炒散

自從9月起報PolyU又告失敗後，我對「持續進修」心灰意冷。唔讀書，拎D時間搵錢都好。於是經好友介紹下，進了某酒店當起上菜小姐來，行內稱為「炒散」。

年近歲晚，加上今年是金豬好年，很多新人趕住年尾拉埋天窗，於是酒店急需人手應付酒席，造就了我可以撈番筆。

酒席食就食得多，其實要做D乜真係唔知，我連有些什麼菜餚都記不起了。食的時候看人家分菜乾脆，托著數個大盤子仍可瀟灑地在人群中穿插，心想應該easy job。誰知那雙分羹超難控制，盤子重得要死，更數次大意倒瀉水等... ...錢真的不容易賺啊~幸好同事們都好好人，大家互相幫助，所以快快樂樂又一晚啦~認識了一班好兄弟，呢份bonus超好康^ ^

不過，我對婚禮的憧憬更見淡薄(正所謂做個行厭個行)。各位好姊妹們，如妳仍對結婚有美好印象，請千萬不要做炒散啊，有時D野，知得太多未必好。