等我又試吓泡泡染髮先

呢個題目的文之前已經有好多blogger分享過，但用完之後都有少少心得想和大家分享一下，先多謝不厭其煩都收看的你。

其實盒泡泡染髮買咗好耐，最近先得閒用。

之前染到好淺色，我幾鐘意，今次就買咗奶茶色試吓。

雖然細細盒，但五臟俱全：中日文說明書、泵咀、稀釋劑2號、染色劑1號、染後免洗護髮素、手套

很貼心有手套呢~~~以前用過其他牌子的都無0既。

自備工具：報紙(鋪地下用)、髮夾(係日本城買，$10有8隻，染咗色洗唔甩都唔心痛)、垃圾膠袋。



垃圾膠袋的幫手好重要，無咗佢你件衫可能要報銷。

對摺個垃圾膠袋，沿上圖的紅線剪開。另外側邊都要劏開，留番頂頂8cm左右唔好剪開。

攤開之後就可以穿上，哈哈，之唔係一件膠袋衫囉。

未染之前，成個頭頂都係黑髮。no good
 剛剛染好(個頭仲濕)，好似無咩效果喎。

吹乾之後就見到染咗色啦~~~同個盒面的色差唔多呢~~不錯不錯。(嘩!!一屋雜物好"銀"眼，真係唔好意思)




小小心得：如果你好似我咁頭頂好黑但髮尾好淺色，記得先染頭頂，擺10min之後才染髮尾，再擺30min就可以洗頭。分2次咁染就唔怕兩折色啦~~(我就係唔記得咗咁做，現在有少少鴛鴦色)




Liese的泡泡染髮好方便呀~~D泡泡唔會滴落0黎，我今次無整到塊面同耳仔，你話幾好用呢~~頭髮都無變禾旱草，個免洗護髮素都幫唔少啦~~~總分«««««



如果喜歡呢篇文，麻煩click"引用"。感謝你的支持啊~