my嫁妝(3) - 囍字金吊咀

前日見金價落番$15280/両，係時候出手買金了!!

其實我唔洗買好多金，因為慶幸媽咪和未來奶奶借出佢地的龍鳳鈪，唔洗捱貴金，真係好好彩。

加上我有一條金鍊，係好多年前舅母送俾我的生日禮物，收咗之後一次都無戴過。有一日我忽發奇想，不如BD個日拎埋呢條鍊出嚟戴啦，少少地都叫條頸有d野睇，影close-up都唔會心口空盪盪。

就係咁，我決定要買一個金吊咀，襯番我呢條金鍊。

之前睇mc win的blog，佢買咗的囍字心心牌，唔錯啊~~簡單又大體，用完賣掉都唔怕蝕手工。

呢排去六福，佢d心心牌唔係「健康」，就係「壽」，點買呀>~<

前日伙同mc win和查理斯，係大雨下完成了我的搵金之旅，多謝你地陪我呀^3^~~

因為六福無晒囍字心心牌，轉去周生生睇，原先睇中「幸福」心心牌，都收貨啦~~(總之唔係壽字就得)

點知係另一間大d的周生生睇中呢個通花囍字吊咀

初時唔鐘意佢的通花設計，一來怕手工貴，二來怕著花碌碌的潮褂睇唔到個吊咀。不過試戴之後，就知自己諗多咗，好出好靚呀~~~可能因為佢都夠大塊啦~

個款咁複雜，但手工費又唔貴喎~大塊得嚟又好輕咋~真係好抵玩啊~

within budget買到金吊咀了，太好了。

by笨豬小慧simple

柴娃娃婚照part 2 - 相版

終於收晒所有柴娃娃婚照的相片了~~~再跟大家分享一些啦~~~請準備嘔吐袋。

 

***我不想在其他地方見到我的相片啊，尊重他人，請勿擅自轉載，謝謝***

結婚公仔Rilakkuma終於出場

呢個係我要求要影的瞓草地照，效果好好啊~~好鐘意

影咗N咁多次先成功的浪漫泡泡。支泡泡槍好難控制呀~一係唔出泡泡，一係就爆出!! 又有風喎，d泡泡好唔聽話呀~~亂咁飄!! 辛苦Gina跑來跑去，就住個風向玩吹泡泡

另一個我要求的笠頭紗close up，不過唔知係唔係我個頭紗的質地太厚，影出嚟效果麻麻呢

又係我的idea^^，諗住排相簿時用嚟做封面or過場，幾驚跌咗對婚介

Derek要求影的，very nice!!

參考韓式婚照style，我想PS拉長d張櫈，效果一定好得意

終於上到回歸塔影，只此一張，無以為計，因為相機無電了>~~<

本來想影人來人往但我地定晒格個種效果，可惜當日人群好有公德心，見我地set晒camera，唔肯係我地附近行過，完全影唔到效果。呢張補數囉。

晚上的科學園好靚~~有水池、有閃閃的LED燈、有金蛋。

玩吓熱情sexy style

再嚟modern style~~~我件衫其實爆sexy 咖

男人魅力style~~主人好型仔啊

收晒相，我就要開始DIY本photobook。可惜進度緩慢，我仲研究緊個photoshop點執穿崩，或者我攪唔掂就要外援(朋友)幫手了。

by笨豬小慧simple

my wedding theme(3) - Coral

其實......................我好討厭>^<粉紅色(喜歡粉紅色的你，唔好打我吓)

我打死我的wedding唔要出現粉紅色!!!

但真係無奈，粉紅色又真係乜人都著得靚，為咗我班姊妹著想，我揀咗一個近似粉紅色的顏色

珊瑚色

我的第3個wedding theme - Coral+Red+Gold+Grey

一字排開，穿上珊瑚色裙子的姊妹們，係唔係又靚又有氣勢呢

伴娘就會係白色裙子+珊瑚色腰帶。

男子組一律戴灰色呔，因為同色珊瑚色的呔好難搵。

加上我的紅+金的喜帖，成個theme都好夾呀~~~

咁同個場夾唔夾先!? (深紫+白)

如果多D白色的話，都夾到深紫色...............嘅.............

