笨豬小慧&醒目主人: 2013

2013年10月1日星期二

終於搬blog喇~~~~麻煩大家add番我呀!

我終於搬咗喇~~最後決定雙blog並行

http://simpsonsimple.blogspot.hk/

http://simplekan.pixnet.net

add番我啦~~~thx=)

BY笨豬小慧SIMPLE

2013年8月30日星期五

剛剛收到一個驚天惡耗，yahoo blog將於2013年12月26日關閉服務!!!!

http://blog.yahoo.com/yblog_hk/articles/1350869

點算????

呢個結婚+婚後+煮食blog寫咗3年幾喇~~~係呢個yahoo blog搵到好多有用的資訊，亦認識了好多blog友，更記錄了我倆的回憶啊~~~雖然一直垢病yahoo blog有好多系統問題，又成日死機，但都感情用事地對yahoo blog不離不棄啊~~~

依家佢話摺就摺，真係好傷心T^T

而且，搬blog真係一項歷史大工程!!!! (仲未搵到心水平台搬家Y_Y)

希望各位blogger搵到新的「容身之所」，亦希望我o地仍然能夠keep in touch!!!

YAHOO BLOG，BYE BYE (crying)

PS：怕出現混亂，搬blog前，會暫停出post (打咗好多文save係草稿度tim~~唔知點算lu V_V)

2013年8月14日星期三

[食譜] 爵士湯 (淮山版)

家中有不少花膠、乾瑤柱、冬菇等等的存貨，見唔洗額外買好多料，pat pat痕，煲個爵士湯試吓啦~~

參考鬼嫁食譜，但自己改咗少少材料。
因為我有點肚瀉，所以將滑腸的沙蔘肉竹改成健脾的淮山時實。又因為買唔到蜜瓜，所以改咗用哈蜜瓜啦~~

呢煲湯真係落重料，啖湯又甜又濃味，仲有豐富膠質，湯渣都食得，煮少一味^^

用LC煲煲湯就可以分階段落材料，而且LC煲鎖水力佳，中途唔需要加水呀~~~煲起仲有4碗幾水啊~~~

材料：(2~4人份量)
瘦肉 -- $30
雞腳 -- 6隻
花膠 -- 半碗
螺頭 -- 1隻
冬菇 -- 4隻
無花果 -- 3顆
果皮 -- 1片
蜜棗 -- 1粒
杞子 -- 1湯匙
乾瑤柱 -- 2粒
淮山+時實 -- $10
哈蜜瓜 -- 1/4個
水 -- 2湯碗
薑、蔥 -- 適量
鹽 -- 約1茶匙

鍋具：Le Creuset 24cm round

做法：
1. 瘦肉洗淨切大件；螺頭、雞腳洗淨；
2. 冬菇、杞子、淮山、時實、蜜棗、果皮、無花果、乾瑤柱各自浸軟
3. 煮沸1/3煲的水，先將瘦肉汆水，之後下薑蔥，將花膠、螺頭、雞腳汆水，全部瀝乾水備用
4. 螺頭切厚片；冬菇剪去蒂，揸乾水；無花果頂剪一刀方便出味：雞腳剪走腳趾甲
5. 瘦肉、雞腳，連2湯碗水大火煲滾，轉小火煲1小時
6. 將其餘材料(除花膠、哈蜜瓜外)加入，水再煲滾後轉小火煲1.5小時
7. 下花膠和哈蜜瓜，再小火煲半小時。試味後下鹽調味。

貼士：
1. 懶人的我，買了急凍花膠、螺頭、雞腳來煲湯，怕有雪味，所以先以薑蔥汆水
2. 淮山、時實上沾滿很多硫磺，要徹底浸泡和洗淨，否則湯會有酸酸澀澀的怪味
3. 路過的C9教我，螺頭要選有一點點黃色的為佳
4. 如果用真空煲，全部材料(除花膠、哈蜜瓜外)連水一起煲滾，轉小火煲30mins，放入真空外鍋燜3小時，取出後加入花膠、哈蜜瓜翻煲至水滾，下鹽調味就ok

