超級開心的生日週!!

上星期一6月21日是我的生日，慶祝活動一浪接一浪，一連五天，開心到飛起!!



6月10日 - 提早和家人剧扒慶祝

花園餐廳食咗咁多年都仲係咁好味





6月18日 - 和之前讀design的朋友仔dinner(多謝泡泡做攪手)

石硤尾南山邨的品香樓，又平又好味

叫到一枱都係食物，好誇張呀~

大家連生日蛋糕都準備埋，真係好感動

COVA的芒果cheese cake，yummy

大家送的禮物好有心思呀~~~好多謝啊~~~
(對拖鞋我隔日游水就用咗了)





6月19日 - 和男友去日航酒店食tea buffet

以為佢咩都無準備，嬲嬲地之際，佢竟然記得我之前提過想食buffet，仲book埋位。HAHA，算佢啦。

食咗好多甜品，大滿足~~~

拍咗十幾年拖都無係呢個咁經典的噴水池影合照，依家影番都唔算遲je。





6月21日 - 本來諗住前日慶祝咗，我又因為公司有客到唔可以請假，都係是是旦旦回家食糖水算，無諗過男友會帶我去cafe食dinner，過了一個浪漫悠閒的晚上

有種「家」的感覺的decoration，真係好relax!!

我又出飲野照，哈哈

佢送的禮物，雖然唔係咩貴野又無事先準備，不過都好開心(起碼唔係送d我唔鐘意的野)





6月22日 - 和中學同學食生日飯

呢班fd識咗十幾年，大家仲可以成日出0黎gathering，關係仲keep到咁好，真係好難得。
(圖後補, 唔記得upload)





my little comment：

今年的生日真係好開心，好難忘，可以同一大班好朋友慶祝，真心希望將來大家結咗婚生埋仔之後，仲可以keep contact!! 最感動是，每一刻都有「佢」相伴，否則，生日再多朋友幫我慶祝，都會變得不完滿!!

我好記得佢係我生日講得最多的說話：「生日的人唔洗帶錢出街0既。」真係型到爆呀~~~





呢篇算係分享文啦~~~多謝大家不嫌我無聊，click入0黎八吓我的生活。haha~~

買咗結婚公仔喇

尋日係我的生日，因為前幾日已經去了日航酒店食tea buffet，所以正日就簡簡單單去旺角食餐飯就算了。(但都好開心呀~~~^0^，遲些再出文交待)

食完飯影埋貼紙相見仲有時間，主人提議去金都買我地之前睇中的結婚公仔。

就係Rilakkuma呀~~~~~~~~~仲一次過買晒西式同中式，兩個造型都太cute了，揀唔落手，買晒!!!

$180/對，老闆娘俾我地$338/2對，著數咗廿幾蚊

公仔的手工很好，件衫衫除得落0黎ga~~隻隻有晒底底唔怕走光不過有個缺憾，女仔個隻高過男仔!!!!我會幫女仔做手術，另外再DIY一下，等佢地再靚D!!!

by笨豬小慧

PS：我的超級開心生日「週」!!

烈酒到手!!

因為妹妹4月擺酒時買得太多烈酒(12支呀~~~)，飲唔晒，所以我打算接手。

上星期終於收貨了。

一共3支VSOP

我唔飲烈酒，所以都唔知呢隻係咩牌子，大家唔好問我。

 

 

原本諗住向妹妹「收購」的，點知妹夫唔肯收錢。先講句：

多謝晒!!

 

 

3支夠唔夠飲呢??但又怕再買多咗浪費金錢啊~~~擺過酒的sis有冇經驗分享一下

 

by笨豬小慧

 

婚禮進度表(倒數17個月)

今月進度：
落實咗影婚紗相的日期，仲有去了幾間婚紗舖視察，都算幾有成績!!~係唔記得買平餅卡呢下失策繼續努力!!!

