Burt's Bee 芒果+蜜蜂，滋潤雙唇，仲有木瓜潤一潤身

東北季候風又殺到喇，不但氣溫急降得番幾度，濕度更得番40%!!! 真係乾到爆呀

唇乾舌燥，真係要搵d野潤一潤佢。

BURT'S BEE芒果滋養潤唇膏Nourishing Lip Balm with Mango Butter

BURT'S BEE成立於1984年，主打天然成份的產品，例如蜂蠟、草本植物與精油、藥草、花朵與礦物等天然材料製造產品，又只使用天然色素如胡蘿蔔素、葉綠素、二氧化鈦、雲母，所用香料不含磷苯二甲酸脂。所有產品經過測試，保證安全。

細細支，放係手袋唔"呀"位，好方便。100%天然成份，揸係咀仔唔小心食咗都唔怕。

乳白色的潤唇膏，聞落有陣芒果味，幾得意。一扭一揸，攪掂咗。

BEFORE：咀仔好乾，唇紋多到嚇死人。

AFTER：滋潤晒，有番光澤，唇紋仲平晒。

不過唔知點解，陣芒果味一揸上咀就無晒，變咗有少少膠味，呢點要扣少少分。好彩揸上咀感覺唔會油笠笠，只係覺得有層薄膜包住雙唇，feel到BURT'S BEE滋潤緊我。



呢排咁乾燥，唔止咀仔，好似成個body都急需滋潤咁。

媽咪煲咗木瓜雪耳糖水，又滋潤又好味，我一次過食咗3碗呀~~~

原來煮法好簡單!!

材料 : 木瓜 1個、雪耳 數隻、南北杏 適量、冰糖 1大塊、薑 數片

做法 :
1. 雪耳預早半天浸軟，洗淨切細塊備用。
2. 木瓜去皮去核洗淨切粒備用。
3. 南北杏洗淨備用。4. 薑切薄片洗淨備用。
5. 加5碗水，水滾放冰糖煮好糖水，放入1-4煮滾，慢火煲半小時完成。

貼士 :

1. 可以先試味，如果唔夠甜，再加小塊的冰糖。

2. 想再滋潤d，可加入紅棗或桂圓肉，要先浸軟啊~

過兩日放假再煲多次先。

你今日潤咗未？