上個星期，收到一個連自己都唔相信的電話, 2個月前見的工突然打來約2nd interview, 遲唔遲D呀?本來諗住唔鬼去, 反正我現在份工又唔係好差, 又唔洗OT, 阿head又好人, 見完又未必請, 唔想晒時間。不過, 呢間公司我真係好想入去做的, 話晒是行內的大牌子, 出0黎D經驗都價錢D。好啦, 係就遲咗D, 都去見下啦, 唔得咪疊埋心水係呢間hea公司做囉, 無蝕0既。
星期三放工立即標去, 原來約我上去做sketch test。唉，睇怕今次都係晒時間搵0黎攪。畫咗個零鐘圖, 就見一見個senior designer。又話見brand director0既, 呃我喎。算啦, 「高人」日里萬機，我見個assistant designer, 勞煩唔到佢。見了差不多一小時就完了，又係回家等消息。心想，呢次又搵自己笨。
尋日，剛剛是我上新工滿一個月，那間公司竟然打來說想聘請我，人工和我現在的工是一樣，只是職銜由fashion designer降級回assistant designer了。如果是一個月前，我會二話不說立即答應，但那一刻我猶豫了。我自知自己的學歷不算好, 外面很多大學大專生，我實在不明白為何自己會被選上；而且，聽聞此公司OT很多，每天返9放9的生活，我可以應付得來嗎？可是，我只要捱個一、兩年，將來的路一定好走。哎呀，好矛盾呀~~~有得揀又煩，無得揀又煩。搵人教吓我點做好嗎？
