唔洗做panda啦~碌出一對電眼 - Garnier Hydrating Eye Roll-On

聖誕節放咗幾日假，除咗食食食出個肚腩之外，就係蒲蒲蒲出一對panda eye

好彩我有佢----------------->>>>

Garnier水潤凝萃密集保濕眼部按摩筆

呢支筆同我上次介紹的Aqua Defense係同一個系列的產品，所以都係好保水的eye gel，配合特製的走珠筆設計，仲可以去黑眼圈和收緊眼袋。咖啡因成份幫助血液循環，舒緩眼部疲勞。睇0黎真係幾0岩我呢D夜鬼用

扭扭蓋，用完就扭番埋，衛生好重要。但透明色好似幾易整唔見，希望唔好發生啦(我係倫盡一族

)

粒走珠係用不鏽鋼造，所以唔怕濕咗會生鏽，放心好多。原來粒珠都幾大粒，有個一毫子咁大。

碌出來的精華液是透明色，似gel的質地，無香味<<---唔似aqua defese

用法好簡單，早晚上完toner之後，就咁揸住支筆係眼肚位左右碌，碌完用無明指印下眼肚位，幫助D精華吸收。

BEFORE：有黑眼圈，眼肚腫腫地

(晚晚都夜訓.........唉)

AFTER 6 DAYS：黑眼圈淡咗，眼肚都無咁腫

(咁先夠watt數嘛)



用後感：碌碌筆的設計好特別，用個時都好方便。走珠的表面好平滑，唔會吉眼。粒走珠好順，左右碌一下D精華就出到0黎，絕無卡住卡住，唔洗大大力碌(你都知眼皮薄受唔起考驗

)。碌的時候真係覺得粒走珠幫你按摩緊，又涼涼地，感覺有D似玉石碌面器(唔係好記得個名，希望你知我講乜)



綜合評分：(5為滿分)

清爽度

精華液好冷涼，真係好relax。(尤其呢幾日咁凍，早上一用佢，醒晒)

持久度

gel狀的精華液比想像中杰(我以為會同aqua defense差唔多質地)，碌完就有層薄膜留底係眼。

保濕度

半

能解決眼睛周圍的乾燥感，不過碌唔走D乾紋。



最後要多謝Ztyle和Garnier給我試用呢支Hydrating Eye Roll-On，我會keep住ROLL ON!!!




打完收工，多謝收看。喜歡的話請支持一下，幫按「引用」。



延伸閱讀：乾燥肌bye bye - Garnier水潤凝萃密集保濕精華







今日係2009年的最後一日啦~~~係呢度祝大家：

HAPPY 2010 新年快樂!!!!

下年見

乾燥肌bye bye - Garnier水潤凝萃密集保濕精華

好多謝theZtyle和Garnier給我試用Aqua Defense水潤凝萃密集保濕精華的機會。

一直對Garnier的產品都很好奇，朋友用過都讚好，但基於它是開架品，又猶豫買不買呢? 今次的試用令我對Garnier有十足的信心，證明平野都有好0既。

Aqua Defense水潤凝萃密集保濕精華是Garnier其中一樣皇牌產品，內含純天然的新鮮果漾精華和維他命E，為肌膚注入水份和營養，使肌膚持久保濕，更幫助肌膚阻隔自由基，達到抗氧化的功效。

扭開瓶蓋，原來裡面還有蓋掩，很衛生的包裝呢(私心喜歡)

整罐入滿50mL的淺綠色aqua gel，連蓋都沾了不少，證明無呃秤。aqua defense有淡淡的草本香味，不算太濃，接受到。

aqua defense塗上後有陣冰涼的感覺，在瓶裡看是淺綠色，但取出後就是透明色了，證明沒有加入人功色素。先試在手背上，推勻立即吸收了。



試用了一星期多，快來看看Garnier Aqua Defense的神奇保濕功效

使用前：突然的冷鋒到，我又乾到甩皮
(請細看眉附近的皮膚)

使用後：甩皮立即改善。皮膚變得水潤有光澤。

使用前：面的乾紋爆現，個鼻又乾到紅晒

使用後：乾紋無晒，個鼻唔似聖誕老人啦~~




有好野緊係要同朋友share，我將另一罐aqua defense給了朋友C小姐。先來看看她的試用效果。

使用前(左)：又係乾到塊面紅晒，仲有D甩皮

使用1星期後(右)：塊面的紅印少咗好多，甩皮也有改善了。

(註：C小姐是敏感性混合肌，用了Aqua Defense後，沒有出現敏感)




綜合評分：(5為滿分)


香味

淡淡的草本味讓我用得很開心。

質地

很喜歡個種帶水的gel狀質地，很好推。

吸收度

半

推勻後不用1分鐘就完全吸收了。

清爽度

半

冷涼的觸感倍覺清爽，快速吸收不會笠。

保濕度

半

一搽馬上feel皮膚吸到水，不過吸收之後，保濕的感覺明顯減退了，要再塗乳液滋潤皮膚。

(題外話：我用過Clinque Moisture Serum，質地也是gel狀，保濕效果和Garnier Aqua Defense的感覺差不多，但Clinque Moisture Serum塗上後似有層薄膜包住皮膚，持久度略勝一籌。)

回購率

98%

喜歡此篇的話麻煩按一下「引用」，謝謝收看。