨豬小慧simple
錢係事小呀,快啲搵過個律師啦~~好彩佢執得早o乍,咪佢一陣又擺多次婚展又多啲人受害喇,就係因為有呢啲波折,老咗先有話題o麻,你哋要放開心情去影輯靚相呀~~
回覆刪除[版主回覆04/03/2011 00:24:00]佢地今年2月擺過婚展ga~~~已經呃咗唔少人的錢啦。
by笨豬小慧simple
依單野真係激死人，好氣憤！過份ar！
回覆刪除但點都好啦！好彩仲有時間，再諗下點樣安排啦！唔好比佢影響你同主人影相既雅慶ar！知ma？
support you！
[版主回覆04/03/2011 14:46:00]放心啦，初時第一日知道o既時候真係好唔開心，之後知道其實仲有大把人慘過我地時，就覺得其實已算係不幸中之大幸o家啦。
宜家專心攪去麗江影相o既野~~~ ^^
by醒目主人simpson
唔知你係咪 use credit card for payment?
回覆刪除as my experience, i have meet this situation before in my big date (化妝公司結業).
I used HSBC credit card for payment. i call to HSBC hotline for asking this situation to request the compensation.
I give all evidence to bank (as 信用卡 保障條例, i do not entitle any service and the vendor is liquidation). The bank refund all payment though credit card to me.
If you use credit card, you can try to apply the refund.
[版主回覆04/04/2011 10:12:00]用EPS.............個個都係..............
by笨豬小慧simple
律師果道係咪仍然可以幫你地證婚??? 好彩仲有d時間,你地都快d搵下d證婚場地丫~~~~ 希望你地快d可以settle 到呢件事~~~
回覆刪除[版主回覆04/04/2011 13:28:00]掛單的王律師應該唔會免費幫我地證婚了, 佢都被奇妙姻典走數。但4,5月要證婚的新人已經見咗佢, 亦做晒政府文件, 佢會幫呢班新人免費做埋囉。
我要自己再搵過了。
by笨豬小慧simple