my name is SIMPLE!!

講起SIMPLE，除咗係我個名，仲有江總的金句「too simple, sometimes naive」外，就是英國老字號skincare品牌 - SIMPLE了。(好似仲有間時裝連鎖店叫Simple，乜鬼咁多simple ga>.<)

SIMPLE skincare一直標榜無香薰、無色素、無有害化學物質，所以尤其適合敏感肌使用。

唔知關唔關個名的事，抽中咗今次的試用活動。既然大家咁有緣，就嚟個超級無敵忠實大試驗啦!!

出動我新買的水油測試機!!!

BEFORE - 水、油、彈性都係 -2分!! 皮膚狀況真係差到無朋友。





簡簡單單每天SIMPLE護膚三步曲

第一步 - 潔面 - Cleansing facial wash gel

含維生素B5和E，幫助軟化死皮和滋潤皮膚；不含鹼性起泡劑，溫和不刺激，潔面同時保持皮膚天然弱酸性，洗面後皮膚不會繃緊。

唧出來是透明色的啫喱，質地水水的。雖然沒有起泡劑的幫助，起泡能力卻很好，出乎意料之外，只嫌泡泡不夠幼細和實淨。

AFTER CLEASNSING(洗完面，抹乾水，待5分鐘後，用水油測試機test) ： 水-1分、油0分、彈性-1分。洗完面水油不但沒有少，反而加咗呀~~~證明Cleansing gel唔會洗到人面乾乾。

第二步 - 爽膚 - Smoothing facial toner

100%不含酒精，輕輕一抹，溫和潔淨殘留的潔面乳和化妝品，用後不刺激不繃緊；含榛子萃取物，幫助收細毛孔。

倒出來跟一般市售的toner沒太大分別，也是水一樣。

AFTER TONER：水0分、油1分、彈性1分。喔，全部數值都加了少許呢。

第三步 - 潤膚 - Hydrating light moisturiser

含維生素B5和E，幫助修護、平滑、滋潤肌膚，改善肌膚狀態。弱酸性不刺激皮膚。可作妝前底霜使用。

嫌樽口太大，好難控制份量。

白色的乳霜狀，未算太杰，很易推開和吸收。

AFTER LOTION：水2分、油5分(滿分呀~)、彈性2分。肌膚狀態有明顯改善，不再乾巴巴喇。





我的小小感想：

SIMPLE簡約護膚三步曲，清爽唔油膩，使用步驟簡單快捷，而且售價便宜，很適合美容初心者。如果皮膚太乾的話，建議在塗lotion之前加入保濕精華素，增加皮膚水份，才做鎖水的功夫。

真心，成熟皮膚的baby，還是買專櫃牌子吧，這套護膚品對你來說太simple了。





打完收工，多謝收看。喜歡的就推推和留言啦。