金器箱 & 人情袋

差唔多到結婚前2個星期先醒起自己未買一個箱裝當日的金器利是，雖然我預計自己會收到的金器應該唔多，但點都會有一兩件，所以諗住買個大的化妝袋就算，但行勻幾間SASA、卓悅，連franc franc都行埋，都搵唔啱心水。

就係煩緊點算之際，係床下底搵到呢樣東東。

一個N年前買underwear送的旅行用內衣儲存箱

size跟一個大型化妝箱差唔多，絹面仲要係紅色!!，又有手抽位，啱晒!!




裡面間隔都好四正，夠我裝晒d金器的盒
箱蓋的內袋，可以放d文具好似label貼、筆、金器利是list，方便gold keeper的姊妹mark數。
仲有個拉鏈袋，放d細件d又無盒的金器，或者斟茶收到的利是。

唔洗再洗錢買，仲要勁啱心水，hohoho ^0^


同類的袋，muji都好似有。
如果金器少少地如我，suggest B2B買呢類袋放大日子的金器，之後都可以用番，唔怕用得一次浪費嘛。



至於人情利是，我唔打算DIY人情箱，我怕叫人入錢唔係幾好睇(好似捐錢咁)，而且個箱又大大個，運送唔算方便。
所以，我求其買個袋裝就算了。
要求好簡單：有揹帶、有拉鏈、唔透明、面料最好係防水、外形唔好太有喜慶feel

主人搵嘅，盛惠$70!!!

人情一袋過，簡單快脆安全!!!
但計錯咗，酒樓的保險箱太細，放唔落呢個袋，唯有辛苦細佬成晚攬實佢啦~~~(反正佢都無咩任務在身=p)

婚禮完後，俾媽咪老笠咗，俾佢返大陸2D1N短trip用=.="



by笨豬小慧simple