玩新郎!!! (定玩兄弟呢??)

 

(又終於得閒執吓d相，又可以繼續20112011大日子的分享了^^)


男子組係酒店lobby等到發霉，終於收到女子組的ready phone call。

成班人殺氣騰騰咁衝上酒店房!!

主人連開門利是都拎定出嚟，真係好心急俾錢咁喎。

咁快就想帶我走!? 無咁易。

主人首先派伴郎做死仕，敲門。

(當日都無時間睇吓D佈置，睇番相先知係點，班姊妹都貼得幾靚呀~~)

姊姊們開門喇~~~大家面上都掛住詭異的奸笑，大家都好期待可以整鬼主人呀~~~(都叫佢平時唔好咁串串共ga喇, 以上女仕無邊個同佢無仇口)

主人都好識做，一嚟就自動波交出開門利是，仲無洗詐，入面真係有錢。
(佢之前成日話要zip報紙，可能驚有大報復，最後改變歪念啦)

主人雖然好合作，但班姊妹似乎唔多滿意，唔想咁順攤放行喎

點都玩少少體能野，warm up吓先，咁就屈咗2個兄弟做掌上壓 ^0^



好喇，終於入到屋了。依家先係「玩新郎game」的開始咋。

一人一份cosplay服，精心預備，人人有份扮野，唔洗爭。

WOOOOW~~靚仔到不得了 XD



GAME 1 - 「我口寫我心」

寫「我愛你」~~嘻嘻 (主人錬得個膠pat pat好肉緊咁喎)

咁easy，又點會過唔到關呢~~


GAME 2 - 「甜甜蜜蜜‧心心相印」

邊做掌上壓，邊係堆糖霜入含番D心心棉花糖出嚟，數目一定要係13粒，因為我同主人拍咗拖13年喇~~

有力士兄弟們幫手，呢個game又係無難度喎，好高速就完成了。

有位兄弟仲勤力到想含晒隻碟d棉花糖出嚟，夠數喇~~留番d力玩下一個game罷啦。

(其實呢個game都係想整到主人變烏咀狗, wakakak, XD)



GAME 3 - 「愛到扒街」

要主人扮呢2隻扒街公仔的pose

又真係扒得好徹底呢~~~

主人話呢個game最難玩，因為隻公仔個pose好似骨折咁，好難扮喎。


不過換嚟無數的歡笑聲，扒得抵啦~~~~

我係房就只聽到大家笑得好大聲(尤其我細妹)，真係好想出去八吓呀~~~>^<



GAME 4 - 「苦盡甘來」

見班兄弟玩到身水身汗，我地都有d好野慰勞一下ga~~

廿四味+咸竹蜂

雖然樣衰衰，但好有益ga~~~我仲聽到姨姨好大聲講：「D咸竹蜂成蚊一隻，好貴ga，要食呀!!!」

有你的鼓勵，主人同班兄弟又點咁唔食 XD


其實大家你眼望我眼，都唔願食咁。HAHA~~食蟲蟲，又真係幾惡哽!!

主人班兄弟真係夠晒義氣，自己唔食，仲餵埋俾主人食，WAKAKAKA



game就玩晒喇，係時候讀愛的宣言，就可以接新娘了。



GAME 5 - 「愛的宣言」

要食晒D菠蘿包，搵到張紙條，D姊妹先會拎「愛的宣言」出嚟

終於開始宣讀

(我的DIY愛的宣言都幾上鏡喎^^)

主人讀到鬼食泥咁，一粒字都聽唔清楚，唉...............

不過尾尾o個句我愛你都讀番清楚d啦，算你幾有誠意，收貨!!



終於可以離開房(我快悶薨了)，出得去喇~~~yeah~~



by笨豬小慧simple



相關閱讀：
出嫁的早上 - 女子組
出嫁的早上 - 男子組