我就嚟俾神經刀劈死

神經刀，一把防不勝防的武器。佢未必可以一刀劈掛你，但你肯定已經俾佢攪到四肢傷殘，心力交瘁，五臟六腑俱裂，唔死醫番都晒藥費。最慘係你上司練得一手好「刀」，佢隔幾日就捅你一下，唔俾機會你好番，又唔一刀捅掛你喎，完全係變態的虐待狂！就算你係千手觀音，都接唔晒佢的神經刀啦。

就係咁唔好彩，我有2位神經刀老闆。老闆A平時不問江湖世事，只會埋首閉關練佢的獨門功夫，你問佢意見佢都唔會答你。但就好喜歡耐唔耐塞D idea要你跟佢做，能否成功一律不理，做唔到就係我的問題。老闆B看似一位幫得手的老人家，但佢的情緒漂忽不定，加上少少老人痴呆，做事又心急，講野又太圓滑，實在好難同佢交流。

今早收到幾個mission，老闆B要我明早交10件恤衫design(畫圖、襯布、襯trims)；月中又話有個客睇辦，現在只造了3件；老闆A又要我月尾整好晒D辦單，佢自己就去了南國小島merry christmas，望下個日曆，淨番3日。

我識變魔術都唔掂。不如練一練「大信封之術」好過。