DSC再買

小小小豬欄得2個人住，點解會有咁多雜物呢!!?? 仲要無位擺，又要去買櫃，執靚d位>.<

訂造的鞋櫃擺唔落boot，要買鞋櫃了，$799，皮櫃門+胡桃木色

放係近大門的地方剛剛好，櫃頂仲可以擺埋電飯煲，終於唔洗放係地下了，食物要衛生ga

已經有個4筒抽屜櫃，主人仲嫌唔夠抽屜擺佢d T恤，唉=.="，買多個床頭櫃啦

剛剛好fit 晒衣櫃和抽屜櫃中間呢個gap

買多咗個窄身的架，擺係廚房放雜物，但暫時都唔知放咩好...........

頭2個櫃約咗送貨，揀咗星期六的3pm~5pm。
點知送貨前2日，DSC打嚟，星期六得番12~2pm送貨!!!???
乜咁玩我呀>.<，星期六剛剛輪到長週啊，主人仲返全日tim~點趕到返屋企收貨呀
好彩，同事肯同我調，我就改到短週啦。

唉，結果真係多災多難，送到嚟的鞋櫃，個角位凹晒@0@
爛得太離譜，送貨師傅即刻包番走，叫我等DSC打俾我再約時間
頂~~~~

點解我買咩送貨都出事呢??

最後再約平日，主人收貨

送貨，真係好麻煩，怕怕>~<
(其實o個架就算自取都出事，開頭個sales拎錯咗另一款俾我o地，回到家拆晒先發現，大熱天時行九里路去換貨...........唉)


by笨豬小慧simple