Pond's - 防曬美白保濕一take過

防曬、美白、保濕已經係我日常護理的必要元素，但事實無十全十美，很多時買回家的保養品，A瓶可以防曬但沒有美白功能又不夠潤、B瓶可以美白但又無防曬度數、C瓶夠滋潤了但又無美白效果。結果為了達到以上3個功效，我就要各買3瓶護膚品回家，每次出門前就塗勻3支，最可悲是「一闊三大」，買曬3支咪洗凸3倍囉

如果一支有齊晒防曬、美白、保濕的功效，又只是1支的價錢，咁咪又方便又符合經濟效益



好多謝Ztyle和POND'S選中我參加「無瑕透白系列」試用活動，一次過滿足晒我「防曬、美白、保濕」的3個願望。

今次要試用的是無瑕透白防曬乳液  75mL/$119
SPF15 PA++



產品功效：

- 美白肌膚，帶來自然白晢的無瑕光彩
- 含VAO-B 3TM無瑕美白複合因子，淡化色斑
- 滋潤肌膚，柔嫩光滑
- 清爽無油易吸收

瘦長的樽身唔亞位，泵裝瓶口衛生又易控制用量

唧出來的是淡粉紅色的乳液，有少少香味，連不喜歡香味skincare的我也可以接受。
(因為對香水香薰有嚴重鼻敏感，所以不可以用有香味的skincare)

唧出來時咁實色0既，咪好杰好難推勻囉？好彩又唔係，輕輕用手一拉就糊開了，打圈數次就完全吸收喇。

搽咗之後係面上留有少少光澤感(但唔係滿面油光個種"令")，沒有泛白，感覺很清爽，只是摸上手有少少黐笠笠，但上過粉餅之後就剛剛好。



試用：每天早上使用，爽膚水>精華素>POND'S無瑕透白防曬乳液>化妝
試用時間：十天

小小試用感：

因為想測驗它的保濕度，所以每天早上只上精華素就直接搽無瑕透白防曬乳液了(精華素就是早前試用的Mioggi Magic Advanced，舊文http://hk.myblog.yahoo.com/simple1914/article?mid=701&prev=703&next=682)，發現無瑕透白防曬乳液的保濕度都好夠，易吸收但不會之後有崩緊feel，連面頰的乾紋都少了，而且再上粉餅也沒有浮粉或甩皮，真係令我好意外，估唔到咁好用呢~~
美白方面，雖然沒有顯著的白咗(有我都驚)，但覺得膚色均勻咗，t-zone位跟面頰的顏色接近番d啦。



我推介sis買來做妝前底霜，因為保濕又有輕度防曬，0岩晒好似我咁成日坐冷氣房的OL。而且一支百多元的skincare有齊晒3樣function，真係好抵ga~~



打完收工，多謝收看。喜歡的請幫我推一推，多謝支持!!