感動的註冊

氣都未回，心情又未平定，拉斐特的工作人員已經帶我同主人、花仔花女去到禮堂門前
(講真，我未係太ready...............不過吉時已到，唯有頂硬上!!)


4pm，《結婚進行曲》緩緩響起，註冊儀式準時開始。

有請一對新人
(請給力大力猛力鼓掌)

由一對可愛的花仔花女帶領入場!!!

做新娘真係好多野要顧，又要執住件婚紗唔好踩裙，又要記得笑，又要記得望前面，又要控制花球唔好俾頭紗整化個妝但又唔好高到遮住自己塊面...
我都好叻呀~~能夠做齊晒，只係太緊張，只能e起棚牙，個笑容勉強咗d囉。

反觀主人，佢真係好輕鬆，仲可以同d賓客揮揮手。


花仔花女不負所託，無仆低無喊無扭計，完美地行畢紫地毯，佢地真係好叻叻呀~~~2個加埋都唔夠5歲!!

進場的路途非常短暫，盡管已經行到蟻懶咁慢，務求延長呢個重要時刻(我內心真係唔想呢一刻咁快完)，但不消5分鐘，我地已經行到去台前了。


終於面向群眾，原來真係咁多朋友嚟咗觀禮，仲唔夠位坐，要兄弟姊妹罰企tim.....
見到咁多人，我又開始激動!!!

好彩，律師已經開mic講野，令我稍稍回復冷靜。

我地的結婚誓詞非常簡單，就只係「我願意」和「我XXX願以你XXX為我合法妻子/丈夫」
(真怕當日不在狀態，有咩閃失食螺絲蝦碌等，安全起見，放棄自撰誓詞，揀番standard台詞囉)
原以為好快講完，但又好似攪咗好耐。

律師講咗一堆野之後(因為當時太緊張，完全無辦法專心聆聽律師講咗d乜，現在更加完全無印象=.=")

由我先宣讀誓詞。

我好叻女呀，無窒無蝦碌，一take過講完，仲記得望主人，yeah~~~
(其實當時手都震埋，扮鎮定jar)


再輪到主人講

一聽到主人講「我願意」，我已經忍唔到，喊咗出嚟T^T (個喊樣好肉酸呀>.<)
內心的激動真係未停過，眼淚已經忍唔住哇啦哇啦流下了。

反而主人好平靜，鏗鏘流暢讀完誓詞，仲自己加咗D對白。
「我XXX已經係7年前，萬分期待，十分願意，以你XXX為我合法妻子」

簡直係催淚啦~~~Y0Y



(以下時間，我係keep住流淚但要hold住唔好流鼻涕的狀況完成的)

交換介指

先由主人幫我戴上，順利一take過戴咗^^v

但因為索緊鼻涕，我完全唔記得笑=.="

再由我幫主人戴介指

當時真係有d狼狽，淚水係眼眶內打轉，加埋頭紗，我的視野非常模糊，但又怕dup低頭會流鼻水(我死都唔要一揭頭紗影到兩行鼻涕呀~~~)，真係盲模模咁完成，好彩我都係一take過攪掂!!



揭起頭紗

好緊張呀~~究竟主人會點樣幫我揭頭紗呢??
慢慢地捲豬腸?(唔好卦)一野揭去後面?(都唔好啦，我個頭係咁先鳥)
係頭紗入面的我，心情複雜，既期待主人快d揭起頭紗，但又怕主人揭得唔好......

SURPRISE!! photop話，我o地係佢見過最漂亮的揭頭紗呢
(我到現在睇番d相先明佢講咩)

四個字形容：「破啼為笑」
揭頭紗的完美ending!!

要讚主人，揭頭紗的手勢，真係快靚正!!! XD


揭完頭紗，例牌錫啖

主人錫得好肉緊，勁大力，個鼻夾扁晒 XD
不過好開心呀~~~~~



婚書簽紙

主人好快手俐落就簽咗名，但我勁緊張呀，簽得唔靚就一世咖喇，最終手震震地順利簽完^^v

再交由父、母、律師簽名，完成!!!!

我地做咗合法夫婦喇~~~~yeah~~~


儀式順利完成!!!!
(寫到咁長，其實加埋唔洗15min攪掂)


之後，現場MC順序開mic call人上台影相
幸好拉斐特提供埋MC，能夠一個不漏影晒相!!!

多謝各方好友落力出席!! (鼓掌)

真心覺得，身為朋友，會特地抽空出席觀禮，好有心，
而且BD呢日係大旺日!! 我知好多朋友要走幾場，會抽空出席的，真係非常俾面。
更難得係，當中有好多朋友係晚上會去飲，下午又嚟咗觀禮。spend個幾鐘睇行禮，之後可能要搵地方hea一輪，先到飲宴時間。辛苦你o地了。


finally..................MATCH OUT!!!

註冊典禮正式完成!!!

一路行一路聽到兩旁賓客的大聲歡呼，心情又回覆high爆，un住咁match out!!!

好想大聲歡呼：「我結咗婚喇~~~~」



by笨豬小慧simple



相關閱讀：
出嫁的早上 - 女子組
出嫁的早上 - 男子組
玩新郎!!! (定玩兄弟呢??)
抱得美人歸
飲過女婿茶，靚過周秀娜
出門‧入門
飲過新抱茶，好快做嫲嫲
before the signature