孫 簡 聯 婚
婚禮日期	2011年11月20日 (星期日)
晚宴
地點 場地佈置 席前小食 請帖 結婚蛋糕 紅酒 烈酒 簽名布 簽名筆 台banner Wedding Logo Table No. Card Seating Plan Welcome Board Q版公仔 Doll corner 啤牌 音樂	彩福皇宴 – 旺角6/F 酒樓提供 酒樓提供 酒樓提供(未印) 未買 未買 妹妹轉贈 品果送(未做) DIY(未做) 酒樓提供 DIY(未做) DIY(未做) DIY(未做) DIY(未做) 未做 未整 未買 未定
註冊
地點 律師 結婚介指 介指枕 羽毛筆 結婚證書套 註冊處登記	酒樓 未定 未買 未買 未買 未買 未做
化妝&禮服
新娘化妝 頭飾 頭花 奶奶外母化妝 姊妹團化妝 新娘婚紗晚裝 頭紗 首飾 裙褂 婚紗晚裝鞋 褂鞋 GIRDLE NU BRA 箍肚褲 新郎禮服 新郎恤衫 男裝禮服鞋 奶奶衫 外母衫 奶奶外母晚裝鞋 老爺西裝 嫲嫲、婆婆衫 伴娘+姊妹裙 兄弟呔	Ka+ Makeup Ka+ Makeup提供 未定 未定 未定 未定 未定 未定 DIY(未做) 未買 妹妹轉贈 未買 已買 未買 未定 已買 未買 未定 未定 自備 訂造(未做) 未買 未定 未買
婚紗相&當日攝錄
婚紗相(第1輯) 拍攝日期 婚紗相(第2輯) 拍攝日期 機票 酒店 婚禮攝影&錄影 成長片段 早拍晚播	香港@蒙羅麗莎 2010年9月27日 麗江@品果影像 2011年3月1日 未買 未訂 未定 諗緊整唔整 未定
花車&花飾
花車 花車佈置 公仔 婚紗相花球 結婚當日花球 新郎襟花 主禮人襟/手花 兄弟襟花 姊妹手花 細佬細妹襟/手花	未定 DIY(未做) 未買 DIY(未做) 未定 未定 DIY(未做) DIY(未做) DIY(未做) DIY(未做)
餅卡
西餅卡 唐餅卡	未買 未買
過大禮、安床、出門、回門
過大禮日期 過大禮用品 安床日期 安床用品 出門地點 回門日期 回門金豬	未定 包羅萬有利是 未定 未買 未定 未定 酒樓提供
嫁妝
龍鳳鈪 龍鳳被 喼	奶奶送+外母借用 未買 未買
婚禮用品
上頭用品 紅色睡衣 拖鞋 攔門花球 囍字貼 男女家對聯 跪枕 紅傘 斟茶用具 利是封 囍字小貼紙 回禮小禮物	女用(妹妹轉贈)、男用(未買) 女用(妹妹轉贈)、男用(未買) 女用(妹妹轉贈)、男用(未買) DIY(未做) 未買 未買 未買 妹妹轉贈 外母提供 妹妹轉贈, 唔夠再買(未買) 未買 未定
其他
婚前檢查 Rundown Checklist 敬茶list Guest list 分工表	未定 未定 未定 未定 未定  未定
工作人員
伴郎 伴娘 兄弟團 姊妹團 男司儀 女司儀	未定 已定 未定 已定 已定 未定
蜜月旅行
日期 地點	未定 未定

 

變身!!!大人式甜美，就由髮型開始

日本名模LENA，由頭到腳都是女孩們模仿的對象。

樣子漂亮、身材玲瓏浮凸、打扮可愛，最剎食一樣野，她能夠自然地流露出一種女人味，既似女孩的嬌俏，又有女人的性感嫵媚。

沒錯，這就是日誌說的，大人式甜美!!

最近連走開型格路線的知夏子也加入「大人式甜美」的陣營。



最大的改動，就是髮型!!! 變成有劉海+髮尾曲曲的了!!當然淺色的金髮是不能才囉。





終於一整年沒剪頭髮的我，也大膽地嘗試「大人式甜美」的髮型!!!

為咗慳錢，未去剪頭髮之前，先攪攪個布甸頭。

又係泡泡染髮(因為真係太方便好用了，而且好平!!)，今次想染深色少少，試染栗子啡色。

(濕髮)

(吹乾後)
今次記得先染頭頂再染髮尾，但都出現 一截截色，好似做咗highlight咁，而且顏色比相片淺很多啊~~~可能之前真係染得太金了





的起心肝剪剪剪!!!懶人的我想要捲曲髮尾但又唔想日日用電捲棒，索性電攣佢!!

哈哈呢個樣真係好攪笑，成個蛇髮女咁



大功告成!!!

真係有幾年無剪過有陰的髮型

有冇甜到？





因為電陶瓷曲髮，幾懶都要gel頭0既。

我買唔到salon個日幫我gel頭的moisture cream，同事介紹我用FADDY waxy cream

滑嘟嘟的cream，泵2下夠用1/2的髮尾。

先係手心搓勻waxy cream，再均勻搽係半乾濕的頭髮上面。然後楂攣髮尾。

FADDY waxy cream乾咗會有少少硬，不過就咁睇唔覺，仲有d光澤感tim。但我仲係嫌未夠攣，有冇sis介紹d好用的creamy gel?

如果好得閒，我會吹埋頭0既。楂攣頭髮係手心，吹熱氣，再吹凍氣，凍咗先好放手呀~~~要keep得耐d就再噴spray啦。

(素顏，希望無嚇親大家)
攪咗15min終於完成!!!所以都係放假先玩set頭吧。









為咗大家對眼著想，我都係放番張正常樣的相俾大家睇一睇，當洗眼

有冇成功「轉型」??



多謝收看，喜歡請推一推喔