變了「冷靜與熱情」之間

BY笨豬小慧SIMPLE

my wedding theme(2) - Lavender

紫色是我的第二喜愛的顏色。

紫色亦是好common的wedding theme，長輩都比較易接受。

 

我的第2個wedding theme是 Lavender+Grey+White+Silver。

紫色的姊姊裙，應該係人都著得好睇、都鐘意。

伴娘裙會用灰色，感覺型D。

兄弟呔梗係跟番用紫色啦~~而伴郎就用灰色，都好易買到的顏色。

但紫+白的西式帖，長輩們一定唔制；而且酒樓和證婚的場地都以深紫+白做decoration，雖然好match我紫色的theme，但姊妹們會唔會變咗佈景板？

 

BY笨豬小慧SIMPLE

 

完成婚前檢查 - 美邦驗身報告

睇報告日期改完又改，終於約好生日那天去取報告。

大家身體健康，報告一切正常
亦無咩隱性遺傳病，將來可以放心生BB啦~

亦已驗明主人沒有中幽門螺絲菌，太好了，不過主人的胃一向唔好，要再搵吓佢成日胃氣脹的原因。

而我的乙肝抗體唔夠，要打針，盡快打啦~~~

 

by笨豬小慧simple

 

再買婚紗晚裝鞋

之前係有利買的白色高踭鞋，經過幾次的影pre-wedding，已經俾我著爛了(我著鞋真係好粗魯，鞋踭好快蝕)

本來可以俾幾十蚊修補一下鞋踭繼續穿，但貪心的小慧又心思思想買過對。

係miss chan chan的介紹下，淘了一對婚紗晚裝鞋回家了。

才RMB95!!! 連運費匯率都只是$150!! 抵!!

經miss chan chan驗證，MENBUR是西班牙一個專造bridal shoes & accessories的牌子，同款鞋原價是euro90!!! 現在我用十分一的價錢就買到了!! 相信呢d可能係MENBUR的代理廠房流出來的貨尾/過唔到QC的次貨。

不過無所謂啦~~~著係長裙入面都睇唔到。

鞋子真的超高~~鞋踭高4吋，幸好前掌防水台也高1吋，即是我的腳踭只是升高了3吋，跟我平日穿的platform差唔多，頂得順!!不過都會加番個鞋墊，著得再舒服d。

而且鞋踭有一定重量，抓地能力就好d，企得耐or行得快都唔怕仆。

尤其鐘意鞋踭上的閃石，好閃呀，黐得又夠實。

(seller圖) 99.9%相似

by笨豬小慧simple

淘寶帖 - 試買篇之收貨

上上星期已經收到試買的10張淘寶帖了。(相關閱讀：淘寶帖 - 試買篇)

seller都好快手，今日order+付款，隔日就收到了~~good!! 希望訂大量個時都係咁有效率啦。

一set包括喜帖、內頁紙、信封，整體質素very good!!

 

喜帖底面都係令的，即係唔可以係上面印字了。

加工做得好好，面的熨金好實淨，d花花印得好清楚，面個d花花仲有閃粉tim~~~係紙邊有少少"鞋"手，大致和seller圖99%相似

 

內頁的壓花珍珠紙好靚呀~~~淡黃色好高貴(iphone食色，相片變咗銀白=.=")，但原來空白頁真係「白」的!! 我以為淨係無咗d字，仲有番個花花框tim，白色呢面有d"鞋"手，睇嚟d字唔可以打係白色呢面。

 

信封的紙質好好呀~~夠挺身又唔太重，而且d花花壓紋好靚啊~~~熨金囍字印得好清晰。有d個開口黐得唔太好，太粗魯會爆開，不過唔怕啦~~~我入帖小心d囉，收咗帖我就話之理了

 

試print咗一張內文，用laser print印係珍珠紙內頁上，出嚟字體都好清晰，無話唔上色的問題，唔錯唔錯。(但字體用新細明體好唔好呢??定用宋體好d??)

現在計畫將內文黐係喜帖上固定，另一面白色就DIY印上自己的wedding logo。點印要留番差唔多派帖先公佈了。

 

好開心媽咪同主人好滿意呢張帖，覺得紅當當先夠喜慶，媽咪仲講笑說d花花好似佢細時d花紙咁的款，hahaha

 

喜帖款已confirm，只差印帖工程，yeah~~~

 

by笨豬小慧simple