5. 煲起發現浮起很多雞油，我想個湯清d，畢走咗好多

by笨豬小慧simple

2013年8月11日星期日

[LC食譜] 紅酒炆牛尾

Le Creuset 24cm round 的開煲菜~~~~

牛尾炆得好冧好好味呀~~~~~~~~不過我唔係用靚紅酒，炆完之後只剩下少少果酸味但無晒酒味lu

紅酒炆牛尾

材料：(2~4人份量)
急凍牛尾 -- 2磅
洋蔥(大) -- 1個
蕃茄 -- 6個
甘筍 -- 2條
紅酒 -- 1.5杯
什錦香草乾 -- 1~2湯匙
鹽、黑椒碎 -- 適量

鍋具：LC 22cm round 或以上

做法：
1. 牛尾解凍洗淨，剪走部份肥膏，用廚紙吸乾水備用。洋蔥、甘筍去皮切件。
2. 蕃茄4個頂界刂十字，隔水蒸10分鐘，去皮去籽切粒；其餘2個蕃茄連皮切粒。
3. LC凍油凍鍋，中火加熱2湯匙橄欖油，再下牛尾煎至肉轉色和出油，撈起備用。

4. 用同一個LC煲(如唔夠油再加d)，下洋蔥炒至金黃色，再下牛尾回鑊。
5. 下甘筍翻炒一下至軟身，下蕃茄、紅酒、香草、鹽、黑椒。
6. 水滾後轉小火加蓋炆2~3小時，肉冧汁杰即成。

貼士：
1. 牛尾也可用牛肋條、牛展等代替。
2. 配白飯、意粉、螺絲粉、法包就一流喇~~=q
3. 我今次煮到d洋蔥差唔多溶晒，煮起想有洋蔥食，留一半洋蔥於最後1小時落。
4. 我今次煮少咗酒味，想煮起有酒味，留半杯紅酒最後15~30分鐘先落，但個汁就會稀d。

BTW，satin blue真係好好好靚呀~~~~大愛 (love struck)

而且24cm round 的size真係啱啱好，之前得18cm round想整呢d好多材料的炆餸會唔夠位放材料，依家用24cm round只係6分滿jar~，包保唔會「流眼淚」

by笨豬小慧simple

2013年8月4日星期日

[LC食譜] 香草焗雞

LC 26cm buffet casserole 開光菜~~

焗緊的時候已經聞到香味四溢，焗起的雞顏色超靚，皮脆肉嫩，蔬菜又吸晒雞汁，好好好味呀~~~
如果加埋新薯一齊焗，真係連飯都唔洗煮!!! (最衰我買唔到新薯啦>.<)

而且我發覺，26cm buffet正好彌補我沒有380黑金鋼的缺憾。(焗爐太細了>..<)

香草焗雞

材料：(2~4人份量)
全雞(冰鮮都得) -- 1斤半~2斤重
洋蔥 -- 1個
甘筍 -- 1條
牛油 -- 1湯匙
新薯 -- 2~3顆 << 買唔到，skip了T.T

醃料：
鹽 -- 2茶匙
雞粉 -- 1.5匙
生抽 -- 2湯匙
老抽 -- 1湯匙
即磨黑椒碎 -- 大量
什錦乾香草 -- 大量
rosemary、thyme -- 各1棵

鍋具：24cm以上的焗盤 / Le Creuset 26cm buffet/30cm黑金剛/24cm、26cm risotto

做法：
1. 雞洗淨，去清內臟血水，吊起風乾1~2小時 (唔夠時間就用廚紙印乾水)
2. 雞去頭、腳，裏外塗勻醃料，醃最少1小時
3. 洋蔥切大片狀，甘筍去皮切厚片，(如有)新薯洗淨連皮切角
4. 牛油凍鍋凍油，中小火熱溶牛油，掃上雞皮。剩下的牛油用來炒一炒洋蔥、甘筍
5. 放上雞，唔夠油水再掃d橄欖油，翼尖、雞脾腳包錫紙。再加d香草和黑椒
6. 焗爐200˚C預熱，成煲入爐先焗30分分鐘

7. 取出，反轉雞，再掃油和加香草、黑椒，再焗30分鐘

貼士：
1. 呢個焗雞無用煲蓋ga~
2. 如果加焗薯仲好味，洗淨連皮切角放邊位一齊焗，飯都唔洗煮呀~~~
3. rosemary、thyme用新鮮或乾的都ok^^

by笨豬小慧simple

2013年8月1日星期四

第一次越洋敗LC - 26cm buffet casserole入手

至從加入咗LC分享group後，我先知，敗LC可以網購，而且價錢非常實惠!!!
見d敗婦係amazon、樂天等等入到正貨，真係好心動，但我又好懶，唔想研究購買流程，又唔想洗無謂錢搵代購，所以都係齋睇無行動。

終於，我join到谷友攪的amazon italy團購呀~~~比執到金仲要開心^v^
(super thanks to 谷友呀)

由成團、落單、俾錢、等運到，唔洗一個星期就收到，呵呵。

Caribbean blue 26cm buffet casserole

只是$1180!!!!
(包括煲價、意粉國到香港的運費、宅急便送上門的速遞費)

抵到飛起呀~~~
26cm buffet我恨咗好耐ga la，而且係我大愛的藍色系，唔洗諗咁多，即「排」。

比週年慶半價和開倉都要便宜，仲送埋上門，完全沒有不敗家的理由!!

美麗的橙盒

宅急便可選晚上6~9pm送貨，太好喇~~唔洗請假收煲。有一張泡泡紙包住，都算穩陣。

美麗的盒側

打開橙盒，入面的LC煲靚到會發光咁呀~~~

不過細心睇，都有唔少瑕疵

漸變色做得唔算均勻，有好多白點。「Le Creuset」字體上油太薄，露晒黑點。煲蓋、手柄更係黑點重災區，有d黑點仲要係凸起=_="。煲底的字也有黑點，仲要有一忽凹咗

但唔影響煮食，而且平咗一大截，所以有少少瑕疵係可以接受=p
況且用用吓都會花，都會甩coating，到時呢d瑕疵就成為煲煲係爐頭的戰績了^罒^

最開心係，入到我家的小小焗爐呀~~~~
(個knob好似太近發熱線，換唔換銀knob好呢??? 但我覺得黑knob比較襯加藍色啊~~~)

有咗26cm buffet casserole，就可以整paella、risotto、pizza、無水蒸，嘩~~大把嘢玩呀~~~諗起就開心了。

雖然主人最近有d微言小慧買得太多LC煲煲，但又科水資助小慧買煲喎，呵呵^0^，多謝主人呀~~~其實小慧的敗家大業就快完成，你放心唔會攪到一屋都係LC嘅，敗得精明嘛~~~而且小慧會努力煮飯，答謝番主人啦~~~

by笨豬小慧simple

2013年7月25日星期四

紙婚京阪遊 - Day 2 (金閣寺、二條城、錦市場、清水寺、祇園、高台寺、新大阪)

(繼續呢個遲晒大到的油雞.......=p)

2012年12月10日(一)

原本的行程要早起趕去嵐山ga~~但因為尋日去咗嵐山了，所以今日可以賴吓床，瞓晏d先起身^ ^

起身攪掂晒，離開酒店之際，我o地就遇到.................落雪呀~~~~~~

嘩、嘩、嘩~~~~~

唔怪之得尋日咁凍啦>~<
(d人話落雪前和溶雪的時候係最凍，反而落緊雪時無咁凍，又真係喎~~~依家企係條街度，一d都唔覺凍)

見到落雪，真係super興奮!!!!
好似一片片棉花糖咁，真係好靚好神奇呀~~~~

結果，我o地企係條街度玩咗好耐都唔捨得走，不過雪開始愈落愈大，我o地成身都沾滿雪，個頭又濕晒，為免冷親感冒，我o地都係快步行去車站裡面好了。

first of all，當然係食早餐先啦~~
DSCN4591a

本來想食日式早餐，不過搵唔到。於是又去了Porta地下街吃了一個洋式早餐。

洋式早餐 - @250yen

呢間杯咖啡唔錯，三文治和yogurt就普通d。

食飽飽，就開始今日的行程喇~~~

首先去京都市巴士的service centre 買「市bus 1 day pass」。
(由京都駅的中央口(對住kyoto tower的)出去，就會搵到。)

記得拎埋日文版的市巴士路線圖，方便之後轉車嘛~~~
(唔好拎英文版!!!! d地方名寫羅馬拼音ga jar~~仲惡睇!!! 睇日文漢字仲可以估到8成，睇英文完全睇唔明!!)

市巴士+市地鐵路線圖：
http://www.city.kyoto.lg.jp/kotsu/cmsfiles/contents/0000019/19770/sinura.pdf

市巴士 1 day pass - @500yen

可於購買當天內不限次數乘搭均一區間收費的市巴士，基本上路線已覆蓋京都市區的大部分景點。
均一區間車資統一220yen，所以坐夠3次就可翻本喇~~~
注意：均一區間路線不包括去嵐山、嵯峨、大原、鞍馬等市郊景點的路線啊~~~不過呢d地方都真係幾遠，建議坐JR比較能快捷舒適地到達。

市巴士 1 day pass 案內：http://www.city.kyoto.lg.jp/kotsu/page/0000028337.html

萬事俱備，出發!!!! 第一個景點 - 金閣寺

市巴士service centre 隔壁就是巴士總站，乘坐101或205，在「金閣寺道」下車

DSCN4601a

(呢張係落車時影的)

因為京都駅係巴士總站，真係乜巴士都會停一停，太大所以分開了A、B、C區，每條路線都係呢3個區其中一個，但地面又行唔到，只能係Porta地下街的通道出口行上地面。結果我o地搵呢架205巴士都搵咗十幾分鐘呀~~~陰公。

日本的巴士，單層，成架旅遊巴咁樣，入面坐位唔多，也不算寬敞，行咗幾個站已經坐滿晒人了~~

車內有個大電視播放下一站的站名，以日<>英文為主，部分遊客較多乘坐的路線，更有日<>中<>英<>韓文，真係好國際化呀~~~

跟香港的巴士唔同，日本係落車先俾錢的，而且2000yen以下的紙幣，有機器自動找續(如上圖)，所以上車後先發現無大餅係無問題的。
但如果你咁黑仔得張10000yen係身，咁記得上車前同司機單聲，佢都可以人手幫你找續，不過就唔好次次都係咁啦~~~
用1 day pass的話，將張磁卡放入插卡口，一秒唔洗就可以拎番了。(好似小時候坐MTR用的儲值卡咁樣的操作)
記住記住記住拎番!!! 次次坐車都要靠佢ga la~唔記得拎你就下次坐巴士俾錢囉。

DSCN4599

大約坐了45mins巴士，終於到站了~~~估唔到要坐咁耐。

落車後，行車方向的反方向行，就見到呢個指示牌喇~~~
遠處仲見到京都名產女人頭牌的beauty & makeup shop

沿住指示牌的方向一路行到尾，就去到一個T字路口，再次見到指示牌

過埋馬路就到喇~~~

今日我o地遇上一班修學旅行的中學生，落車之後我o地就跟住佢o地行，行大約10~15mins就到達金閣寺了。

入寺第一件事就係買入場券和影到此一遊照~~多謝o個位中學老師主動幫我o地影相呀~~你真係好好人

金閣寺入場券 - @400yen

張ticket好似道符咁，hahaha，好攪笑。

DSCN4614a

入嚟就係為咗呢個景

金色的寺廟+湖水倒影~~~好好好靚呀~~~

IMG_0896a

寺廟的座向經過完美計算，面向東方，當陽光照在寺廟時，真係金碧輝煌，好"橙"眼呀~~~@O@

好多人圍住湖邊影相，不過都好有秩序，因為無大陸自由行嘛~~反而見到有歐美人、印巴人、台灣人等等，當然最多係日本人啦(有中學生、大學生、退休人士)，但點解無香港人嘅!?
(我o地係湖邊分別幫一對歐美couple和台灣人影相，大家要做個有禮遊客啊~~)

沿住湖邊行，就會兜咗去寺廟的pat pat。無陽光的加持，真係失色好多ga。

之後見路就行，亦參觀了金閣寺其他建築和亭園。
日本人種的松樹好矮，但d枝葉就好闊，園藝師要搭棚晾住d枝葉，睇上嚟好似一塊晾起咗的草皮咁....好怪

行到中途，又落雪喇~~~~今次仲要係雨雪交雜，好好好凍呀~~~

頂唔順，要飲熱嘢，買咗杯熱米酒，不過唔好飲>.< (一杯無味的腐竹糖水咁)

玩吓求籤和買紀念品。(就快日本新年，下年係蛇年啊~~~)

臨走前買了支「金閣寺sake」，最細size才750yen，haha，真係最有型的寺廟紀念品!!

金閣寺唔算好大，行咗個幾鐘已經行完。
我o地跟住門口工作人員的tips，搵到一個近d的巴士站，乘市巴士12，於「二條城前」下車，到達下一個景點 - 二條城。

坐15~20mins巴士就到，直達門口。去二條城，我覺得坐市巴士比坐市地鐵更方便。

依家增設了自助售票機，非常方便啊~~~

二條城入場券 - @600yen

一進場，慘喇~~~封實晒嘅!? 唔係撞正大維修咁黑仔嘛=.="

好彩主城樓無封到，只係大門入口維修，虛驚一場(但都夠嚇死了)

進入建築物內，就能夠睇到德川將軍一家生活的屋企係點嘅樣，雖然好多地方已經褪色，但都可以想像到德川幕府全盛時間，呢間屋的裝潢有幾金碧輝煌，類似日劇《大奧》的場景，日日都係呢個二條城內上演。

離開二條城主樓，我o地再行吓花園，欣賞日式建築。

行上城樓，，就可以飽覽二條城全景，雖然行得好辛苦，d石級好高呀~~又斜，不過上到嚟真係好好feel ga~~

公園仲有好多紅葉呀~~~~

遊完二條城，我o地就出番去門口坐巴士，去錦市場食lunch。

坐市巴士101，到「四條烏丸」下車。(如坐市巴士12，於「四條高倉」下車)

落車之後，就搵大丸百貨 (順手借廁所=p)

剛過咗大丸百貨，就轉入巷仔。

就到錦市場的入口喇~~~

錦市場，即係街市啦~~~買嘢食嘢都係平靚正!!!
尤其門口第一檔的燒蠔，super yummy~~~上次同屋企人來食過諗住今次encore，可惜今日佢休息無開舖，殘念Y^Y

錦市場連接河原町商店街，有賣衫、藥妝、乾貨、食肆等等的店舖，如果夠時間我都想帶主人行吓

嚟錦市場，一定要食海鮮，份量多、價錢平、仲有埋筷子!!
買咗toro、帶子等等刺身，不過隻蟹我要留番去大阪先食，忍口

熟食都唔少，唔知係唔係因為lunch time，有便當賣，不過無地方食，so，放棄。

嚟關西一定要食章魚丸燒啦~~~呢間我一定幫襯，因為門口有位坐，wahahaha，可以坐底慢慢食而加分

錦市場雖然d嘢賣得好平，但衰在無地方可以食到嘢，唯獨得呢間章魚丸燒店可以，所以我o地買好晒食物，就背住店員坐底快快食啦~~
海膽又係必食，甜到入心啊~~~

錦市場lunch - 約2000yen

食飽我o地就快快行番出大街(河原町)，坐巴士去清水寺

坐市巴士207，於「清水道」下車

落車位置就有個地圖，我2年前嚟都無呢d方便遊客的設備，但今次嚟，清水寺至祇園一帶多咗好多呢d地圖，睇嚟日本政府係311之後有重視旅遊業的覺悟。

落車後沿住清水坂向上行，行到尾就是清水寺。
當日有好多學生團和公司旅行團，基本上人行我又跟住行，唔會迷路啦~~

清水坂有好多商店，但我o地無時間買嘢喇，因為仲有1小時清水寺就打烊了，我唔想好似上次嚟咁又摸門釘啊~~
(注意：冬季期間，大部份寺院5pm打烊，所以最好早上去寺院參觀，晚上才去shopping啊~)

好彩唔係行好耐就到，行得太急喘晒氣

清水寺入場費 - @300yen

清水舞台真係聞名不如見面，好壯觀!!!

因為可以飽覽整個京都市的景色啊~~~

加埋山下的紅葉，真係好壯觀呀~~

我o地的參觀時間夾得太好，遇上夕陽西下，美不勝收。

連主人都大讚不枉此行!!!

睇完靚景，趁未天黑前，快快行埋其他寺內景點

聽聞呢個位求學業最好，所以好多學生哥排隊畢水飲，但睇嚟要飲到啖水都有d難度，聽到佢o地wee wah鬼叫咁，好攪笑

呢個地主神社出名求姻緣，所以好多學生妹嚟呢度拜拜啦~~買符的counter迫人到針插都唔入@0@

離開清水寺，行番出去三寧坂，只係5pm，已經天黑黑喇~~~

山上面又落雪又大風，吹到我對手疆晒，連個相機甩手跌咗落地都無知覺!!
因為未關機，個鏡頭又落地先，跌到歪晒啦~~~我唯有試下用力拉番正個鏡頭，好彩又得咗，救得番部相機，但我嚇到一身冷汗。

買吓手信，食吓小食，就嚟到二年坂喇~~~

二年坂的盡頭是円山公園，左邊有條路就能轉入ねね之道(音讀ne ne)

本來想嚟搵茶寮都路里食抹茶甜品，但睇嚟應該打烊了v_v;嗚

ねね之道的中間，有個指示牌喎~~~咁夜仲有個人企係度做guide，應該係有特別嘢睇ge~~

真係有呀~~~夜之紅葉，真係好好好靚呀~~~~

八卦完後出番去，天真係黑齊喇，祇園呢d舊區燈光真係好弱，我開始擔心會迷路了>~<
而且遊人愈來愈少，又黑麻麻，嗚......小慧驚驚啊~~~ToT

幾經辛苦，終於見到八坂神社喇~~~好開心呀~~~因為我o地終於行番出大街喇~~~
(因為已經打烊，所以過門不能入了)

離開祇園了~~~

途中我O地見到出勤中的藝妓呀~~~~WAH~~~好近見到呀~~~
佢行得好快，我追唔到佢，見唔到正面了，可惜。

係四條通的商店街，見到有抹茶甜品啊~~~~好想食啊~~~可惜要趕路，食唔到ToT

(呢張相應該係落車影的，我已經唔記得係邊度上車喇，行到我暈暈地)
行到腳都軟，終於搵到巴士站喇~~~坐市巴士205，「京都駅」下車 (其實坐207都可以，仲唔洗行咁遠，蠢咗...)

我o地返酒店，拎番寄存的行李，再坐JR去大阪啊~~~
京都拜拜喇~~~我真係好鐘意妳啊~~~景色靚、食物好味、酒店又舒服，我仲會再嚟!!!

坐JR新快速網干行，由「京都駅」去「新大阪駅」，只途經一個站jar~~所以極速到了~~

JR新大阪駅的興建，是因為新幹線的通車。呢度只跟大阪駅一河之隔，都未算好唔方便。而且是交通樞紐，連接大阪市地鐵御堂筋線(遊客最多乘坐的路線)，也一樣有地下街，食嘢唔洗周圍搵。

落車後，因為唔熟路，我o地行咗好耐都搵唔到Chinsun hotel shin osaka，好彩有個日本後生仔好好人，用iphone幫我google map一下路線，大家用僅有的外語雞同鴨講一輪，我o地終於搵啱條路行喇~~~點知又發雞盲見唔到間酒店，我o地足足行咗一個地鐵站的距離的路(由新大阪駅行咗去西中島南方駅)，其實間酒店好近新大阪駅ga jar~~~